美食新聞報道丨邵音音推介明星聚腳地食堂變紅館貼心行仔拆蟹餵食獲讚「靚仔」

娛圈事

美食新聞報道丨邵音音推介明星聚腳地食堂變紅館貼心行仔拆蟹餵食獲讚「靚仔」

2025年03月10日 14:30 最後更新：16:40

音音姐猛讚行仔！

由一班靚仔靚女倪嘉雯（Carmen）、黃嘉雯（Carmaney）、王嘉慧（Cathy）、廖慧儀（Jessica）、伍倩彤（Gillian），蔡景行（行仔）、范莎莎（Zaza）等主持的飲食節目《鄰住買好嘢至抵食特約︰美食新聞報道》。將逢周一、二及周四、五晚上8點於TVB Plus（82台）播映。

點擊看圖輯

今集「星級飯腳」嘉賓為音音姐。

音音姐帶行仔到自己的「飯堂」。

行仔為音音姐餵食。

黃酒雞

麻婆豆腐龍蝦

星洲胡椒蟹

音音姐帶行仔歎泰國菜。

餐廳設計成巴士模樣。

香芒羅非魚

泰式香葉原隻燒雞

泰國夜市火山排骨

今晚（3月10日）「星級飯腳」請來資深藝人邵音音擔任嘉賓，她縱橫影圈多年，拍過不同種類電影，更曾兩奪香港電影金像獎最佳女配角。事前行仔直言好驚︰「同大前輩食飯，佢又好似好有性格咁，好驚呀。」當他見到性格爽朗的音音姐時，疑慮一掃而空。第一站音音姐帶行仔到經常幫襯的飯堂用膳，大鄉里般的行仔見到偌大的包廂，忍不住問︰「嘩！咁大間房，音音姐你平時一個人嚟都食咁大間房㗎？」大情大性的音音姐忍不住笑罵︰「你都黐孖筋嘅，我一個人點可以食咁大間房。」她介紹此家酒樓是由多位歌星、明星集資開設作為自家飯堂，音音姐解釋說︰「佢哋原意係橫掂日日都出街食飯，不如自己開一間。」她又補充酒家經常邀請一班昔日小生、花旦舉行小型演唱會，她說︰「佢哋唔係為賺錢，為大家開心。我哋買枱聽歌一齊玩，好開心㗎。」

今趟音音姐推介的黃酒雞是客家女性恩物，主打行氣活血，音音開玩笑說︰「每次嚟必食，我呢啲應死唔死就係靠飲呢啲，客家米酒對身體好好。」接住星洲胡椒蟹上場，行仔化身暖男為音音姐拆蟹鉗，又應要求餵食，非常滿意的音音姐猛讚︰「嘩！真係好食到想講粗口。」而行仔貼心舉動獲讚「靚仔」。接住介紹位於元朗的泰菜館，由已故邵氐女星于楓兒子經營，該店亦是寵物友善餐廳，一群貓奴、狗奴經常在此聚會。三大必試菜式分別是︰香芒羅非魚、泰式香葉原隻燒雞、泰國夜市火山排骨。燒雞即叫即燒，行仔再次化身暖男，為音音姐撕開熱焫焫的燒雞，可惜因為太熱事敗，最終要出動較剪。

往下看更多文章

美食新聞報道｜蔡景行伍倩彤「掃街天堂」尋美食何泳芍歎燒牛舌忘我食到「碗底朝天」

《美食新聞報道》後晚（3月6日）蔡景行（行仔）帶住伍倩彤（Gillian）來到近期好紅的葵芳，到葵涌廣場（葵廣）掃街。葵廣向來有「掃街天堂」的美譽，因密集的特色小食店、高性價比及多樣美食生態而得名。行仔在葵廣街訪食客幫襯的原因，他們大多表示︰「多嘢食集中，一個地方有齊」、「價錢親民」、「近地鐵站」、「可以留低嘅店舖，一定唔難食」。

首站二人光顧一間甜品屋，Gillian自言是被該店的「迪拜開心果朱古力格仔餅」，她解釋說︰「其實迪拜開心果朱古力都出咗一段時間，之前食嗰啲都係劣質版，呢款滿滿嘅開心果餡，望落好吸引。」Gillian的食評是吃到一粒粒的開心果粒及沾滿醬料的麵包絲，格仔餅鬆軟且不太甜，她笑言終於可以一解之前吃「劣質貨」的烏氣。

接下來是別開生面的「Bring your own chips」，顧名思義客人可以自携零食，由店方加入自家醬料及配菜，變成惹味小食，Gillian說︰「佢嘅配料都好豐富，有青瓜、洋蔥、蕃茄同幾款肉可以揀。呢款零食mix咗之後，係別有一番風味。」

葵廣不單集天下掃街美食，原來連貴價的和牛都可以吃到。行仔帶Gillian幫襯的小店招牌食品是金絲鐵板和牛taco壽司、鰻魚和牛丼，吃到油香豐膩的和牛固然開心，相信最開心是行仔可以成就解鎖，跟Gillian「你一啖、我一啖」食壽司同丼飯。臨尾行仔補上一句「最出色係同你一齊食」，逗得Gillian露出甜笑。