汪小菲留言「老婆，我好想你」 網民不買帳狠批

遲來的深情。

台灣女星大S（徐熙媛）猝逝，震驚演藝圈。曾與她鬧上法庭的前夫汪小菲得知噩耗後，急從泰國飛返台灣，面對記者時更眼眶泛紅、雙手合十鞠躬90度，表現哀傷。

二人離婚後鬧上法庭

二人2021年11年結束10年婚姻

除了現身台灣表達哀悼，汪小菲更被網民發現，在多段有關大S的影片下留言，寫下「老婆，我好想你」、「死的人應該是我」等字句，流露滿滿不捨之情。不過，唔少網民並唔買帳，狠批：「遲來的深情，比草都輕賤！」有人更認為以「老婆」稱呼前妻並不適當：「你現任老婆看到會點諗？」

有網民發現汪小菲留言以「老婆」稱呼大S

更寫「死的人應該是我」

未知汪小菲係咪見到負評，隨後刪走原本留言，改為「我好想你」，但相關討論已經在網上瘋傳。

其後刪去「老婆」二字

汪小菲突如其來的告白，引起網民兩極反應，有人認為他「終究還是最愛大S」，亦有人懷疑他「炒作悲情」：「當初點解要同人對簿公堂？宜家喊嚟博同情？」但亦有粉絲為汪小菲平反：「無論如何，佢哋都曾經相愛過。」

已故女星大S（徐熙媛）離世後，一對子女近況一直備受關注。日前前夫汪小菲低調飛到台北陪伴愛女小玥兒，更於社交平台分享父女溫馨日常，由陪囡囡上畫畫班，到一齊享受高級法式晚餐，全程父愛滿瀉，仲形容今次係一場「父女約會」。

大S與汪小菲有一對兒女

不過，影片曝光後，網民焦點幾乎全部落喺今年12歲嘅小玥兒身上！雖然她全程相當低調，多數只以背影同側面示人，但一頭及肩長髮加上高挑身形，已經令唔少網民驚呼：「根本係大S翻版！」

背影與大S好似

片中見到，小玥兒陪爸爸去畫畫班時表現文靜，畫作亦相當有天分。之後父女再到高級法國餐廳食飯，汪小菲仲細心介紹每一道菜式，互動溫馨。不過最令網民震撼嘅，係小玥兒無論行路姿態、氣質甚至身形比例，都同媽媽大S極為相似。

之後父女再到高級法國餐廳食飯

大批網民留言感嘆：「個背影真係一模一樣」、「連行路神態都係大S」、「基因真係好強大」。仲有人睇到相當感觸，直言彷彿再次見到大S年輕時嘅影子。

彷彿再次見到大S年輕時嘅影子

現年12歲嘅小玥兒亦被指愈大愈有星味，目測身高已超過165cm，亭亭玉立，氣質相當出眾。自從大S離世後，她與弟弟主要跟隨汪小菲及繼母馬筱梅兩地生活，早前更突然開設IG帳號，引來大批網民關注。

小玥兒早前突然開設IG帳號，引來大批網民關注

而馬筱梅日前直播時，被問到大S一對子女相關問題時則顯得相當避忌，坦言之後有關孩子問題，希望外界直接詢問汪小菲或張蘭，更表示：「唔好喺我度問，因為我會畀人鬧。」言談間似乎不想再捲入相關話題。