大S離世｜粉絲日花78萬買廣告 為大S登紐約時代廣場巨型屏幕

讓大家記住大S最美的樣子。

台灣女星大S（徐熙媛）新年期間於日本旅遊時感染流感併發肺炎病逝，終年48歲。大S因《流星花園》紅遍亞洲，最近有粉絲於美國紐約時代廣場巨型屏幕買下廣告紀念偶像，短短約1分鐘的片段播出大S一張又一張的靚相，感動無數網民！

大S本月2日驟逝於日本。

大S登紐約時代廣場巨型屏幕。

有傳一日廣告費已高達10萬美金（約78萬港元）。

網民紛紛留言表示：「真好，感謝紐約的粉絲」、「謝謝出資做這件事的粉絲」、「謝謝讓我們記住她最美的樣子。」

南京吾悅廣場的電視牆上，同樣播放大S生前的點點滴滴。

再見了，我們的杉菜！

已故女星大S（徐熙媛）離世後，一對子女近況一直備受關注。日前前夫汪小菲低調飛到台北陪伴愛女小玥兒，更於社交平台分享父女溫馨日常，由陪囡囡上畫畫班，到一齊享受高級法式晚餐，全程父愛滿瀉，仲形容今次係一場「父女約會」。

大S與汪小菲有一對兒女

不過，影片曝光後，網民焦點幾乎全部落喺今年12歲嘅小玥兒身上！雖然她全程相當低調，多數只以背影同側面示人，但一頭及肩長髮加上高挑身形，已經令唔少網民驚呼：「根本係大S翻版！」

背影與大S好似

片中見到，小玥兒陪爸爸去畫畫班時表現文靜，畫作亦相當有天分。之後父女再到高級法國餐廳食飯，汪小菲仲細心介紹每一道菜式，互動溫馨。不過最令網民震撼嘅，係小玥兒無論行路姿態、氣質甚至身形比例，都同媽媽大S極為相似。

之後父女再到高級法國餐廳食飯

大批網民留言感嘆：「個背影真係一模一樣」、「連行路神態都係大S」、「基因真係好強大」。仲有人睇到相當感觸，直言彷彿再次見到大S年輕時嘅影子。

彷彿再次見到大S年輕時嘅影子

現年12歲嘅小玥兒亦被指愈大愈有星味，目測身高已超過165cm，亭亭玉立，氣質相當出眾。自從大S離世後，她與弟弟主要跟隨汪小菲及繼母馬筱梅兩地生活，早前更突然開設IG帳號，引來大批網民關注。

小玥兒早前突然開設IG帳號，引來大批網民關注

而馬筱梅日前直播時，被問到大S一對子女相關問題時則顯得相當避忌，坦言之後有關孩子問題，希望外界直接詢問汪小菲或張蘭，更表示：「唔好喺我度問，因為我會畀人鬧。」言談間似乎不想再捲入相關話題。