春天又到了，香港好多地方都繁花盛開，啟德某公園的山茶花亦開得正燦爛，但卻引來了採花賊。日前有網友就目睹一名大叔特地拎住一個大袋盛着採下的山茶花，行為令人髮指！
FB截圖
大叔拎埋大袋來偷花
這名街坊於情人節當日在Facebook群組貼文，並上載拍下的「罪證」，寫到「此人把所有花取走」，相中一名白髮斑斑的大叔在一個種滿山茶花的公園某處，正伸手摘花，並將摘低的花放進一早預備好的大袋。
FB圖片
網斥：好嬲呀，咁樣破壞！
網民見到帖文，都破口大罵地留言指「真。低賤」、「唉」、「太過分！！！！！」、「冇文化，真可怕！」、「好嬲呀，咁樣破壞」、「罰款坐監」。
樓主嘗試喝止但不被理會
網民亦有問樓主是否有出聲制止，樓主回應，有馬上喝止，但對方不理會，於是他就通知管理員到場處理，但由於趕時間，樓主就無暇了解之後管理員如何處理了。
FB圖片
街坊爆料大叔已不是第一次
有網民估計管理員最多「大聲呵斥佢，同埋警告如果再呢樣就報警」；另有街坊爆料指「佢唔係第一次，我之前見過有兩個清潔阿姐話過佢。佢都係唔理人」。
設計圖片
網民：山茶花曬乾可當草藥
有網友就很好奇這位大叔採摘山茶花有何用處呢？有知情的網民解釋「曬乾當草藥」、「山茶花係有用途的，雖然唔高，但勝在免費，所以佢用袋嚟收」。
搭飛機出遊最驚就是遇到「機艙老鼠」，近年不時都有關於「機艙老鼠」的新聞，不少市民都提高了警覺性，不過有港男就防賊不成，反而搞到自己荷包失血！事主在網上分享慘痛經歷，指自己日前由大阪搭廉航返港，因聽得太多機艙偷竊案，決定將8萬日圓（約4000港元）現金由隨身袋轉放褲袋，以為貼身就最安全，誰知道落機後發現現金已經不翼而飛！事主嬲爆自嘲「戇Ｘ到無極限」
示意圖片
該名港男在帖文中毫不留情地自嘲，直言「估唔到有生之年要出Post自己鬧自己，我真係戇Ｘ到無極限。」他解釋，正因為在航機上「聽得太多『機艙老鼠』嘅事，驚放喺袋唔安全」，所以甫就座便「好醒咁」把隨身袋內合共8萬日圓的現鈔，全數轉移到右邊褲袋，當時更深信「放喺身上最安全」。
《愛回家》劇照。示意圖片
AI生成圖片
然而，當客機抵港、乘客魚貫落機之際，機艙內人多擠迫，事主憶述期間曾被人碰撞了一下，但他當時並未為意。直至他離開機場、登上回家巴士，隨手往褲袋一摸，才赫然發現右邊褲袋空空如也，該筆8萬日圓現金早已不知去向。
《愛回家》劇照。示意圖片
港男自責後好好總結，歸納出自己兩大「死因」，第一是褲袋本身過淺且不設拉鏈，非但毫無防盜作用，反而極容易讓現金滑落。第二，他原意是防範賊人，到頭來卻變成「自己送上門或直接整不見」。最後事主苦笑安慰自己，當作以「8萬日圓當買個教訓」，同時提醒其他人切勿以為把財物塞進褲袋便萬無一失。
帖文曝光引來大批網民熱議，不少網友認為，將貴重物品放在褲袋本身已極具風險，但無奈身邊許多男士總有一種莫名其妙的自信，誤以為財物放入褲袋就一定萬無一失：「現實係一坐低、一起身，褲袋內的財物便輕易滑出，去個洗手間跌落地上都可以完全唔覺」，不少女性網友現身留言，感嘆身邊伴侶經常重蹈覆轍，難以理解為何使用一個貼身或有拉鏈的防盜袋會如此困難！
