魚生險擠出盒外飯炒埋一碟！食客外賣壽司拼盤變「刺身丼」嬲爆公審 Keeta咁回應

有食客在社交平台發文公審，稱透過Keeta叫了盤32件的壽司拼盤，價錢為$264.8。詎料一打開包裝，發現壽司炒埋一碟，堪稱「戰場」！

壽司拼盤慘變「雜錦丼」

樓主在facebook群組「真.屯門友」發文和上傳照片，表示新年期間叫壽司外賣，點選了32件「花漾海鮮宴會」拼盤，加上運費及平台服務費，一共支付了$264.8，點知送上門後壽司嚴重「貨不對版」，皆因壽司大移位，拼盤變炒飯。

FB圖片

戰況激烈猶如「戰場」

從照片可見，膠盤上的壽司已全部移位，魚生更與壽司飯分離，全部拋飛到一旁。有塊三文魚更差點擠出盒外，而壽司飯則炒埋一碟，令人食慾大減。樓主不禁直斥「嬲到震，新年流流叫個外賣，送啲咁嘅嘢過嚟？」，並稱最後已獲退款，「我出街食冇咁嬲」。

FB圖片

FB圖片

不滿外賣員餐點放門口就走

樓主後來留言補充，指假如外賣員當時親手把餐點給他，並解釋「炒咗車」，一定不會投訴。問題在於樓主明明要求「當面交給我」，但外賣員只將外賣放在門口，而期間更沒有任何通知，「仲要一打開就咁樣」，令樓主嬲上加嬲，才要投訴並要求退款。

FB圖片

網民笑：撈埋一齊當刺身飯囉

帖文惹來熱議，有網民看過照片爆笑壽司變「魚生飯」和「刺身丼」，「炒一炒變日式海鮮炒飯」、「外賣應該跌咗樓梯碌咗成層樓」、「唔緊要啦，撈埋一齊當刺身飯囉」、「啲壽司地震嚟」、「唯有擺埋一碗當魚生飯，撈一撈風生又水起，開心啲」、「蝦尾都飛埋出嚟，我就唔敢食啦」；亦有人表示現時許多外賣員都在送餐時橫衝直撞，難怪餐點會大走位，「而家啲外賣員行人路飛單車橫衝直撞，落到馬路又無視其他交通使用者，真係得個快字」。

FB圖片

Keeta事後這樣處理

Keeta接到投訴後亦同意作全數退款，並這樣回應：「早前有顧客經Keeta購買壽司後，發現送達外賣的賣相未如理想，Keeta對此十分重視，已就此個案作全數退款，並第一時間與商戶溝通，研究改進外賣包裝。Keeta向來重視用戶體驗，未來將針對不同類型的餐品，與各商戶攜手研究更適切的外賣包裝及流程，同時加強配送服務質素，務求為用戶提供優質的外賣服務。」。

網傳影片，3位大媽在收銀台前上演激烈爭住埋單的場面，手機付款碼準備就緒，個個爭住叫「我嚟！我嚟！」。其中一位看似搶先成功付款，但之後卻有反轉，有眼利的網民更看出當中玄機。

目擊者在社交平台發帖

樓主在社交平台Threads上傳短片並發帖，留言指「真係誇X張，完全目中無人，直接喺我面前表演MMA。我企喺後面好似以為我有防護罩咁，真係呆Ｘ咗」。

大媽搶付藥油錢超激烈：我嚟

影片可見，3位大媽在收銀台前「爭位」，搶住為藥油付款，「得得得得得得」、「唔好唔好唔好」、「我嚟我嚟我嚟」、「呢度呢度」此起彼落。

大媽搶付藥油超激烈：我嚟！當事人帖文截圖圖片

搶先掃碼以為贏晒

然而，看似先掃碼成功的大媽，其實只付了最靠近收銀員的那1盒藥油，其餘5盒較遠的藥油，反被後上的大媽成功搶付。

看似先掃碼成功的師奶，其實只付了最靠近收銀員的那1盒藥油。當事人帖文截圖圖片

她在片中向店員說「唔係唔係，你掃我吖嘛真係」、「後面5支俾我」，最後成為爭埋單的最大贏家。

最後成為爭埋單的最大贏家。當事人帖文截圖圖片

網民看穿：假爭俾錢

不少網民對這種「MMA式」爭付行為感到反感，覺得「阻住後面客人」、「好擾民」，更直言「咁想俾錢，不如叫佢連你份一齊俾晒啦」。

不過眼尖網民則看穿這是「假爭俾錢」，直呼「扮嘢扮到爛」、「假到爆」、「其實個個都不想俾」。有網民一針見血，「十幾二十蚊就爭得要死，幾百蚊就即刻縮」、「小錢爭住俾，大錢就無影」、「試下幾千蚊睇下仲爭唔爭，純粹演戲！」。

眼尖網民則看穿這是「假爭俾錢」，直呼「扮嘢扮到爛」。當事人帖文截圖圖片

小額消費上刻意表現人情味？

有人分析，可能心裡想着「可能兩個都唔想俾之後食飯嗰餐」，於是在小額消費上刻意表現人情味，大額時卻自動退縮。

網民抨擊：其實為咗面子

不少網民抨擊這種文化，「超討厭呢種爭俾錢文化，明明係假慷慨，其實為咗面子！」、「收起嗰啲無謂面子啦」、「撞到樓主咁多下，換成我即刻開口鬧佢哋」、「叫佢哋閃開一邊慢慢打啦，後面好多人排隊」、「我之前試過被5個師奶圍住爭俾錢，爭住買一把指甲鉗，我企定定等佢哋完事」。