有啲工種避免唔到。
視帝馬德鐘80年代曾任警察，近日於YouTube頻道大談當年執勤見聞，當中一件發生於年初二的經歷尤其震撼——佢竟然要獨自留喺荒山睇實屍體等「收工」，場面陰森恐怖！
點擊看圖輯
更多相片
馬德鐘的演技應該係由自身經歷浸出嚟
馬德鐘入行前係警察，有好唔一樣的體驗
佢話見到屍體雙眼凸出，嘴唇發黑
仲要同屍體採集指模，認真唔簡單
仲要陪住屍體等收工，非常漫長
馬德鐘的演技應該係由自身經歷浸出嚟
馬德鐘入行前係警察，有好唔一樣的體驗
佢憶述，當年年初二接報有市民行山時發現屍體，於是佢同同袍上山查看，「我哋見到有個男人吊喺樹上，雙眼凸出，嘴唇發黑，四周仲有烏蠅飛嚟飛去。」他指，處理過程唔可以直接解開屍繩，因為要留做化驗，於是他負責抱住屍體，同袍就割斷繩索。「抱起時覺得特別重，因為屍體冇任何肌肉張力，成個人完全軟晒。」
佢話見到屍體雙眼凸出，嘴唇發黑
仲要同屍體採集指模，認真唔簡單
最難忘的部分，是其他同事巡邏離開後，馬德鐘竟然要獨自留喺山頭睇實屍體，直至下一更同事接手。「原本4點半放工，結果等到7點，天黑晒都冇人嚟，四周得我同棵樹…嗰陣時又冇手機，完全冇嘢可以做，時間過得好慢。」
仲要陪住屍體等收工，非常漫長
此外，馬德鐘亦分享父母離世前的「異象」經歷，佢話父親喺離世前兩日突然話見到「好多小販攤檔」，而母親亦喺臨終前兩日話見到「好多人行嚟行去」，結果幾日後相繼離世。對此，佢表示呢啲經歷令佢相信，人死前可能會有特別幻象。
