樂樂爸爸點解唔同家姐細佬玩？原來係大熊貓嘅「性格問題」

海洋公園星期二(3月25日)在社交媒體上分享了一個有趣嘅話題：大熊貓樂樂爸爸為何不會與「家姐」、「細佬」一齊玩？好多網民都好奇，牠是否「唔識湊仔」？其實，答案很簡單——因為大熊貓的天性！

盈盈與雙胞胎玩耍勁溫馨。IG截圖

樂樂爸爸根本不知道自己成為爸爸。IG截圖

海洋公園解釋大熊貓本身就係獨居動物，成年之後就會有自己的地盤，對領地仲好有要求！除了在每年短短的交配季節會見面之外，平時牠們基本上都是「你行你路，我過我橋」，互不打擾。

所以，海洋公園入面的熊貓——無論係安安、可可、盈盈定樂樂——都是分開獨居。即使盈盈生下雙胞胎，牠們長大後都會自己生活。

有網友留言表示：「雖然好唔捨得佢地第時要分開，但佢地能夠健康長大，將來可以獨立生活，都係開心嘅事」。

至於樂樂爸爸，其實牠根本不知道自己成為爸爸！在2024年8月，盈盈成功自然交配後誕下雙胞胎，但樂樂早已回歸自己的獨居生活。大熊貓的世界入面，湊仔完全是媽媽的責任，爸爸只負責「交配任務」，完成之後就會瀟灑離場。所以，即使家姐細佬在隔壁玩得幾開心，樂樂都完全不會參與。

安安心聲：其實自己一個更開心。IG截圖

目前海洋公園有六隻大熊貓，包括盈盈、樂樂、雙胞胎BB，以及另外兩隻五歲熊貓。牠們各自有自己的空間，工作人員亦會根據牠們的需要安排日常生活，同時確保大熊貓健康快樂。

大熊貓雙胞胎長大後亦會分開居住。IG截圖

所以，下次去海洋公園見到「家姐」、「細佬」同媽媽盈盈玩得開心，但又見唔到樂樂爸爸在旁邊時，你就知道原因啦！這一切都係因為大熊貓天生鍾意獨居，而並非「冷漠」或者「唔識湊仔」。

萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。

家姐細佬體重超過35公斤啦！香港大熊貓官方專頁ig截圖

家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。

家姐細佬接受護理訓練。香港大熊貓官方專頁ig截圖

海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。

家姐細佬接受護理訓練。香港大熊貓官方專頁ig截圖

大熊貓家姐細佬開始食窩窩頭了。香港大熊貓官方專頁ig截圖

家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。

大熊貓家姐「加加」同細佬「得得」已經15個月大。香港大熊貓官方專頁ig截圖

另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。