友乜唔講得｜難忘當年婚姻出問題找工作養家處處碰釘 薛家燕直認「好姨」是人生轉捩點

「好姨」出街後工作不斷！

因無綫節目《歡樂今宵》結緣眨眼40載的阮兆祥、梅小惠、江欣燕，早前合作拍攝節目《友乜唔講得》，今晚（2月23日）播出的第五集嘉賓，是出名是開心果的薛家燕！

今晚一集嘉賓係家燕媽媽，齋睇相都知佢哋傾得有幾開心。

江欣燕霸氣Lv up扮曾勵珍勁爆笑
本集主題是處境劇，家燕姐出場前，三位主持小惠、欣欣及祥仔大談當年拍處境劇的難忘事，欣欣更大膽地無綫高層曾勵珍上身，摙住把聲兼極有霸氣地還原當年珍姐對其演出《同事三分親》的評價：「入到珍姐房佢問我：『你有冇睇Forum呀？』我問：『咩嚟架？』（珍姐：）『電腦呀，嗰啲人好憎你喎』（欣欣：）『咁點呀？』（珍姐：）『但因為你呢個反派做得好，以後會加重你啲戲。』」足證珍姐關心藝人的同時，亦樂於主動給予各人發揮機會。祥仔亦指當年《皆大歡喜》，雖然是因為他向珍姐提議才有之後的時裝版，但其實當時是全靠珍姐一早想好了貫穿古裝及時裝版本的絕世好橋，才能時裝版比古裝版拍得更多集數！小惠續指當年《皆大歡喜》受歡迎程度，是每星期都會有觀眾競猜主角們下星期的造型會是甚麼顏色，小惠說：「嗰時啲衫嘅顏色，係永遠都唔會撞架。」

《皆大歡喜》由古裝到時裝版都咁受歡迎。

《皆大歡喜》由古裝到時裝版都咁受歡迎。

家燕姐搞笑還原當年call機震到失控嘅「盛況」，好爆笑。

本集嘉賓家燕姐，正是《皆大歡喜》的靈魂人物，家燕姐坦言當年復出拍劇前，因為婚姻出現問題，曾四出搲撈，涉獵行業包括地產、保險及婦女資訊節目主持，可惜沒有一次成功，皆因大家都不相信家燕姐要找工作，家燕姐說：「我試過想做地產，一入到去啲人以為我嚟買樓，成堆人湧嚟介紹樓畀我。又試過想做保險…啲人唔信呀，但你請佢出嚟要飲茶食飯架嘛，變咗愈使愈多錢，但都簽唔到一張單。」

家燕姐仲會講埋「七公主」入面邊個最八卦。

家燕姐講番當年拍「食神舞」經典嘅一幕。

「好姨」出街後工作不斷：拍咗兩星期度我call機就未停過
說回當年復出接拍的第一部劇集《真情》並飾演好姨，家燕姐指是獲珍姐邀請加入劇組，並直指好姨是其人生轉捩點：「佢出場時係奸角嚟，但估唔到啲人鍾意。我拍咗兩個星期度，我個call機就未停過，剪綵、登台、拍電影（係咁嚟），《食神》都係嗰時搵我嘅，啲廣告多到不得了。」家燕姐還搞笑地還原當年call機震個不停的「盛況」，畫面勁爆笑。家燕姐又大爆當初簽好姨只簽了30集，期間友台向家燕姐招手拍處境劇，並開出一個當時家燕姐覺得是相當高的價錢：「人工爭好遠，比無綫多好多。（有冇三倍？）佢係50集畀一大嚿錢我。」

家燕姐續指珍姐收到風後，在家燕姐入廠前約了她入房傾偈，並一傾便傾了三個鐘，因而令家燕姐下定決心留在無綫，事件亦突顯了家燕姐飲水思源一面，家燕姐說：「其實冇好姨呢個角色，我又點會有今日，所以『好啦咁我簽』。我後來落到廠，啲對白冚唪唥唔記得晒…」到底甚麼事情驅使專業的家燕姐忘詞？家燕姐又謂該年結算工作收入後，得出驚人答案，到底是甚麼？密切留意節目。家燕姐還大爆了當年拍食飯戲時，如何遭一眾忤逆仔女出賣：「通常啲餸得三碟真係食得，佢哋就扮孝順，一唔食得嗰啲，就係咁夾畀我，『阿媽你食呀！你食呀！』」

欣欣扮珍姐都好好笑！

大爆「七公主」名字由來
除了《真情》及《皆大歡喜》，童星出身的家燕姐，當年與馮素波、沈芝華、陳寶珠、蕭芳芳、王愛明及馮寶寶結成「七公主」，家燕姐除分享了七人的共通之處，還揭出「七公主」的名字由來是因為跟風：「1964年嗰時好興結拜，當年有『八牡丹』、有『九大姐』，就係冇『七xx喎』，所以就叫『七公主』。」又笑指自己在「七公主」中的綽號是「鬼揸五」。此外，家燕姐又會七情上面大談為電影《食神》開工時，如何遭周星馳即興要求跳AGOGO的趣事，家燕姐還指全靠這個「食神舞」，令她當年接了很多廣告。

呢一幕有當年稚氣十足嘅陳自瑤！

今集的小彩蛋環節，三位主持斗膽問家燕姐會否選擇再婚，家燕姐斬釘截鐵答完「唔會」後，在認真解釋原因期間，竟突然爆出一句「我費事人哋畀人情！」令小惠忍不住感嘆：「我真係畀家燕姐笑死。」

當年究竟點樣請到周潤發「客串」處境劇呢？

節目仲會播出《他來自江湖》勁經典嘅一幕。

由阮兆祥（祥師兄）主持的資訊綜藝節目《K Cash業主私人貸款呈獻：香港系列之細間始終你好》，本周六（6月13日）晚8點翡翠台播出新一集。今集，祥師兄繼續穿梭香港大街小巷，走訪土瓜灣銅器小店、油麻地以懷舊冰室為主題的新式Café，以及有超過60年歷史、已傳承至第三代的紙紮舖。三間店舖的負責人，各以不同方式守護香港舊記憶、文化及人情味，活出屬於他們的獅子山精神。

紙紮鋪第三代接班人Gladys。

Gladys話目標係想紙紮鋪成為「百年好店」。

紙紮電動麻雀像真度極高，祥師兄都好驚嘆。

Gladys爸爸強哥對紙紮作品要求極高。

紙紮舖傳承三代‧致力向先人傳達有溫度的愛 目標成就「百年好店」
三間小店之中，最特別的是由1960年開始經營，至今已傳承至第三代、並擁有60幾年歷史的紙紮舖。雖在很多人心目中，紙紮已是夕陽行業，但堅守「中國人始終有咁嘅需要」嘅三代人，仍堅持用雙手幫在世的人、將愛及思念透過紙紮品傳送給先人，皆因對他們來說，每件紙紮品都是一份使命，故第三代店主Gladys及Gladys父親對所有紙紮品一絲不苟。Gladys在節目中分享了一個與客製紙紮品有關的暖心感人小故事：「有位男士係先人嘅舅父，佢坐低傾嘅時候已經開始爆喊。原來佢外甥女生前患病，舅父應承過佢好返就教佢踩滑板車。」最終Gladys按客人吩咐，做了一部一模一樣的粉紅色滑板車送給先人，希望客人能因此得到安慰釋懷。

當年火燒紙紮鋪，幸得街坊幫助支持賣晒啲貨，成功捱過難關。

當年火燒紙紮鋪，幸得街坊幫助支持賣晒啲貨，成功捱過難關。

紙紮鋪有超過60年歷史了。

除了時代洗禮，這間老店還曾於2024年1月經歷過一場歷時9小時的大火，當時在店舖對面望著熟悉的「家」被熊熊烈火包圍，Gladys與母親極盡心痛，Gladys憶述：「見住我嘅成長地方冇晒，好難頂。」不過大火並沒有擊倒Gladys一家守業的決心，本住「有地方，有人，啲貨燒晒咪再入過貨咯」的決心，Gladys在員工及街坊的群策群力及幫忙，幫店舖渡過最「嚴寒的冬」，Gladys：「返到嚟（喺舖頭度）賣地攤咁賣，喺出面大嗌，啲街坊好支持，嗰年啲嘢通通賣晒，就係咁樣我哋捱過咗一個新年。」直至今日，Gladys媽媽仍忘不了那份情：「我好多謝呢度啲街坊，真，真係非常之好。」祥師兄聞言亦有感而發：「跌嘅時候先領略最多，原來唔係每樣都係必然時，你就會更加珍惜依家所有嘅嘢。」

祥師兄現身油麻地懷舊冰室。

冰室創辦團隊成員阿峰。

大家有講有笑，好開心。

「焗斑蘭咖央西多士」好想食呀！

50、60年代，冰室係唔少香港人聚腳點。

祥師兄都忍不住大影特影。

一班年青人既係同事又係朋友。

祥師兄踩入廚房體驗。

齊齊合照，好開心。

祥師兄踩入廚房實地體驗
同樣相信團結就是力量的，還有位於油麻地、由年輕團隊主理的新舊交融「懷舊冰室x新式Café」。50、60年代，冰室是不少香港人的聚腳點，為保留這個特有文化，阿峰與合伙人四年前接手經營這間傳統冰室時，特意保留1969年沿用至今的枱櫈、複製店舖古早牆紙的同時，還創造了不少「變奏版冰室經典美食」，包括「焗斑蘭咖央西多士」及皮蛋炒意粉等，用創意為冰室老靈魂注入新生命。

談到經營理念，阿峰坦言最重要是找到志同道合的合伙人：「做咩都好，最緊要搵到班啱嘅團隊，呢度個個都好似朋友，一班朋友一齊做一件事係好玩嘅」、「有同一個夢想，大家都肯去拼搏，就唔會太計較。」為了好好感受這班年青人的那團火，祥師兄還踩入廚房親自體驗。

祥師兄現身土瓜灣銅器小店，佩服店主Wilson嘅延夢精神。

銅器小店唯一一件刻有「Made in Hong Kong」嘅「書立架」，十分珍貴。

Wilson細細個開始已經有儲銅幣習慣。

到底祥師兄睇緊咩呢？

銅器店主65歲Wilson為91歲退休陳伯延續「銅夢」
最後一間是隱身土瓜灣的銅器小店，65歲店主Wilson 2年前從當時91歲的上手老闆陳伯手中接過店舖，Wilson本身是陳伯熟客，細細個亦已愛儲古董銅幣，故兩年前陳伯想Wilson幫手傳承小店時，Wilson二話不說答應。節目中，Wilson向祥師兄展示了「銅器噴火槍」、「英式火水爐」及刻有「Made in Hong Kong」的銅器「書立架」等古物，十分珍貴。談到現時雖然大家已少用銅器，但Wilson仍希望盡最大努力保存在他心目中獨一無二的藝術品：「如果唔保存佢，好容易去咗五金舖變廢銅回收，實在好浪費。」銅器小店位於土瓜灣13街，Wilson指雖然近17年以來不時傳出將會清拆的消息，但他仍希望盡最大努力：「做得幾耐就幾耐」，令祥師兄亦深感佩服。