港女發文讚遇上「全港最溫柔Uber司機 」 爸爸入院勁擔心獲安慰：冷靜啲冇事嘅

一名港女日前乘坐Uber趕往探望因急症入院的爸爸，她一上車就說「爸爸有事入咗醫院」暗示司機自己沒心情閒談，誰知對方知悉後，更一直暖心安慰她，令她低落心情緩和好多，事後港女發文至社交平台大讚：「懷疑今晚我遇到全香港最溫柔嘅Uber司機」。

示意圖。Getty圖片

爸爸突然入急症需留院樓主勁擔心

樓主在Threads發文表示，爸爸原先因身體不適在住所附近診所看醫生，怎料要被急送至醫院急症室，再轉送到另一間醫院留醫，以致全家上下都非常擔心。

司機找話題助分心更一直暖心安慰

她放工後接到家人訊息，馬上由港島區坐Uber到新界的一間醫院探望。一上車司機開始和她閒聊，由於心情極之低落，所以和司機坦言：「爸爸有事入咗醫院」暗示對方想「靜靜地搭車」。怎料司機得知後，一直安慰她，樓主形容「仲要係好窩心嗰隻」然後不停和她聊聊其它話題，希望可以分散她的主意力。

示意圖。設計圖片

司機：記住要冷靜啲，冇事嘅妹妹！

而30分鐘的車程很快就過了，樓主下車前，司機還安慰的說「緊張時個人最緊要唔好亂，呢個時候係最容易做錯決定，記住要冷靜啲，冇事嘅妹妹！」令樓主感到非常溫暖。

網上截圖

評分紀錄共有一萬次5星星，樓主：大癲！

樓主續寫到「好多謝佢喺呢30分鐘入面令我心情緩和咗」讓她與爸爸見面的時候心情都沒那麼難過。而她Check返司機之前的紀錄，發現他以往共有一萬次5星星的評分紀錄，讓樓主非常驚訝。「搭咗咁多次，真係未見過嘅記錄，大癲！」

最後她衷心感謝「呢位溫柔大哥」。

網上圖片

去旅行是開心的事，不過近日有網友在網上撰文分享自己「出師不利」的經歷，貼文曝光引來熱議。

threads圖片

該名女網民在社交平台threads發文，投訴在香港國際機場一 號客運大樓212號閘口附近的女廁內，其深灰色上衣慘遭洗手盤上殘留的漂白水漂至甩色，留下突兀的橙色色塊。事主質疑是清潔人員「淋完漂白水唔過水」，並指因已無法更換衣物，只能帶着一身漂白水氣味登機，影響整個旅途的心情。

帖文一出即引來網民熱議，不少人分享類似經歷，有網友在公園或公司遭漂白水濺到衣物導致褪色：「衫甩色事少，清潔用品使用錯、清理唔徹底係可以好危險」、「好彩唔係直接掂到皮膚」、「試過去公園行過以為只係洗過地，啲水彈到條新褲一點點漂到變色，原來係漂白水」、「我都試過，公司啲清潔工抹洗手盤下面啲櫃，直接用漂白水抹」

有網友在公園或公司遭漂白水濺到衣物導致褪色

另外有網友教路，推薦購買一物可以嘗試急救遭漂至甩色的衣物：「唔sure一唔一定，但我之前啲黑色衫洗到甩色係用依個洗得返黑 可以試吓～」、「我都用係依款，可以睇睇」

有網友教路，推薦購買一物可以嘗試急救遭漂至甩色的衣物。網上圖片

有網友教路，推薦購買一物可以嘗試急救遭漂至甩色的衣物。網上圖片