大熊貓家族版元宵燈謎 「家姐細佬」出題等你估

一年容易又元宵，一年一度的元宵佳節，不知道大家是否有做齊「元宵三件事」：食湯圓、賞花燈、猜燈謎呢？各位對上一次猜元宵燈謎又係幾時呢？

海洋公園ig圖片

海洋公園的熊貓大家族未必可以同各位一樣食湯圓、賞花燈，不過就一定不會錯過猜燈謎的精彩環節！海洋公園小編晚上在社交網站公開熊貓家族版元宵燈謎，「家姐細佬」盈盈樂樂可可齊齊上陣，出題同大家玩猜燈謎，一齊腦「FUN」急轉彎，並祝大家元宵節快樂，花好月圓！

「家姐細佬」率先出題「考起」大家，「有山又有水，精彩好玩盡在南區! （猜一地方）」，爸爸「樂樂」就將燈謎難度升級，拋出「燒腦」題目：「有一种食物好似我個名咁，成日都咁開心!」，而媽媽「盈盈」夫唱婦隨，為大家提供貼士「其中一個字同樂樂手上嘅嘢有關！」

海洋公園ig圖片

海洋公園ig圖片

海洋公園ig圖片

面對熊貓家族燈謎，一眾網友亦紛紛留言開估謎底：「有山又有水，精彩好玩盡在南區，答案係海洋公園」，至於「有一种食物好似樂樂個名咁，成日都咁開心，其中一個字同樂樂手上嘅嘢有關，答案就係知足常樂！」

海洋公園ig圖片

海洋公園星期二(3月25日)在社交媒體上分享了一個有趣嘅話題：大熊貓樂樂爸爸為館不會與「家姐」、「細佬」一齊玩？好多網民都好奇，牠是否「唔識湊仔」？其實，答案很簡單——因為大熊貓的天性！

盈盈與雙胞胎玩耍勁溫馨。IG截圖

樂樂爸爸根本不知道自己成為爸爸。IG截圖

海洋公園解釋大熊貓本身就係獨居動物，成年之後就會有自己的地盤，對領地仲好有要求！除了在每年短短的交配季節會見面之外，平時牠們基本上都是「你行你路，我過我橋」，互不打擾。

所以，海洋公園入面的熊貓——無論係安安、可可、盈盈定樂樂——都是分開獨居。即使盈盈生下雙胞胎，牠們長大後都會自己生活。

有網友留言表示：「雖然好唔捨得佢地第時要分開，但佢地能夠健康長大，將來可以獨立生活，都係開心嘅事」。

至於樂樂爸爸，其實牠根本不知道自己成為爸爸！在2024年8月，盈盈成功自然交配後誕下雙胞胎，但樂樂早已回歸自己的獨居生活。大熊貓的世界入面，湊仔完全是媽媽的責任，爸爸只負責「交配任務」，完成之後就會瀟灑離場。所以，即使家姐細佬在隔壁玩得幾開心，樂樂都完全不會參與。

安安心聲：其實自己一個更開心。IG截圖

目前海洋公園有六隻大熊貓，包括盈盈、樂樂、雙胞胎BB，以及另外兩隻五歲熊貓。牠們各自有自己的空間，工作人員亦會根據牠們的需要安排日常生活，同時確保大熊貓健康快樂。

大熊貓雙胞胎長大後亦會分開居住。IG截圖

所以，下次去海洋公園見到「家姐」、「細佬」同媽媽盈盈玩得開心，但又見唔到樂樂爸爸在旁邊時，你就知道原因啦！這一切都係因為大熊貓天生鍾意獨居，而並非「冷漠」或者「唔識湊仔」。