謝霆鋒《進化Evolution》演唱會將於2025年4月27日加開「終極一場」，成為本次演唱會的第四場，並確定是最後一場。消息一出，立刻掀起歌迷熱烈討論，門票預計再度引發搶購潮。
謝霆鋒進化Evolution演唱會終極加場4月27日。
謝霆鋒的《進化Evolution》演唱會原定於4月24日至26日在啟德體育園主場館舉行三場演出，門票於公開發售後不到半小時即宣告售罄。為了滿足歌迷需求，主辦單位英皇娛樂積極協調場地檔期，最終成功加開第四場，定於4月27日舉行。門票由3月31日中午12時起，於Cityline公開發售。
啟德體育園主場館首次迎來亞洲歌手的表演。
謝霆鋒演唱會終極加場4月27日門票由3月31日中午12時起，於Cityline公開發售。
《進化Evolution》演唱會不僅是謝霆鋒時隔25年的個人演唱會，更是啟德體育園主場館首次迎來亞洲歌手的表演。作為首位登上這座全新場館的歌手，謝霆鋒曾表示：「這唔只係一個演唱會，而係香港演唱會文化嘅另一次『進化』。」
主辦單位亦向大家溫馨提示： 由於最近發現，互聯網上有不少黃牛炒賣霆鋒演唱會的票，請大家通過正規渠道購買門票，慎防買到假票上當受騙。
《宏利呈獻 Evolution Nic Live 謝霆鋒進化演唱會》日期：24-27/4/2025
時間 : 7:30PM
地點：啟德主場館
票價：HK$1380 / 1180 / 980 /680
主辦：英皇娛樂
票務 : Cityline
開售日期：3月31日（星期一）中午12時
網上購票：www.cityline.com
電話購票：2111 5333
節目查詢：2835 6688
查詢網址：www.eeg.zone
謝霆鋒昨日（4月2日）受香港大學未來媒體學院邀請，出席「創意．娛樂．創業：鋒味創新融匯」主題講座，跟大家探討他橫跨演藝、餐飲、科技、商業等多個領域的歷程及創新思考。講座以對談形式進行，由該學院總監及教授（實務）楊紫燁（Professor Ruby Yang）跟霆鋒對談，後設有問答環節，讓霆鋒答現場同學問題回。
謝霆鋒受香大未來媒體學院邀請，出席「創意．娛樂．創業：鋒味創新融匯」主題講座。
講座上，霆鋒透露自己在不同範疇的思考模式十分相似，尤其在創意方面。他舉例：「對我嚟講，寫歌嘅第一步係先收集音符；準備一道菜嘅話，就需要先收集食材，然後一步步諗點樣搭配。」他進一步解釋，第二步就是確定想做甚麼風格或菜系，「煮嘢食嘅話，你會問自己：『我想做福建菜定係泰菜？定係想做麻辣風味？』音樂方面就係揀邊種類型，你想做 Heavy Metal、Rock 定係 Jazz？呢一步就好似揀定個大方向，之後從中再發揮。成個思維路徑都係一脈相承。」
謝霆鋒
霆鋒特別提到歌曲《推倒重來》並有感而發，指現今正處於文化、科技與人性的交匯點，AI發展速度指數級增長，幾乎每星期都有新突破，令所有事情都要「推倒重來」。他更觀察到，就連價值觀也正在被挑戰：「以前大人教我哋要努力工作、努力讀書先有美好未來，但而家有人話工作只係其中一個options , 甚至未來可能根本冇工做。咁我哋仲點解要咁努力工作？呢個就係價值觀被重新審視、改變嘅過程。」
謝霆鋒
霆鋒又自爆一個十多年前被視為「黐線」的想法。他指自己曾營運電腦特效公司，經常掃描自己的樣貌製作數碼版本。有次掃描時突然靈機一觸，跟經理人Mani說：「如果英皇娛樂十年後想繼續成功經營藝人管理部門，每個藝人都應該好似我咁樣scan自己個樣。」說到這裏，坐在旁邊的Professor Yang突然拿出電話對準他拍照，並說：「呢個係Best View！」哄得全場大笑，就連霆鋒也忍不住笑起上來，隨後霆鋒建議掃描不同年齡階段的藝人，例如20到30歲的謝霆鋒和容祖兒，然後將數碼形象進行數位授權。
謝霆鋒
霆鋒解釋：「我相信十年後、十五年後，人類已經唔需要再親自出鏡去拍廣告、拍電影。你諗吓，我拍好多動作電影，嗰啲場面連買保險都有困難。如果可以用數碼形象代替，就解決咗好多問題。」他認為這個做法同樣適用於運動員，讓他們毋須擔心受傷或體能限制。
謝霆鋒
回想當年，霆鋒笑說：「當然，十幾年前我講呢啲說話嘅時候，所有人都覺得我好黐線。」但他指出，時至今日大家已經歷NFT、Blockchain等概念洗禮，技術上完全做到。他認為現在只差一步：「關鍵就係要睇吓邊個願意做嗰隻白老鼠，第一個去嘗試呢個新方向。」言下之意，這個當年被視為天方夜譚的構想，隨時可能成為娛樂圈的未來趨勢。
謝霆鋒
最後，霆鋒寄語大家：「當然大家要去擁抱、接受同埋點樣利用AI呢個科技，其實講到尾最令你嘅難忘、最設身處地嘅嘢，就係要有自己嘅Experience。」
