奪命提示｜劉穎鏇認從演八年以來喊得最甘 視帝張振朗「踢出新高度」晒超強柔軟度

劉穎鏇感激監製Jazz同張振朗幫忙克服喊戲難關！

由文偉鴻監製、梁恩東及湯健萍編審的全新動作懸疑劇《奪命提示》，將由3月17日（周一）起接棒《痞子無間道》，逢周一至周五晚八點半翡翠台播映，主要演員有陳山聰、張振朗、劉佩玥、劉穎鏇（Tiffany）、丁子朗、郭柏妍、林子善、呂珊、樊奕敏、區明妙等。

張振朗呢幕，齋睇相都笑咗。

呢件「蟹爬大髀」睇嚟仲有後續。

睇吓Tiffany笑得幾開心。

張振朗型到哩。

呢幕「踢出新高度」絕對少啲腰力、腳力同柔軟度都唔掂。

張振朗指搞笑場口成功秘訣竟是拉筋？！
由兩大視帝陳山聰及張振朗攜手演出的《奪命提示》，下周一（3月17日）強勢登場。無綫翡翠台黃金時段及官方社交網連日來亦陸續發布全新宣傳短片，除了繼續有大量Level Up的精彩動作場面，還有感性、談情及輕鬆惹笑等不同元素的場口！昨晚（10日）發布的最新宣傳片段，主角是首度飾演情侶的張振朗及劉穎鏇（Tiffany）。張振朗在最新宣傳片中，除展現了「踢出新高度」的踢腿神功，其中一幕「蟹爬大髀」，張振朗「既愛且恨」的誇張演繹，加上孖煙囪裝束，絕對是一等一搶焦之作！張振朗在宣傳片笑言，搞笑場口的成功要訣之一竟然是拉筋！他笑言：「估唔到拉咗筋除咗喺拍動作嘅時候用得著，拍搞笑嘅場口都能夠大派用場。」

張振朗今次同Tiffany好多場口都part住上。

仲有陳山聰。

Tiffany今次梗係照樣打到落花流水啦。

有姿勢

有氣勢

Tiffany認與張振朗密密斟：等啲有情緒嘅戲份可以更有support
Tiffany則指是次除了要挑戰更多和更高難度場口外，還要應付不少內心戲及喊戲， Tiffany接受TVB.COM訪問時，坦言是次是其八年拍劇生涯以來喊得最多的一部劇集：「今次要喊嘅次數同程度，係突破晒咁多年以嚟嘅經驗。」談到以往曾直認拍喊戲不容易，Tiffany表示隨著經驗的累積，自己確實比以前容易理解及進入狀態，並謂今次要特別感謝監製Jazz的循循善誘，以及拍檔張振朗的用心交流！「每次我哋拍呢啲感情戲，Jazz都會特別令到成個氣氛／環境好安心，佢拍之前會問我哋係咪熟晒啲對白、係咪ready好，只要我哋ready好就會即刻拍，咁樣好畀到信心我哋，令我哋演起上嚟都有信心啲。至於振朗，呢套劇我哋好多場口都一齊拍，而好多時我哋都會事先溝通咗先，可能係度吓嘢又或者分享吓大家對唔同場口嘅睇法，次次我哋都好踴躍咁去討論點樣可以令成場戲更加好，會加好多細位同埋jam啲嘢出嚟，等啲有情緒嘅戲份可以更有support。」

Tiffany今次最大嘅挑戰，係不同程度嘅內心戲同喊戲，值得期待。

呢個單眼撒嬌好cute啫。

Tiffany個人宣傳海報。

張振朗個人宣傳海報。

TVB一眾藝人近日積極備戰，為今日（5月1日）的《明星籃球精英隊表演賽．廣州站》密密加操，對戰由前中國男籃國手的孟鐸，以及有「路人王42冠王」陳澤文組成的球星隊。籃球女神劉穎鏇作為明星隊隊長，率領譚俊彥、張振朗、何廣沛、許家傑、戴祖儀、孔德賢、周志康、潘靜文、劉頌鵬、劉詠彤等人密密練波。

籃球女神劉穎鏇率領明星隊為《明星籃球精英隊表演賽．廣州站》密密加操。

藝人們平時工作繁忙，可以就到時間齊人練波已經非常難得，大家為了積極備戰，每星期最少都練一次，可以的話甚至一個星期練三課，非常努力。當中隊長劉穎鏇與許家傑被眾人寄予厚望，視為「神隊友」。

身為隊長兼籃球女神，劉穎鏇表示以往未試過在內地比賽，知道今次會在天河體育中心體育館作賽，心情有點緊張。雖然她近期比較少練波，但為了今次有更好表現，每星期最少都練習一次，大家都很團結去練習，非常期待。她又笑言：「反而我覺得同男仔打波會好啲，因為佢哋會錫住我哋。」她又大讚隊友會互相補位，而且已經培養好默契，希望到時每人都可以得分。

劉穎鏇

劉穎鏇、戴祖儀

劉穎鏇

在旁的張振朗則表示今次比賽是要「搵初戀」，他笑言：「今次參加比賽我想搵返初戀，自從13歲夏天同籃球結緣之後，我好耐都冇打過喇。而且我13開始就有個籃球夢，所以我今次唔係嚟比賽，我係嚟尋夢！」有張振朗在場搞氣氛，令大家在一片笑聲中練習。

張振朗

氣氛擔當又點止張振朗，戴祖儀笑言：「我已經買咗兩個啦啦球，準備做啦啦隊同大家打氣，我唔會落場㗎！」然後她即場射籃豈料射失，她自嘲：「我角度係有㗎，係冇力之嘛，我有埋力鋪鋪做神射手都唔知你哋點算。」

戴祖儀

雖然練習時有講有笑，但何廣沛表示對於今次比賽心情緊張，因為未知對手實力如何，以前在橫店拍劇時也曾與當地的學生打籃球，他說：「當地啲學生好勁，個個都好高大，手長腳長。」雖然會因為比賽感到緊張，但有許家傑（Jack）做隊友令他很放心，他說：「Jack有自己球隊，係HERO嘅老大哥，好有經驗，有佢帶住個心都定啲。」他又說：「相信只要傳到空位俾Jack，都有8、9成機會入波。另一位猛將Tiffany都好勁，期待佢到時可以做到得分王！」他又笑言：「籃板王我應該攞硬，我好有信心，呢幾次練波都有一個2米高嘅對手訓練我彈跳力，依家我跳到兩個膝頭傷晒，就快變『雙失』㗎喇。」

何廣沛

許家傑表示雖然未試過在內地打籃球賽，但有留意開國家隊表現，特別是女籃每一位運動員都很高，高自己成個頭；又試過跟內地朋友打籃球，覺得對方不論是技術與體魄都很強。Jack又表示自己從小就打籃球，雖然近年轉跑馬拉松、pickleball，不過自己有球隊所以沒有生疏。戴祖儀亦讚他很專業，會教大家跑姿、射姿。而Jack覺得Joey很捱得：「上次佢練到塊面都青晒斷氣咁滯都仲好堅持，可能公司藝人都比較捱得。」

許家傑

同場的孔德賢以前有在內地踢過足球賽，但籃球賽就第一次，他表示期待與大灣區、廣東省嘅朋友交流。而劉頌鵬就表示現時可以做的就是積極備戰，這幾個星期是他人生最接近做運動員的一次，基本上一個星期練三課。他們覺得，如果之後有機會原班陣容組隊定期練波，再將它拍成節目，或者參加業餘比賽也不錯，相信各位男神、女神一起拍節目會很好玩。

孔德賢

大合照