好熱鬧！
每年大除夕，英皇老闆楊受成都會於自己豪宅開Party，請晒英皇上下齊齊倒數兼開賭局，睇大合照都超過70幾人，認真大陣仗！楊受成每年都會化身財神爺派錢俾大家沾下財氣。今年雖然任達華出埠、而蔡卓妍阿Sa、鍾欣潼阿嬌同容祖兒因工作身在內地，但其他人幾乎全員出動，未入蛇年已經「贏咗個好彩頭」！
人才濟濟
現場氣氛超High，特別係兩位英皇寵兒張敬軒同李幸倪(Gin)，全程被嘉賓圍住影相。而軒仔仲即興上台，夥拍Live Band獻唱多首英文金曲，聽到大家耳仔懷孕，秒變全場高潮！
Gin Lee 都好enjoy
軒公歌聲無得頂
同金牌經理人Mani 合照
於大合照中，見新加盟的歐陽震華穩坐C位，，與張敬軒、古巨基同周家怡一齊企最前，而老闆楊受成親自攬實歐陽震華膊頭，睇嚟歐陽震華於蛇年會更加行運！
歐陽震華穩坐C位
Mani 都特登搵佢影相
衛詩雅（Michelle）憑電影《破·地獄》「郭文玥」一角橫掃各大電影頒獎禮，成「七料影后」。早前她再下一城，於「第38屆大眾電影百花獎」中斬獲「最佳女主角」，成為首位獲得該獎項的香港女演員。昨晚（9月29日）英皇娛樂為她舉行慶功，英皇集團主席楊受成博士及太太陸小曼、英皇娛樂行政總裁霍汶希（Mani）、歐陽震華、方中信、曾比特（Mike）、溫碧霞、沈震軒（Sammy）、何佩瑜（Jeana）、VIVA成員Ada、Macy及VALC、黃明德（Dark）、黎展峯（Andy）、洪助昇（Aiden）、阮雅（Bonnie）、劉若寶（Polly）、黎峻（Kenneth）及黎紜蔚（Vivian）均有出席，場面墟冚。
衛詩雅憑《破·地獄》成「七料影后」，早前再奪百花獎「最佳女主角」，成首位獲此獎香港女演員。
昨晚（29日）英皇娛樂為Michelle慶功。
慶功宴高潮之一，就是楊博士親自推出蛋糕並送上花束，全場歡呼聲不絕。蛋糕設計十分有心思，最上層有Michelle拎獎的公仔，更用電影菲林由下至上貫穿整個蛋糕，底層則印滿Michelle跟家人、朋友的溫馨照片，Michelle見到蛋糕十分驚喜，「嘩！點搬過嚟㗎個蛋糕。」頻頻道謝。
合照期間，歌手黃明德（Dark）及黎展峯（Andy）即席為Michelle清唱《破·地獄》主題曲《普渡眾生》，點知二人唱到甩嘴兼笑場，場面搞笑，Michelle即笑住話：「等等先，仲唔係《少林功夫好嘢》嗰首呀，哈哈。」期間Andy又臨時充當司儀搞氣氛，Michelle笑着對Andy說：「如果我唔係結咗婚，我搵你做我結婚嗰個⋯⋯」話未說完，Mani即接口：「結婚嗰個老公呀？」弄得全場大笑，氣氛高漲。
楊受成博士與太太、霍汶希、歐陽震華、方中信、溫碧霞、沈震軒、何佩瑜及VIVA成員等出席，場面墟冚。
楊博士親自推蛋糕及送花，蛋糕以電影菲林貫穿，底層印滿溫馨照片，Michelle驚喜連連。
隨後Michelle於台上發表感言：「首先多謝公司英皇一路以嚟嘅栽培，多謝老闆楊博士，同埋多謝所有今日嚟到嘅朋友仔，陪我一個咁開心嘅慶祝嘅晚宴，希望大家繼續身體健康，同埋大家大紅大紫！」語畢全場即歡呼聲不絕，場面溫馨又熱烈。
Michelle感謝公司栽培及老闆支持，祝大家身體健康、大紅大紫。
