愈來愈多人習慣使用電子支付方式來購物或乘搭交通工具，但當需要用到現金時，卻無錢在身，就非常不便了！近日有位女學生搭巴士時遇八達通無錢，幸得3位老人家相助，先可以順利返學！
圖片來源：八達通官網
銀包得張50元紙幣alipay部機又壞咗
這位女學生在社交平台分享了這件窩心的好人好事，她表示早上返學搭巴士時，「因為唔記得咗增值八達通，所以諗住用alipay俾，點知佢部機好似壞咗」。而銀包裏也只得一張50元紙幣，才想起忘了帶散紙包。
她拿着50元紙幣問排在隔離的婆婆可否幫忙找換零錢，怎料婆婆也只有一張100元紙幣，女學生開始手足無措，不知怎辦好，巴士亦在此時開走了。
網上圖片
3位公公婆婆出手相助：我哋一齊俾啦
此時排在後面的3位公公婆婆突然表示「『我哋一齊俾啦』，然後各自拎銀包啲硬幣俾我」而女學生亦因此成功上到車，雖然事後她想還錢給他們，但是「拎住張50蚊紙，唔知可以點樣分，但係佢哋唔肯收嗰50，係咁話唔緊要」令她十分感動！
Getty示意圖。非涉事巴士
女學生感動落淚鞠躬幾次表謝意
女學生說她當時向3位老人家「鞠咗幾次躬」表達謝意，而對方只是不停強調「幫到人，自己都開心！」令她感動到喊了出來，而當她到站時，3位老人家更笑着叫她趕快返學去！
示意圖
網民：將公公婆婆既互助精神傳開去
不少網民都被此則好人好事所感動，留言表示「我相信公公婆婆都會成日搭呢架巴士，有時間撞下佢地，可以比返錢佢地、如果撞唔到就幫下一個有需要既人，傳開去都好開心架」、「第日見到有人需要幫助，就將公公婆婆既互助精神傳開去，社會就會變得越嚟越和諧友愛」。
