友乜唔講得｜曾被N次挖角零心郁 汪明荃服務無綫53年從未想過跳槽

汪阿姐：「我覺得TVB啱我咯，而且公司都好錫我！」

因無綫節目《歡樂今宵》結緣眨眼40載的阮兆祥、梅小惠、江欣燕，早前合作拍攝節目《友乜唔講得》，本周日（2月9日）晚播出的第三集的嘉賓，是TVB鎮台之寶汪明荃！

阿姐今次名副其實迷人Pink Lady。

齋睇相，都感受到佢哋同阿姐感情有幾好啦。

阿姐私下又玩得又有幽默感。

左起：阮兆祥、汪明荃、梅小惠、江欣燕

予人感覺專業又嚴謹的阿姐，私下原來相當玩得，除了一出場就把玩身上的「荷花裝飾」，更與祥師兄鬥「食字」。談到阿姐，祥師兄三人讚不絕口，除大談與阿姐第一次見面的感受及經歷，又爭先分享阿姐如何提攜及照顧後輩。小惠與欣欣於1997年曾與阿姐合作綜藝節目《電視大贏家》，小惠大爆當年阿姐主動幫她們爭取靚衫：「係你幫我哋同服裝講，我哋三個要一樣咁靚！」又指阿姐出動私家髮型師幫她和欣欣梳頭，相當暖心，欣欣亦感嘆謂：「我哋真係好感謝阿姐。」 阿姐聞言即說：「好係大家架嘛，我哋要講團結！」阿姐又指當年與鄭少秋及林曉峰（阿Lo）一起主持綜藝節目時，已不斷叫監製給予阿Lo唱歌機會：「我嗰時成日要求監製畀佢唱啦，我話我可以同佢唱架，佢真係唱得好架…後尾佢喺內地紅咗，我幾戥佢開心呀。」欣欣席間又大爆阿姐當年如何一句化解「口花男」，萬勿錯過。

梅小惠1990年同1991年嘅台慶表演都好精彩。

小惠話呢個表演，令到邵逸夫爵士記得佢個中文全名，令到佢好開心！留意番，白布上嘅紅色「身影」，全部都係小惠用驚人體力整出嚟架。

祥師兄都會分享當年嗰對「Rain眼」係點整出嚟。

難忘昔日好拍檔沈殿霞轉數快：幾尷尬嘅場面佢都兜得翻
談到當年與阮兆祥、王祖藍、李思捷合作拍攝《荃加福祿壽》，阿姐坦言接拍前有猶豫：「佢哋話想要我帶一帶啲後生喎，我話我點帶呀，我唔係搞笑架喎，咁佢叫我一齊玩，我都當學吓嘢，試啲新嘢啦。」祥師兄即大讚阿姐勇於跳出自己框框嘗試不同造型，對此阿姐又再發揮專業本色謂：「每個人都要有啲貢獻架，我咪貢獻我所長咯！」談到拍攝期間的難忘事，祥師兄指當年四人重現「四朵金花」經典時，看到阿姐眼濕濕煞是感觸，令眾人十分擔心，阿姐亦直指當時自己是「冇辦法錄落去」，阿姐說：「當時佢（祥師兄）好似肥姐，王祖藍又係好似（張德蘭），唱歌時嘅郁動又全部都一樣…」阿姐邊說邊不斷讚嘆昔日好拍檔肥姐實在「太叻」：「幾尷尬嘅場面佢都兜得翻，仲要喺片場打滾咗幾十年」，阿姐又笑言曾遭小時候的欣宜批評英文叻但「Not that fluent（唔夠流利）」，相當搞笑。

阿姐當年為咗幫小惠同欣欣扮到同自己一樣咁靚，出咗唔少力。

阿姐話當年喺福祿壽重現「四朵金花」，一度感觸到眼濕濕亦「錄唔到落去」。

對挖角價零興趣：冇問過幾多錢，唔係錢嘅問題
四人又談到當年電視圈的挖角潮，對此阿姐坦言曾遇上幾次被挖角機會，第一個機會在拍畢劇集《家變》後已出現，但阿姐不但每次都不為所動，而且就連挖角價也從來沒有過問：「冇問過幾多錢，唔係錢嘅問題。我覺得一個人最緊要搵一個適合嘅環境，喺TVB只係做好自己工作就夠，唔使靠關係，又唔使搵角色，我覺得TVB啱我咯，而且公司都好錫我。」對公司有著深厚感情的阿姐，還與三位主持大談昔日拍攝《千王之王》、《家變》及《京華春夢》等經典劇集的趣事，除了有謝賢因為謝霆鋒出世、在拍攝期間「話走就走」外，又大讚名導演杜琪峰說：「佢係將我個樣拍得最靚嘅導演。我覺得《京華春夢》係我代表作，因為拍得好靚呀。」阿姐在節目中還會大爆自己最不喜歡的家英哥的一個壞習慣，更無奈感嘆：「講咗好多次佢都唔改咁點吖？」到底家英哥有甚麼壞習慣令阿姐如此苦惱？

阿姐話當年喺福祿壽重現「四朵金花」，一度感觸到眼濕濕亦「錄唔到落去」。

阿姐話當年喺福祿壽重現「四朵金花」，一度感觸到眼濕濕亦「錄唔到落去」。

阿姐仲會分享當年拍劇趣事。

梅小惠35年前台慶表演出土技驚四座
另外今集三位主持還會分享最難忘的台慶表演，觀眾更會有幸目睹小惠於1990及1991年在台慶夜的高難度精彩表演；另原來祥師兄之所以會提出如果小惠50歲前嫁唔出會娶她做妻子，起源亦是來自台慶表演，想知箇中因由，密切留意周日晚播出的第三集《友乜唔講得》。

早前TVB Plus（82台）宣布將推出A.I動畫《AI930︰社畜求生101》，周嘉洛聲演主角「貓貓阿星」、《多拉A夢》「胖虎」聲優黃啟昌聲演「肥狗阿花」，引來觀眾期待。TVB Plus上周六凌晨率先推出《OT無限Loop》阿星、阿花率先上陣娛賓。

貓貓阿星、肥狗阿花及水豚着力演出《OT無限Loop》。

貓貓阿星、肥狗阿花及水豚着力演出《OT無限Loop》。

KOL飛天爺爺想起當年亞視的《魚樂無窮》通宵節目。

夜䦨人靜之時，有無曾幾何時覺得空虛、覺得寂寞、覺得凍，公司還有那位未收工？ TVB Plus（82台）全新AI節目《OT無限Loop》，逢周一至周日凌晨三點半至早上六點，透過電視全程直擊兩位社畜阿星、阿花捱更抵夜職場血淚史「真人騷」。從辦公室的4部閉路電視，你會見到營營役役加班工作的阿星，有時他會離開座位作舒展運動；還有經常偷懶打瞌睡的阿花及全神貫注擔任保安的水豚。畫面配上柔揚樂韻，令人不期然想起當年亞視收台後，直播熱帶魚在魚缸中游泳的《魚樂無窮》。當年這套通宵節目所以為人津津樂道，全靠周星馳主演的經典電影《家有囍事》上位。

有網民開帖留言。

有網民開帖留言。

有網民開帖留言。

有網民開帖留言。

《OT無限Loop》上周六凌晨首播後吸引不少網民開帖留言，KOL飛天爺爺亦有分享，更提議「部售賣機其實可以賣廣告㗎喎」。亦有自稱10年沒有睇電視的網民表示「三樣嘢鍾意返睇電視︰唱錢、周嘉洛、胖虎配音員……」。而有看過節目的觀眾，大讚《OT無限Loop》的畫風直迫卡通電影《優獸大都會》（Zootopia）的水準。

貓貓阿星、肥狗阿花及水豚着力演出《OT無限Loop》。