Gin Lee李幸倪推出全新廣東大碟《Leap of Faith》，大碟收碌過去兩年所推出的九首作品，今年首支作品《無愧於當初的我》亦同日上架。
點擊看圖輯
Gin指《Leap of Faith》是這兩年來的一個總結。
新歌《無愧於當初的我》有很多Gin的心情寫照。
Gin邀請愛貓「杏仁糊」拍攝大碟封套。
Gin笑言事前都要請示主子「杏仁糊」的意願。
Gin大讚杏仁糊拍攝當日相當專業及配合。
Gin坦言這次拍攝是最開心、最輕鬆的一次！
觀看相關影片按連結：https://youtu.be/D4WlTJbcw38
籌備兩年多，Gin坦言想了很久怎樣才能總結這兩年她的心情，她謂這兩年作出很多新嘗試，同時踏出了自己的舒適圈，「好多時候會感覺到自己好似企咗喺懸崖邊，憑着信心去跳出一大步。所以最終揀咗呢個碟名《Leap of Faith》，直接翻譯就係『信心的跳躍，』作為呢兩年來嘅一個總結。」
Gin指《Leap of Faith》是這兩年來的一個總結。
大碟收錄Gin過去兩年推出的作品，問到最喜歡的一首，她指是跟大碟同日推出、今手首支派台作品《無愧於當初的我》，歌曲由馮穎琪作曲，周耀輝填詞，將得與失之間的比重重新審視，「首歌真係我好多嘅心情寫照，亦都好似俾自己一個交代。呢兩年幾嘅大膽、去鼓起勇氣，直到都做到有少少成績，到出呢隻碟，似係為呢一個階段嘅我、亦都係為呢一隻碟畫上一個好靚好圓滿嘅句號。」
新歌《無愧於當初的我》有很多Gin的心情寫照。
今次大碟拍攝，亦請來一位「重量級」嘉賓合作，就是Gin飼養多年的愛貓「杏仁糊」，「因為隻碟有兩個大方向，一個係大家平時見到工作嘅我，但有另一面係大家見唔到，包括好多嘅喜怒哀樂，亦都有一大部份我喺屋企嘅時間，杏仁糊就係陪我最多時間嘅一個重要角色，少咗佢就少咗個精髓。」
Gin邀請愛貓「杏仁糊」拍攝大碟封套。
雖然如此，但身為貓奴的Gin亦先要請示主子「杏仁糊」的意願，「膽粗粗邀請佢影相，話俾佢知呢隻碟對我嚟講係好緊要，我係好有誠意同佢講好希望佢可以參與今次嘅拍攝，我哋一齊留下一個美好嘅回憶。我仲話：『你生得咁靚，梗係要俾世人睇到你嘅靚樣啦。』」誠意加上出力的讚美，最終成功。
Gin笑言事前都要請示主子「杏仁糊」的意願。
向來跟動物拍攝都是高難度，Gin大讚杏仁糊拍攝當日相當專業及配合，「叫佢坐定定就坐定定、瞓喺度就瞓喺度。但係身為一個咁有性格嘅貓貓嚟講，佢都好捍衛自己嘅權益，影到咁上下，我哋都攞到我哋想要嘅嘢，想影多少少嘅時候，就feel到佢：『夠鐘啦，我要收工啦。』咁我就會知道佢已經覺得有少少唔耐煩，即刻攞佢嘅袋出嚟，『咁返屋企啦。』佢即刻自己行入去個袋度，急不及待想返屋企休息。」
Gin大讚杏仁糊拍攝當日相當專業及配合。
Gin坦言這次拍攝唱片封套是最開心、最輕鬆的一次，「一嚟有杏仁糊加持陪我，二嚟拍攝setting係一個屋企嘅環境，冇一種工作嘅感覺，我係好輕鬆咁去呈現一個好舒服、好自在嘅狀態，全部都記錄咗喺隻碟裏面。」
Gin坦言這次拍攝是最開心、最輕鬆的一次！
