明星籃球精英隊表演賽｜劉穎鏇許家傑獲封神隊友 戴祖儀射籃失手自嘲：冇力之嘛

TVB一眾藝人近日積極備戰，為今日（5月1日）的《明星籃球精英隊表演賽．廣州站》密密加操，對戰由前中國男籃國手的孟鐸，以及有「路人王42冠王」陳澤文組成的球星隊。籃球女神劉穎鏇作為明星隊隊長，率領譚俊彥、張振朗、何廣沛、許家傑、戴祖儀、孔德賢、周志康、潘靜文、劉頌鵬、劉詠彤等人密密練波。

籃球女神劉穎鏇率領明星隊為《明星籃球精英隊表演賽．廣州站》密密加操。

藝人們平時工作繁忙，可以就到時間齊人練波已經非常難得，大家為了積極備戰，每星期最少都練一次，可以的話甚至一個星期練三課，非常努力。當中隊長劉穎鏇與許家傑被眾人寄予厚望，視為「神隊友」。

身為隊長兼籃球女神，劉穎鏇表示以往未試過在內地比賽，知道今次會在天河體育中心體育館作賽，心情有點緊張。雖然她近期比較少練波，但為了今次有更好表現，每星期最少都練習一次，大家都很團結去練習，非常期待。她又笑言：「反而我覺得同男仔打波會好啲，因為佢哋會錫住我哋。」她又大讚隊友會互相補位，而且已經培養好默契，希望到時每人都可以得分。

劉穎鏇

劉穎鏇、戴祖儀

劉穎鏇

在旁的張振朗則表示今次比賽是要「搵初戀」，他笑言：「今次參加比賽我想搵返初戀，自從13歲夏天同籃球結緣之後，我好耐都冇打過喇。而且我13開始就有個籃球夢，所以我今次唔係嚟比賽，我係嚟尋夢！」有張振朗在場搞氣氛，令大家在一片笑聲中練習。

張振朗

氣氛擔當又點止張振朗，戴祖儀笑言：「我已經買咗兩個啦啦球，準備做啦啦隊同大家打氣，我唔會落場㗎！」然後她即場射籃豈料射失，她自嘲：「我角度係有㗎，係冇力之嘛，我有埋力鋪鋪做神射手都唔知你哋點算。」

戴祖儀

雖然練習時有講有笑，但何廣沛表示對於今次比賽心情緊張，因為未知對手實力如何，以前在橫店拍劇時也曾與當地的學生打籃球，他說：「當地啲學生好勁，個個都好高大，手長腳長。」雖然會因為比賽感到緊張，但有許家傑（Jack）做隊友令他很放心，他說：「Jack有自己球隊，係HERO嘅老大哥，好有經驗，有佢帶住個心都定啲。」他又說：「相信只要傳到空位俾Jack，都有8、9成機會入波。另一位猛將Tiffany都好勁，期待佢到時可以做到得分王！」他又笑言：「籃板王我應該攞硬，我好有信心，呢幾次練波都有一個2米高嘅對手訓練我彈跳力，依家我跳到兩個膝頭傷晒，就快變『雙失』㗎喇。」

何廣沛

許家傑表示雖然未試過在內地打籃球賽，但有留意開國家隊表現，特別是女籃每一位運動員都很高，高自己成個頭；又試過跟內地朋友打籃球，覺得對方不論是技術與體魄都很強。Jack又表示自己從小就打籃球，雖然近年轉跑馬拉松、pickleball，不過自己有球隊所以沒有生疏。戴祖儀亦讚他很專業，會教大家跑姿、射姿。而Jack覺得Joey很捱得：「上次佢練到塊面都青晒斷氣咁滯都仲好堅持，可能公司藝人都比較捱得。」

許家傑

同場的孔德賢以前有在內地踢過足球賽，但籃球賽就第一次，他表示期待與大灣區、廣東省嘅朋友交流。而劉頌鵬就表示現時可以做的就是積極備戰，這幾個星期是他人生最接近做運動員的一次，基本上一個星期練三課。他們覺得，如果之後有機會原班陣容組隊定期練波，再將它拍成節目，或者參加業餘比賽也不錯，相信各位男神、女神一起拍節目會很好玩。

孔德賢

大合照

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》，節目逢周一晚9點半及周二晚9點35分直播。

《師傅點算》首播請齊三位師傅︰通靈師In Lee、塔羅占卜師羅泳嫻及三駕道長趙嘉寶坐鎮。

昨晚（20日）《師傅點算》首播，三大中西玄學家︰超強靈力通靈師In Lee、塔羅牌算盡人生的占卜師羅泳嫻（裸泳）、通曉風水命理開運除厄三駕道長趙嘉寶齊集。兩位主持火火、施焯日（Arthur）頭炮請來「宅男女神」戴祖儀（Joey）擔任嘉賓。向來心直口快的Joey一來就向師傅們求助，她自爆說︰「其實我好恨攞獎，係唔知點解係咪冇運。無論歌曲獎、演技同藝員獎項我都好想攞。」Joey自言為贏獎已出盡法寶，既不斷磨練演技、又積極進行拉票，就是緣差一線。

首集嘉賓Joey。

「資深廟祝」火火及「實習廟祝」Arthur。

三位師傅各自為Joey開盤算運，為她尋找奪獎的緣機。In Lee師傅讚Joey氣場正面會獲貴人相助贏獎有望，她說︰「人開心所有嘢自然會順利，吸引力法則，所有好嘢自然會埋嚟，相對會遇貴人嚟扶你一把，咁咪good囉。」嘉寶師傅從命盤中看到Joey水旺所以聰明，且性格堅毅行動力強，但脾性亦如洪水般情緒容易失控經常鬧人，要獲認同攞獎，就要先改善惡習。Joey透露已大大收歛脾氣，她補充說︰「發覺咁樣會失去好多我在意嘅人，所以已經戒咗唔鬧人。」

In Lee及嘉寶師傅為Joey睇氣色及算運。

裸泳師傅再為Joey計算姻緣，竟發覺她前世經歷戰亂，年紀很小便過身，師傅續說︰「因為係細路仔時過身未拍過拖，缺少累世戀愛經驗。而今世你擁有一個有趣嘅靈魂，所以桃花好多，啲男仔會覺得你得意而鍾意你，但就缺少一份真心。」接住補充從牌面顯示的「成熟騎士」，提議Joey適宜找一名白手興家男士，而不是富二代。真命天子的性格會較內斂，建議由朋友開始慢慢發展，情緣會來得長久。節目中Joey提到過往的另一半，都是有外表及行事能力，所以亦會令其他女孩子垂涎，她自爆一段遭前度「派帽」的經歷︰「有次同媽咪、細佬一齊行緊街嘅時候，見到當時男友拖住一位女仔行入商場……」最後分手收場。

裸泳師傅以塔羅牌計算Joey前世今生。

此外，《師傅點算》推行會員計劃，成為「有緣人」可以尊享各項福利。每星期將會以 WhatsApp 形式，收到由三位師傅推算的「一周開運小錦囊」、 每集都會抽出三位有緣人，由師傅親自用語音方式，解答你一個風水玄學 問題、幫你睇下面相、又或者開命盤、甚至解答有關靈異同前世今生等疑問、有緣人更有機會參與節目拍攝，獲師傅面對面為你指點迷津。