小薯茄阿冰胞妹被爆出軌人夫 新婚正室公開親身捉姦證據

正室FaFa直言：「親眼見到，我真係崩潰。」

YouTube頻道「小薯茄」成員吳冰（阿冰）胞妹吳泳今日（2月25日）突然被指做「小三」，搭上已婚網紅健身教練William，其新婚妻子（FaFa Tse）直接在IG Story公開親身捉姦的證據，而男方在事件傳開後就將IG轉為私人賬戶。

阿冰胞妹吳泳（右）被指出軌已婚網紅健身教練William。

William與妻子FaFa Tse於去年11月剛結婚。

事件中三人曾合照。

FaFa今日凌晨勇闖辦公室「捉姦」，爆出其新婚丈夫William與吳泳的色慾短訊。FaFa公開一張半裸女士躺在地上的照片，再配上文字「我老公偷食小薯茄泳泳」，之後又貼出一張William與小薯茄泳泳的對話截圖。

FaFa IG圖片

FaFa IG圖片

接着，FaFa貼出影片，並寫上「上PT唔洗著褲」，而片中則可見她當時身處一辦公室中，一地都是衣服，她掉開一條牛仔後轉身準備上樓梯，就見到一名健壯的男士走下來，相信就是FaFa丈夫William，並見到閣機有一名女子閃閃縮縮，估計是FaFa所指的吳泳。

FaFa IG圖片

FaFa IG圖片

FaFa繼續出PO，除了大大隻字寫下「出軌」，又表示：「我心目中既好男人，我理上（想）老公，作為榜樣既老公陪佢行過好多路既人，日日SUPPORT佢既人。同小薯茄。啊冰個妹搞野，今次第3次俾我捉姦，衫都無著。」

FaFa IG圖片

隔了一個小時後，FaFa再發文：「其實我真係唔再適合佢，因為我唔再有新鮮感俾到佢，我只係希望唔好有下個學生Flirting pt 同偷食」，並表示老公是「壞咗嘅人」、「再也不見」，更直言：「親眼見到，我真係崩潰，全身震曬就快要暈。」

FaFa IG圖片

FaFa IG圖片

事後，有朋友向FaFa詢問事件，FaFa回覆：「真的，我也不敢相信是真的。很失望沒有期望了。他親口承認已發生關係3次。平日都在曖昧。在我們的健身室.......」FaFa對William說：「陪伴你7年，支持你每個夢，你唔開心嘅時候我都一定係你身邊，愛你愛你家人。愛你的一切。今日俾我親眼捉姦。我全身都震，你呃得好可唔可以唔好俾我見到，我真係真係好驚」，更大爆William面對她的質問，只顧維護小三。

FaFa IG圖片

FaFa IG圖片

FaFa IG圖片

FaFa IG圖片

FaFa IG圖片

事件發生約八個小時後，FaFa詳細交待經過，「我11點同朋友house warming完，打算返去我地既健身室踩機，去到門口禁鐘（我本時懶用鎖匙），等左好耐無人開，聽到佢由閣樓路落黎，開門一刻啱著緊衫。本身佢話fu哥肥man上緊堂，我問佢人呢？個刻我未feel到，直到佢抖大氣唔出聲，樓梯有條無著既女裝褲，我問上面係咪有人？佢話：泳泳同肥man唔好上去啦。我問：點解？佢話：佢哋high在大X。我話：點會啊！佢哋二個一定唔會（其實點解要連累人？）佢話：唔好上去。唔好估任何野，我地未做，未開始。」

FaFa與William拍拖七年，IG上有不少甜蜜合照。

William於2022年求婚。

FaFa續言：「我而家打字都仲手震全個身都震，你目睹心愛既人，同另一個女人裸體訓係到，仲要講句：未開始，個感覺難受過食屎。期間我問William :發生左幾多次。第幾次呃我？佢話：未開始 。我話：到尼（呢）刻仲講大話？佢話：3次。＃期間小三係我哋側邊裸過繼緡訓。」

二人於去年11月結婚，想不到新婚不足半年男方就被爆出軌。

最後，FaFa表示：「收到好多dm，感謝你地。幫我鬧賤男，幫我爭返啖氣。我真係好無助好崩潰，當中好多內情我唔敢公開。我忍。尼次最後一次對你好，再也不見。」

FaFa IG圖片

劉偉強與麥兆輝經典作品、寰亞電影《頭文字D》20周年，4K修復杜比全景聲版重返大銀幕，前晚在MCL AIRSIDE舉行首映party，寰亞傳媒行政總裁林孝賢、導演劉偉強與太太和子女、導演麥兆輝與太太、電影配樂陳光榮與太太、伍允龍、蔡穎恩（Evelyn）、黃淑蔓（Feanna）、連家穎（Vian）、樂隊Nowhere Boys主音Van、江博熙、楊煜謙（Nicolas）、「小薯茄」的程人富、童童、阿J和肥蚊等捧場，他們紛紛在「藤原豆腐店」和「AE86」布景前打卡，非常熱鬧。而AE86車迷駕駛愛車到戲院捧場，十幾架整齊泊在停車場，十分壯觀。

《頭文字D》4K修復杜比全景聲將於9月17日重映。

（左起）寰亞傳媒行政總裁林孝賢、導演劉偉強、導演麥兆輝、電影配樂陳光榮

（左起）連家穎，江博熙，楊煜謙，蔡穎恩，黃淑蔓，Van@NowhereBoys

AE86車迷駕駛愛車到戲院捧場。

開映前，劉偉強與麥兆輝上台分享心情和當年拍攝驚險趣事，李澄（西瓜）擔任主持。代表作之一重返大銀幕，劉偉強好風騷，自我介紹「我係周杰倫」，又笑言這20年最大改變是與麥兆輝「交換」了身材，逗得麥兆輝哭笑不得：「喂呀，人哋問你當時辛唔辛苦呀？大家知道點解唔拍續集啦！」劉偉強說：「不和嘛！」全場爆笑。

李澄、劉偉強

劉偉強太太（藍色褸）以及女兒和兒子都有到場。

劉偉強兒子穿著20年前《頭文字D》T恤。

麥兆輝表示好感動：「我真係好興奮，望到呢個大銀幕嘅海報，好似返咗秋明山。」劉偉強坦言因版權問題，無法開拍第二集，他說：「正如麥兆輝話齋『好嘢，一部就夠！』」麥兆輝補充：「我哋集合咗當時好好嘅團隊，大家好團結，喺45個（42個）工作天內完成拍攝，我到依家都唔係好相信。」劉偉強笑說：「唔怪之我當時日日都覺得好攰，佢（麥導）話我一日拍67組飛車鏡頭，大家都搵命搏。」麥兆輝說：「如果劉太喺度，一定唔畀拍！」

李澄、麥兆輝、劉偉強

觀眾席大家都好興奮，「小薯茄」各人更大曬戲中金句贈慶，程人富說：「我會睇呢套戲TWICE！」身旁阿J笑言：「我會買性感泳衣！」童童說：「小心甩尾呀！」肥蚊抵死：「三萬蚊⋯⋯抵睇！」

「小薯茄」成員（左起）肥蚊、童童、阿J、程人富

映後全場掌聲，兩位導演再上台分享，麥兆輝說：「雖然我睇咗好多次，但今次嘅聲效完全唔同，立體感好強，我好激動！依家香港電影市道係差咗啲，但最緊要都係製作，我、劉偉強同埋成個團隊，希望延續落去。」劉偉強說：「我睇完之後覺得自己好厲害，我個仔坐隔籬，佢讀電影，佢話好正，我話：『梗係啦，我拍㗎喎！』有啲效果20年前出唔到，今次有機會修復，拍攝角度、聲效、陳光榮嘅音樂、特技，再次呈現，唔似20年前拍嘅戲。今日感覺好似20年前第一次上映咁開心！」他寄望《頭文字D》吸引觀眾，再掀起入戲院睇戲的熱潮。

劉偉強、麥兆輝、李澄

劉偉強、麥兆輝、李澄

大合照

武術了得的伍允龍原來是《頭文字D》忠粉，由漫畫、動畫到電影版都多次重看，他說：「因為我揸車好慢，所以我會睇呢套電影，代替咗我自己做唔到嘅嘢！」而首映主持人西瓜透露：「聽講導演仲有好多畫面剪走咗，希望今次4K修復版反應熱烈，加推導演版，完成大家『秋明山之夢』，唔知會唔會有更多啲髮夾彎飄移睇呢？」

伍允龍

最鍾意睇靚仔的Evelyn說：「今次加咗杜比全景聲，聽到更勁『轟轟』賽車必須有嘅引擎聲，感覺親歷其境。仲有勁靚仔嘅陳冠希、余文樂、青澀嘅周杰倫，同埋陳小春，全部美男子，真係不得了，OMG！」Feanna好認同，笑言他們出場時忍不住細細聲尖叫！而年僅24歲的Vian說：「我一直只有喺電視睇，舊版無咁清，今日第一次入戲院睇，而且係4K修復版，好興奮。」

連家穎、蔡穎恩、黃淑蔓

今年剛好20歲，與電影《頭文字D》同年的江博熙說：「我有睇動漫和電影版，今次修復版清楚好多，畫面好震撼。」身旁的Nicolas最喜愛周杰倫飾演的藤原拓海和陳冠希演的高橋涼介。而Van自爆20年曾與同學翻拍《頭文字D》作為大學二年班的功課，他說：「我當年飾演京一嘅隊友岩成清次，戴住星星頭巾嗰個。如果依家再演，我梗係想做拓海啦！」他在社交媒體分享當年造型相，非常有趣。

江博熙

楊煜謙

Van@NowhereBoys與太太Wendy

Van20年曾與同學翻拍《頭文字D》作為大學二年班的功課。