黑色幽默新片《謊島美人魚》再曝全新海報 溫碧霞坦言為「近十年最滿意的作品之一」

由溫碧霞（Irene）及台灣男演員禾浩辰主演之英皇幽默愛情小品《謊島美人魚》宣布即將上映，今日發佈全新海報 。Irene孖禾浩辰早前繪賀蛇年畫作及寫揮春提早向觀眾拜年，引起網絡激烈迴響。而電影公司更將Irene的畫作印製成揮春於戲院派發，怎料不到24小時已被搶撲一空，力證Irene的吸引力於蛇年有增無減。

禾浩辰 溫碧霞

Irene 早前更憑電影勇奪「亞洲國際青年電影節」最佳女主角，Irene回想起得到肯定坦言：「從第一部電影15歲的時候已經被提名最有前途新人，到現在我對電影的熱誠依然沒有改變過，夢想是我們內心深處最重要的一個生命力，希望大家能夠和我一樣，堅持自己的夢想、努力奮鬥。」

溫碧霞 禾浩辰

而同屬電影出品人及女主角的Irene對電影寄予厚望，早前更不遺餘力帶同電影《謊島美人魚》到過多個大型影展，與世界各地電影人推介這部新片，Irene談起這部新片即大感興奮，她稱：「呢部電影係我近十年最滿意的作品之一，我好耐冇拍呢類黑色幽默愛情電影。除咗好多黑色幽默，仲有姊弟戀同親情，自己好鍾意呢部戲，應該會令好多觀眾好surprise。」

溫碧霞 禾浩辰

電影《謊島美人魚》主要講述女人和男人之間在愛情路上的年齡反差，Irene希望作品啟發大家勇敢去愛：「其實愛一個人係咪可以只愛對方唔好諗太多？呢個故仔有好多啟發，除咗親情同愛情，亦表達到生離死别，自己都深受感動。」Irene於3月將推出全新寫真集Lifestyle，同步更全面投入為電影於香港及不同地區宣傳。

為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。

英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。

昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。

女團VIVA

溫碧霞（Irene）亦有到場感受氣氛。

經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」

VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」

何佩瑜（Jeana）

Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」

周國賢（Endy）壓軸登場。

全場瘋狂high爆！

整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。