【2025.2.20娛圈熱點】黃翠如腹中BB狂收禮物 周星馳變身「哪吒」連發10次「我要睇哪吒2」

關注一下過去24小時娛圈事Top 5熱話。

黃翠如腹中BB狂收禮物 顏色風格意外揭性別

現年43歲的黃翠如與47歲的蕭正楠於2018年拉埋天窗，去年11月翠如宣佈懷孕，更透露曾在三年前經歷小產。近日翠如在限時動態分享不同品牌贊助的BB用品，一系列的顏色風格疑似暗示了BB的性別！

▼詳情點擊圖片查看或按連結

周星馳勁期待睇《哪吒之魔童鬧海》 變身「哪吒」連發10次「我要睇哪吒2」

內地動畫電影《哪吒之魔童鬧海》（《哪吒2》）全球票房已突破123.19億元人民幣（約131.61億港元），成為中國影史首部破百億票房電影，可謂氣勢如虹！香港4大發行商亦聯手買入，將於2月22日在香港上映。而身為喜劇巨匠的周星馳亦對《哪吒2》非常期待，更社交平台化身「哪吒」兼連發10次「我要睇哪吒2」！

▼詳情點擊圖片查看或按連結

謝霆鋒北京滑雪被捕獲 素顏上鏡狀態依舊

現年44歲藝人謝霆鋒早前宣佈到啟德主場館舉行演唱會，即刻引起全城撲飛熱潮，人氣高企的他被網民在北京南山野生捕獲。

▼詳情點擊圖片查看或按連結

韓國「星級瑜伽導師」驟逝終年35歲 社交網留下道別訊息

韓國瑜伽教練李宥珠（音譯：이유주）是業界內的知名的講師，擁有多項專業認可，同時也是廣告模特兒，並曾登上人氣綜藝節目《無限挑戰》。豈料在2月19日竟突傳出她已離開人世的消息，終年35歲，而她離世前在社交網的發文也引發關注。

▼詳情點擊圖片查看或按連結

蕭正楠求生欲大爆發向黃翠如瘋狂表忠！支持「結婚好」論點勁爆笑：我答咗單身好我返到屋企就有好多嘢跟尾

阿蕭節目一開始即搞笑地唱好婚姻謂：「我答咗單身好，我返到屋企就唔輕鬆喇，就有好多嘢要跟尾，所以絕對係結婚好！」之後才回復正經謂：「我覺得喺結婚嘅過程，令我最深刻係我覺得我比以前更加好…」當被追問婚後是否「無自由」，阿蕭先是發呆、繼而笑到唔識停，恍如被篤中死穴的他更有口難言咁款回應：「唔好講我呢個CASE先啦，我驚我講錯。」然後又是一本正經強調不會單獨跟女性出街食飯，阿蕭說：「唔係佢唔畀，而係我唔想！」

▼詳情點擊圖片查看或按連結

曾打造謝霆鋒、容祖兒等無數經典，兼一手捧紅Twins成當紅女團的音樂人伍樂城，今年再戰本地樂壇，從其音樂學校選出六位年齡介乎13至16歲的女生，組成全新女團Honey Punch，先後派上兩首作品《蝶式》及《滑到入心》瞄準今年樂壇新人獎。入行30年的伍樂城接受雷霆881商業一台《星光背後》專訪，憶述由學習古典音樂走進流行樂壇變身金牌監製的辛酸外，亦披露當年與初入行的阿Sa、阿嬌合作點滴，伍樂城指：「Twins嘅schedule係痴線！」

伍樂城

於牛頭角下邨一家五口成長的伍樂城，九歲開始學鋼琴，他1990年遠赴美國著名學府伯克利（Berklee College of Music）修讀音樂製作及電影配樂，他坦承五年才完成大學，跟經濟負擔有莫大關連，「因為每一個課程都係錢，譬如一個學期可以讀六科，但我唔夠錢只可以讀兩、三科，就好慢。」為了交學費，伍樂城求學期間兼職過不少工作，「五年我都無返過香港，Waiter、唐人街卡拉OK打碟都做過，最影響我係做Berklee音樂廳嘅帶位，因為所有有名嘅Musician嚟Boston開騷，都會嚟我哋學校，呢份工無得坐係好攰嘅，但乜嘢騷都會睇，譬如音樂劇、Heavy Metal、Jazz，甚至最勁嘅Celine Dion，係令我領略何謂先入為主，好多嘢我以為無乜特別，但表演期間原來玩得好正！」

謝霆鋒唱《無聲彷有聲》表達對愛不後悔。

伍樂城95年回港加入許願星工廠先做《山水有相逢》電影配樂，因而遇上人生兩大伯樂黃偉年及趙增熹，亦因趙增熹96年監製梁漢文的專輯，讓伍樂城寫了首支大熱作《衣櫃裡的男人》，繼而再獲英皇賞識，先後為謝霆鋒監製《無聲彷有聲》、《愛後餘生》、《非走不可》等經典。談及霆鋒給人少說話及火爆的印像，伍樂城說：「我同佢合作無嘢喎，同佢溝通係最簡單直接！最記得《非走不可》，因為佢一邊錄我一邊諗到歌名，最初公司覺得唔吉利唔想用，係霆鋒撐呢個歌名。」亦因霆鋒的成功，英皇亦將未出道的Twins交到伍樂城手上，一批伍氏校園情懷作，順利幫Twins走上當紅偶像階梯，伍樂城說：「好多謝佢哋公司畀我哋好大自由度，無乜理我同填詞人點設計。」由Twins未出道到成名後多張專輯，伍樂城見證二人的辛苦，「佢哋好早已經忙到死，一年等於人哋五、六年，未出道仲好啲，佢哋嘅Schedule係痴線嘅，突然間就話要出，唔係一首歌喎，係一隻碟，好彩係兩個，嚟到一個瞓一陣先，一個叫嘢食錄歌先，所以連我根本都無得瞓，但亦訓練到我無乜問題解決唔到。」

見證Twins痴線時間表。

伍樂城跟四大天王也先後合作過，他承認其中一次夢幻經驗，是監製及灌錄劉德華及梁朝偉合唱的《無間道》，令他登上金像獎頒獎台，摘下2003年金像獎最佳電影原創歌曲。談及獲得為這經典電影創作主題曲的機會，伍樂城自揭要擊敗眾多競爭對手，「我哋寫歌都係靠投稿，我要再次好多謝陳德建先生，當時佢處理晒劉德華先生嘅電影，好記得當時我食緊飯，求其問佢要唔要歌，佢話有套電影，故事係：『兵就係賊，賊就係兵！』就係咁多，我就即刻諗到Intro，仲即時喺餐廳攞張紙巾寫喺上面，其實我寫好多歌都係同人食緊飯，《風箏與風》都係咁寫出嚟。最後好好笑，陳德建話恭喜我，佢哋最後揀咗兩首，其中一首係我，咁仲慘，我嗰陣幾日都瞓唔著，End Up中咗，係好開心。」

今日(12月6日)，下午二時至三時於雷霆881商業一台播放的《星光背後》，主持人梁泰來邀得伍樂城任嘉賓。