美國返港為慶情人節 人夫提早1個月訂中環餐廳被迫改時間 大嘆：明白餐飲業為何低迷

情人節難book枱就眾所周知，所以1名人夫為和妻子好好慶祝，甚至提早一個月訂位，點知餐廳突然要他2個時段2揀1， 令他不滿取消訂座並大呻：「明白餐飲業為何低迷。」

餐廳突然要求2個時段2揀1

樓主2月4日在facebook群組「香港茶餐廳及美食關注組」上載3張和與餐廳的WhatsApp對話圖。訊息最初是1名員工通知情人節當日只有情人套餐，而且「客人人數眾多，會分3個時段」。3個時段分別是下午5時至傍晚6時50分、晚上7時至8時50分，以及晚上9時至10時50分，當中晚上7時至8時50分更是「已滿」。

FB圖片

FB圖片

樓主提早訂座質疑：為什麼要重新選擇？

樓主指準備專程由美國返港，原定和妻子慶祝在香港的第1個情人節。加上，樓主是提早近一個月，即1月16日就向這間中環餐廳預訂了傍晚6時30分入席，當時餐廳亦確認了他的預約，因此質疑「為什麼要重新選擇時段？」、「相信其他人沒那麼早預約」。

FB圖片

樓主炮轟沒有待客之道

樓主便向店員反映，自己預約6時半，為何對方認為他能在下午5時或晚上9時入席，更指責對方沒有待客之道。店員表示理解，說將會檢查能否安排晚上7時這個時段，不過要翌日才能回覆。樓主一聽，馬上反駁「缺了我1個客人，你們也不會執笠」，並要求取消訂位，店員嘗試解釋今日才決定有關安排，但樓主已經不接受任何解釋。

Getty示意圖

網民︰放入黑名單啦

樓主說自己並非公審，只是慨嘆「終於明白為什麼香港餐飲業低迷」，明明自己1個月前預訂，「不明白的是，1天內7點時段已經滿了，硬要我選5點或9點…有些餐廳不懂裝懂，所謂待客之道」。

示意圖

帖文引來許多網民討論，認為「中環大把餐廳揀，呢啲服務態度放入黑名單啦」、「似係突然多咗訂位先分時段，分生、熟客嚟安排，呢啲服務態度好差」。

下個月21日就係父親節，連鎖餅店美心今年推出兩款創意造型蛋糕，點知蛋糕相片一出，即時喺網上掀起熱烈討論，網民反應兩極，有人直指造型似足「祭品」，亦有人大讚夠晒創意。

threads圖片

有網民日前喺社交平台分享喺門市影到嘅蛋糕相，配文寫道：「豆腐火腩飯蛋糕好似上香做忌咁，好地獄」。從相片所見，兩款蛋糕分別係「豆腐火腩飯蛋糕」同「出前一丁餐蛋麵蛋糕」，全部以碗裝造型呈現。其中「出前一丁餐蛋麵蛋糕」直接用上經典紅色出前一丁包裝設計，頂部用奶油擠出密密麻麻嘅「公仔麵條」，再鋪上兩隻荷包蛋同一塊厚切午餐肉造型甜點；而「豆腐火腩飯蛋糕」則喺表面鋪滿模擬米飯嘅脆米，上方堆疊着像真度極高嘅「火腩肉塊」、「豆腐」同綠色蔬菜做點綴，賣相相當逼真。

threads圖片

帖文一出即引來大批網民留言，意見兩極。部分網民對蛋糕造型大感不解，紛紛留言狂轟：「好似祭品」、「真係唔知邊個approved」、「係咪同紙紮舖搞cross over」、「好核突，買唔落」，反應相當負面。

threads圖片

不過，另一邊廂亦有大批網民力撐產品夠晒新意，留言反擊：「又幾有創意喎，多個選擇啫。香港人真係厭尖聲悶，永遠只有彈，唔會讚」、「算係整得幾靚」、「其實好有創意」、「好有創意喎，邊度似啊？幾有諗頭呀，欣賞下得唔得，成日食嚟食去都係嗰啲懶靚嘅蛋糕，呢啲男人鍾意喎」。更有網民表示「好特別，想試晒兩款」、「坊間都好多呢啲造型蛋糕，以呢個價錢算係好抵」，甚至有人搞笑問：「有冇沙嗲牛肉麵？我老公鍾意食呢個」，令討論區瞬間變成「創意蛋糕點評大會」。