春天又到了，香港好多地方都繁花盛開，啟德某公園的山茶花亦開得正燦爛，但卻引來了採花賊。日前有網友就目睹一名大叔特地拎住一個大袋盛着採下的山茶花，行為令人髮指！
FB截圖
大叔拎埋大袋來偷花
這名街坊於情人節當日在Facebook群組貼文，並上載拍下的「罪證」，寫到「此人把所有花取走」，相中一名白髮斑斑的大叔在一個種滿山茶花的公園某處，正伸手摘花，並將摘低的花放進一早預備好的大袋。
FB圖片
網斥：好嬲呀，咁樣破壞！
網民見到帖文，都破口大罵地留言指「真。低賤」、「唉」、「太過分！！！！！」、「冇文化，真可怕！」、「好嬲呀，咁樣破壞」、「罰款坐監」。
樓主嘗試喝止但不被理會
網民亦有問樓主是否有出聲制止，樓主回應，有馬上喝止，但對方不理會，於是他就通知管理員到場處理，但由於趕時間，樓主就無暇了解之後管理員如何處理了。
FB圖片
街坊爆料大叔已不是第一次
有網民估計管理員最多「大聲呵斥佢，同埋警告如果再呢樣就報警」；另有街坊爆料指「佢唔係第一次，我之前見過有兩個清潔阿姐話過佢。佢都係唔理人」。
設計圖片
網民：山茶花曬乾可當草藥
有網友就很好奇這位大叔採摘山茶花有何用處呢？有知情的網民解釋「曬乾當草藥」、「山茶花係有用途的，雖然唔高，但勝在免費，所以佢用袋嚟收」。
到了適婚年齡，身邊好友陸續結婚生子。然而，婚姻除了愛情，更包含責任與承諾，若未做好準備，或會像近日在網上吐苦水的一名已婚男子一樣，對婚姻生活感到疲憊與抱怨。
近日一名已婚男子在網上吐苦水，抱怨對婚姻生活感到疲憊。網上截圖
已婚男呻放假比返工更累
該名丈夫在討論區發文，呼籲其他已婚男士「圍爐取暖」。他大嘆婚後生活壓力沉重，不但平日上班已累，周末想在家休息卻遭妻子反對，「隔離嗰件又話要去邊去邊食好西」。他抱怨，一旦表示想休息，妻子便「黑面嬲你幾日」，更以「唔顧另一半感受」作情緒勒索。
樓主指，平日上班已累，周末想在家休息卻遭妻子反對。AI生成圖
陪食「貴夾唔飽」
外出用膳亦成爭執導火線。他直言，被迫陪食「貴夾唔飽嘅水魚餐」，自己其實「一條友喺樓下求其食茶記已經好happy」，更不滿道：「我知道唔係你俾錢當然你無所謂，但係可唔可以唔好個個禮拜都係咁。」種種壓力下，他坦言「而家越嚟越唔鍾意放假，平日返工反而壓力無咁大，起碼唔使諗去邊同食乜」。
樓主指，平日上班已累，周末想在家休息卻遭妻子反對。AI生成圖
網民兩極反應：磨合與溝通是關鍵
帖文引來網民熱議，意見兩極。有已婚男士感同身受，直言「心有同感，佢哋真係十分之情感脆弱」，並不解為何妻子總熱衷於「post出嚟」分享這些用餐體驗。
不過，亦有網民認為問題核心在於夫妻步伐不一致，建議雙方尋求共識：「你搵錯人，一係搵過個，一係一人讓一步，抖一日出街一日」、「乜嘢都有得傾嘅，唔掂傾到掂」。有人則從妻子角度出發，指「換個角度你老婆都只係想同你拍拖」，滿心歡喜計劃約會卻被拒絕，難免感到失落。
近日一名已婚男子在網上吐苦水，抱怨對婚姻生活感到疲憊。AI生成圖
生活習慣磨合是考驗
許多夫妻從戀愛步入婚姻後，需面對生活習慣與價值觀的實際磨合。有網民苦中作樂道：「所以好多男人放假都會照返公司」，雖是戲言，亦折射出部分已婚男性對假日安排的壓力。
