沈震軒拍片解釋揸Uber原因投資七位數開健身室未回本＋幕後創作戲本壓力

娛圈事

沈震軒拍片解釋揸Uber原因投資七位數開健身室未回本＋幕後創作戲本壓力

2025年03月02日 22:00 最後更新：03月03日 15:46

Sammy指揸車可以減壓，同時可以幫補下隧道費。

41歲沈震軒（Sammy）入行20年，兩年前與女友陳欣妍投資開設的健身中心，但近日就被網民捕獲他駕駛百萬寶馬電車BMW iX做Uber司機，引來網民熱議！對此，Sammy在社交平台拍片解釋，並對自己成為「新聞」感到不好意思，同時感謝各方友好的鼓勵和支持。

點擊看圖輯

沈震軒兩年前與女友陳欣妍投資開設的健身中心。

近日被網民捕獲做Uber司機。

接客評分極高。

影片截圖

View this post on Instagram

A post shared by 沈震軒Sammy (@sammysumchunhin)

Sammy透露現時主要的工作是經營健身室，以及幕後創作劇本，相對之前只做演員更有挑戰，但同時要面對更大的壓力，而他減壓方式就是揸車，「因為自己好鍾意揸車，但係我平時揸車嘅路線大部分一係就返健身室，一係有時就會揸車去開工，咁嗰陣時我就諗，不如我咁鍾意揸車，不如登記埋個平台啦順便，咁有人幫你set埋個路線，仲要係如果咁好彩嘅話，可以撞到啲Fans或者撞到一啲唔同嘅乘客可以同佢地傾吓偈，咁我係好鍾意傾偈，最主要係一邊可以揸車，一邊又可以幫補一吓隧道費，咁都幾好啊！」

Sammy又透露當年經投資營健身室花了7位數字，但可惜近幾年經濟環境欠佳，健身室現時僅能做到收支平衡，尚未能回本，坦言有好大壓力，所以會經常想可以做什麼去幫補生意，「作為老闆嘅我，我覺得最緊要嘅係點樣都好，我無糧出，但係我嘅員工一定要準時出糧，再加上就係我地嘅service（服務）一定要好，因為我從來無諗過放棄呢盤生意！」

最後，Sammy直言會為理想努力到最後，並希望大家無論遇到任何高低起跌，最重要保持身體健康，去靠自己解決眼前的困難！

往下看更多文章

沈震軒網劇神秘嘉賓現身結局大反轉梁敏巧結婚了新郎不是Matt？

「東張女神」梁敏巧（Maggie）日前為沈震軒執導的網劇《LIGHTMAC呈獻：不死愛美麗》擔任女主角，即時引起網上熱烈討論，特別是她的「林亞珍」造型，實在意想不到原來她相當有喜劇細胞。今日（2月27日）沈震軒正式發布網劇的下集，驚喜的是原來特別邀請到Maggie在《女神配對計劃》的對象劉啟進（Matt）客串演出，同樣是飾演專業人士，不過今次就由律師，變身成醫美「聖手」劉醫生，親自出手為Maggie分析同診斷皮膚狀況，演得非常投入。

當以為劇情將是醫生同顧客發展感情線，沒想到結局來個大反轉，Maggie在「劉醫生」打造之下成為索爆「女神」，最後竟然跟醫美太子爺陳衍丞（Kenneth）飾演的「不死人」司徒厲拉埋天窗。拍攝當日，Matt現場目擊二人手拖手一幕，因遷就鏡頭而NG好幾次時，更忍不住「拳頭」硬了，直接翻白眼表示：「我冇眼睇！」呷醋呷到出晒面，當導演一嗌Cut機，Kenneth即時「補飛」說：「唔好意思呀，兄弟！戲嚟㗎咋，唔好嬲啦！我會好好補償你呀，第時你同Maggie一齊拍住拖嚟LIGHTMAC做Treatment啦，全部入我數！」Matt表示今次短劇雖然凌晨時分要捱眼瞓拍攝，不過可以一過戲癮，都玩得非常開心，希望再繼續拍攝第二輯、第三輯，令他跟Maggie可以寓工作於「拍拖」，十分高興。

今次網劇非常成功，自編自導自演的沈震軒笑言：「今次劇集玩得好開心，不過我呢個『不死人』就仲係單身，見到網上反應咁好，我都好想有下集，到底加唔加番條感情線畀自己好呢？」

你或有興趣的文章

沈震軒拍片解釋揸Uber原因 投資七位數開健身室未回本＋幕後創作戲本壓力