網傳影片，稱有乘客於凌晨搭乘港鐵正想出閘卻發現港鐵已「拉閘」，疑事主及同行友人見被困站內，無奈自嘲「睇嚟要喺度過夜」。
凌晨乘港鐵疑被困彩虹站內
有網民於facebook群組「香港突發事故報料區及討論區」轉載1條threads影片，現場為港鐵彩虹站的A2出口，出口處亦已拉上鐵閘，疑有乘客深夜被困在站內。可以聽到影片中，有人疑對被困一事感到無措，用了普通話說了句「我X」。
threads截圖
若翻查threads，可以找到疑似當事人拍的影片，影片上傳時間為凌晨1時24分，帖文中還有疑似事主「睇嚟要喺度過夜」的自嘲。
threads截圖
網民質疑事件真偽：唔識打3條9？
影片惹來熱議，有網民笑稱「成就解鎖」、「港鐵是我家」，但更多人感到匪夷所思，並質疑事主是否為拍片故意藏匿站內，「特登匿埋唔走咋？」、「被困？唔會打3條9？」、「扮晒嘢啦，落去搵站長就出到去啦」、「就算落咗閘，地鐵都仲有工作人員喺裏面」、「地鐵夜晚施工都有夜間出口，就算無，去到按電話公仔一定有人應機」。
threads截圖
後續咁處理
港鐵後續指，當時尾班車已於彩虹站開出，車站職員正陸續關閉車站各出入口。期間，職員留意到有2位乘客仍在A2出入口逗留，已即時安排他們離開車站。
彩虹站（資料圖片）
近日一張高達逾8萬蚊的天價下午茶賬單掀網絡熱議。有食客分享在新蒲崗一間茶餐廳用膳後，收到一張近九萬元的驚人賬單，經查詢後發現，原來是店員落單時輸入錯誤所致。
新蒲崗茶餐廳現近9萬天價賬單，店員落單誤輸入1533份牛腩飯。資料圖片
食客食下午茶收驚人天價賬單
事主在社交平台Threads發文表示，「吃下午茶……睇見張單，俾佢嚇死，成10萬蚊……問下姐姐，當然係佢哋搞錯啦」。店員得悉後隨即到收銀處查看，最終更正了賬單金額。事主寫道：「最後更正張單，只是126蚊咋」。
新蒲崗茶餐廳現近9萬天價賬單，店員落單誤輸入1533份牛腩飯。資料圖片
2份茶餐高達逾8萬
從上載的照片可見，單據上記錄了兩份茶餐，包括椰香咖喱牛筋腩飯、鐵板黑椒牛柳絲炒麵、凍檸茶及凍鴛鴦。當中椰香咖喱牛筋腩飯的價錢竟高達88914元，令整張賬單總額達88980元。
新蒲崗茶餐廳現近9萬天價賬單，店員落單誤輸入1533份牛腩飯。資料圖片
原來是數量出錯 正確金額僅126蚊
細看賬單，問題在於店員將一份牛筋腩飯的數量，錯誤輸入為1533份。事主其後也正確計算出實際費用：「鐵板牛柳絲炒麵同咖哩牛筋腩飯一樣價錢60蚊x2，凍飲加3蚊x2，總數係120蚊加6蚊=126蚊」。
新蒲崗茶餐廳現近9萬天價賬單，店員落單誤輸入1533份牛腩飯。Threads圖片
離奇事件引來網民爆笑留言
此事在網上引起不少迴響，網民紛紛幽默留言。有人戲言「成隻牛上，都唔使咁多錢」、「鋪金箔食都唔使咁貴」，亦有網民笑指「8萬8一碟飯好意頭吖！」。
對於誇張的份量，網民則稱「食咗千幾個咖哩飯，仲瘋狂過印度人」、「你一個晏晝食咗人哋成年嘅咖喱牛筋腩飯，健力士一定要頒獎畀你」。
