VIVA相見好同住難？Ada VALC情緒大爆發炒大鑊

二人「攤出嚟講」後感情更進一步。

女團VIVA真人show節目「VIVA Medium Rare House」來到第十二集，正所謂「相見好同住難」，四人同居接近一個月，成員姜咏鑫（Ada）跟張鈊貽（VALC）終於情緒大爆發炒大鑊，不過在「互片」後，二人在節目組的安排下決定「攤出嚟講」，有笑有淚的結局，令大家感情更進一步。

觀看相關影片按連結：https://youtu.be/UO3b-tye55w

「VIVA Medium Rare House」同居計劃接近尾聲，在最後一日，節目組問四人有甚麼願望，四人對宿舍內多部攝影機的清晰度及收音十分感興趣，於是節目組播出一些從未曝光片段，當中有Carina於梳化食齋燒鵝及Ada幫忙善後、Ada跟VALC捉曱甴、Ada偷運私家枕頭回宿舍等，還有一條被節目組認為是「謎一樣」的片。片中播着VALC在飯廳開着電腦，其餘三位成員在另一房間化妝，突然間VALC對着房間內三人大喝，最後更衝進房內。

影片截圖

影片截圖

影片截圖

播完片後，VALC解說當時正在處理學校多個問題，加上工作行程調動，當時Ada一句：「又嬲」，令她情緒頓時爆發，然後失控。問到二人是否已經和好？還是仍然有介蒂？Ada坦言沒有介蒂，「不過好似有啲嘢仲未講開。」

影片截圖

為了二人可以坦誠相對，節目組便安排二人坐下來說出內心真實感受。Ada首先訴說：「有時你覺得我語氣唔好，或者覺得我好似好晦氣，我覺得呢件事係雙向。因為我聽到好多係：『唉，我好想走呀』、『我好想離開呢度』、『唉，我好煩呀』，突然之間衝出嚟一句，但人哋會feel到係唔舒服。」Ada續說：「嗰一刻我都好想發脾氣都好想衝出嚟鬧你，但係如果我衝出嚟鬧仔，其他人會點？咁就散㗎啦，冇㗎啦。」Ada邊喊邊說其實自己都想逃避，因為不知道如何面對VALC。

影片截圖

影片截圖

向來性格直率的VALC也忍不住落淚，坦言這次爆發之後，會令她想起家人的概念，「有幾多鬧交、幾多憎恨，但其實佢係好愛你，所以我就會慢慢feel到呢種感覺…… 我覺得慢慢變成一個…… 家，真係好似家人，所以就俾咗一個好好嘅原因要同你好好相處。」經過互相「表白」後，Carina笑說要來一個家庭式的擁抱跟合照，二人最終於有笑有淚下大和解。

影片截圖

影片截圖

影片截圖

影片截圖

不少網民睇完片後都紛紛留言支持及鼓勵，「人係需要慢慢成長同磨合，特別係佢地4個本身都係岩岩先識，有磨擦都係好正常。臨尾見到ValC痴番住Ada影相，佢地喊住講既說話都睇得出佢地都係愛大家既」、「好在面對衝突，大家都願意傾，了解大家多啲。唔同性格嘅你哋一齊，造就更好嘅你哋，感情會更好。唔止係隊員，係家人喔。」、「Val c得20歲，太年輕會比較衝動同年少輕狂，需要多啲歷練同成長，我諗好多人係呢個歲數時都係咁嘅。」

網民留言

網民留言

網民留言

女團VIVA實況團綜《VIVA Medium Rare House S2》來到第八集，這集笑中帶淚，溫情又爆笑。今次主角是Carina，她邀請了在她家裏工作、照顧她足足十五年的外傭姐姐Janice到宿舍，更話要親自下廚煮大餐報答恩情。

觀看相關影片按連結：https://youtu.be/TxgETtwDbEI

Carina今次挑戰黑松露意粉、豬肋骨及甜品Crème Brûlée。等食期間，Ada告知Janice二人是Roommate，Janice即刻「呀」了一聲，然後露出神秘笑容，還拿出電話，「我俾佢屋企間房張相你睇。」然後追問：「佢有冇將你哋間房保持整齊？」Ada聽到即刻擰頭，Janice再直線抽擊，笑着說：「呀！it’s ok，佢冇變過。」之後Ada帶Janice參觀二人間房，又叫Janice猜哪一張床是Carina。Janice只看了一眼，便秒指一張被鋪凌亂的床，「呢張。」隨後，Ada指着枱面的書是Carina，怎料Janice即刻篤爆，「佢喺屋企瞓覺多過睇書。」Ada忍不住好奇問：「所以佢喺屋企唔睇書？」Janice不假思索，「我從來冇見過。」Ada聽到即刻失聲大笑！

影片截圖

影片截圖

影片截圖

影片截圖

影片截圖

影片截圖

影片截圖

說着說着，黑松露意粉順利完成，Carina坦言是第一次煮食給Janice食，Janice亦十分感動，「我永遠唔會忘記。」問到第一度菜值多少分？Janice想都不想便說滿分！更謂想打包返屋企給Carina媽咪及妹妹試，認真sweet！接着在製作第二道菜豬肋骨期間發生小意外，Carina開焗爐查看情況時，不小心燙到手，大叫一聲。在客廳的Janice一聽到，即刻衝到廚房門外，緊張說：「佢可能辣親。」但為免阻住Carina，Janice只好擔心地站在門外「眼甘甘」睇實，母愛滿瀉。豬肋骨成功出爐，Janice大讚以第一次來說講已經超水準，至於個甜品Crème Brûlée，就獲得VIVA三位成員一致推崇，封為當日MVP！

影片截圖

影片截圖

影片截圖

影片截圖

食飽飯，Carina跟Janice坐低大談心底話。Carina說雙方關係早就似家人，Janice會成日入房跟他傾偈、關心她。說着說着，Carina突然感觸哽咽，Janice便說：「我將佢哋視作我嘅仔女，我成日同佢哋講，我係佢哋嘅第二位母親。我哋之間有好多秘密。」Carina坦言近兩年忙於工作，已甚少時間跟Janice傾偈，想起當初入行不適應，因不想令媽咪擔心，所以只會跟Janice同妹妹傾訴，「佢未必會俾到好多解決方法我，但係佢喺度就係有一個好開心嘅energy。」聽到這裏，Janice都忍不住邊講邊喊，「我知道你已經開始踏上你嘅第一步，所以繼續努力、繼續行落去。無論發生乜嘢事，我都會為你感到驕傲。」場面感人。

影片截圖

影片截圖

影片截圖

最後，Janice除了祝福VIVA越來越好，更非常投入地幫手宣傳，用廣東話呼籲大家「CLS」她們的YouTube channel，還搞笑補充：「仲要有英文字幕㗎！」即刻哄得全場拍手大笑。

影片截圖

影片截圖

影片截圖