「熊貓6寶」花式睡姿逐個捉 「家姐細佬」瞓覺名場面曝光玩到邊瞓到邊

熊貓瞓覺「萌」場面大晒冷！

海洋公園大熊貓盈盈所誕下的一對龍鳳胎「家姐細佬」，經過半年的暴風式成長，港人等到頸都長，上個星期終於等來兩姐弟正式見公眾。如今海洋公園的熊貓家族「人丁」越來越興旺，除了盈盈樂樂和家姐細佬一家四口，再加上去年中央贈港的一對大熊貓「安安可可」，6隻大熊貓在全城掀起大熊貓熱潮。

海洋公園IG圖片

來到星期六，不少打工仔都會乘著周末的機會好好插電放鬆吓，瞓覺當然是首選，而大熊貓亦不例外！海洋公園在社交網站為大家逐個捕捉「熊貓6寶」瞓覺「萌」場面，連小編亦忍不住感歎，「其實睇住佢哋咁樣花式瞓覺都幾療癒！」

相片首先公開「細佬」大字形瞓覺名場面，「冇面見人」瞓覺法亦隨之曝光，而「家姐」的睡姿亦不遑多讓，「我冇眼睇」咁瞓同飲水器上瞓覺法，實踐兩姐弟「行到邊玩到邊就瞓到邊」的宗旨，至於媽媽「盈盈」就同「家姐」一模一樣，兩母女都中意居高臨下咁上埋樹度瞓。而「安安」睡姿就霸氣盡現，係晾住腳仔瞓！「可可」就一如既往優雅斯文，躺平咁瞓。

海洋公園IG圖片

海洋公園IG圖片

海洋公園IG圖片

海洋公園IG圖片

海洋公園IG圖片

海洋公園IG圖片

至於兩姐弟的爸爸「樂樂」去咗邊？海洋公園小編爆笑寫到，「有理由相信星期六晚嘅大家都會變做樂樂...眼光光唔捨得瞓！」

海洋公園IG圖片

萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。

家姐細佬體重超過35公斤啦！香港大熊貓官方專頁ig截圖

家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。

家姐細佬接受護理訓練。香港大熊貓官方專頁ig截圖

海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。

家姐細佬接受護理訓練。香港大熊貓官方專頁ig截圖

大熊貓家姐細佬開始食窩窩頭了。香港大熊貓官方專頁ig截圖

家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。

大熊貓家姐「加加」同細佬「得得」已經15個月大。香港大熊貓官方專頁ig截圖

另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。