為老婆撲「醫藥費」淚灑記者會 艾威感激品牌預支酬勞

著名海味品牌慶豐年在中港兩地深受用家歡迎，線上直播營業額更屢創新高，成為客戶信心保證，有見及此慶豐年邀請苑瓊丹、艾威、羅霖、黃子揚、林敬剛加盟線上直播行列，為產品推廣到更遠地區。

慶豐年邀請苑瓊丹、艾威、羅霖、黃子揚、林敬剛加盟線上直播行列。

眾藝人現身記者會舉行啟動儀式，艾威透露太太需接受換肝手術，要籌集醫藥費，慶豐年為艾威預支50萬元應急，「之前我完全唔識老闆、冇交情，所以呢個支持好感動，老婆現時已在醫院等排期做手術，好多謝身邊好多有情有義嘅朋友。」

艾威

慶豐年為艾威預支50萬元應急。

今次合作由苑仔拉線，她大讚好友艾威好人，朋友樂意幫忙，「依家呢個時勢，不要說五十萬，五萬、五千都唔易，亦透過呢年事，更加認識今次品牌老闆是信得過的合作夥伴。邀請艾威都是呢個星期嘅事，因為我喺街上見到佢憨居居，就問佢老婆近況，才知阿嫂舊病復發需要換肝，所以馬上找老闆跟艾威簽約。」

苑瓊丹

而慶豐年老闆陸鵬良與苑仔認識多年，雙方甚有默契：「苑仔一直都是帶著我們慶豐年的產品，她建議我與更多藝人合作，我覺得一定是好主意，所以就促成今天的活動。」

而同場的羅霖表示今衣初嚐直播，因為很考臨場表現及體力，「因為直播可能6個小時或者10個小時，很多人都會說直播帶貨很賺錢，其實做得好的是可以，當然品牌最緊要係有保證，我都去過實地考察，試過產品是真的非常好，而且很健康。其實帶貨一點都不簡單，就好像丹姐一樣，那麼幽默，或者很喜歡說話的人，就是很好，我很佩服苑仔！」

羅霖

近期「商界」非常活躍嘅苑瓊丹呢日又有新動向，她宣布與眾圈中好友劉可、魯振順、鍾潔兒、李霖恩，伙拍順豐香港及LoopLive合作直播，，讓市民安坐家中輕鬆辦年貨，喜迎馬年，同時亦展現順豐「物流 + 推廣」的全方位優勢，為商家拓展無限商機。期間，苑仔親力親為「搬燒豬」非常搞笑，仲與順豐速運港澳地區負責人岑子良先生開禮炮，預祝直播大賣！

苑瓊丹有新動向

呢日平台舉行記者會為直播打響頭炮，苑仔現身非常風騷，表示有多個國際品牌「撐腰」，笑言自己「有腰骨」：「我夠晒經驗開班教人做直播，好同唔好、被欺騙嘅經驗都唔少，不過我唔收徒弟啦，大家一齊進步就得！」苑仔表示直播看似風光，鏡頭背後充滿辛酸：「呢個係真人真事，我試過直播叫人準備定啲尿片，但因為買得太大先冇著到！（忍住去廁所值得？）你要尊重工作，唔可以做做吓走咗去，啲觀眾會覺得好怪！」

苑瓊丹與圈中好友合作直播

苑仔表示「睇中」李霖恩太太加盟直播行列，大讚對方有學識、有才華，霖恩在邊尷尬陪笑：「其實苑仔搵我出嚟都係想介紹佢，都係想捧佢，但我覺得冇所謂，有『軟飯』食都好啊。」

舉行記者會為直播打響頭炮

曾控訴「中年好聲音」擔飯碗的魯振順與參賽者劉可同場，魯振順表示未感尷尬：「其實誤會嚟嘅，好似苑仔咁『德高望重』都搶佢唔到，每個人有唔同嘅工作，希望呢個行業都百花齊放。（係咪唔夠食，直播好搵啲？）唔係啊，千其唔好咁講，依家環境行行都做得好艱難，只係依家流行做直播，都係經營嘅手法嚟嘅。」魯振順表示現時作息穩定，自由身沒「綁手綁腳」：「我地離開TVB唔係關任何人事，純粹咁啱合約到期，制度改變我地配合唔到，咪離開一陣囉！呢個世界係圓嘅，冇話絕對嘅。希望在「有生之年」做到想做、開心的事情。」

苑仔現身非常風騷

劉可預告加盟直播時，會唱歌「娛賓」滿足Fans，笑言想與魯振順組「組合」：「因為我知佢好鍾意唱歌，之前佢做直播可以由朝講到晚，我都擔心佢撐唔住！我地一齊合唱就唔會唱『情歌』，都係啲勵志歌《總有你鼓勵》嗰啲！」

苑仔表示有多個國際品牌「撐腰」