生日正日屋企做功課 VALC@VIVA化身街頭畫師幫fans畫畫

娛圈事

生日正日屋企做功課 VALC@VIVA化身街頭畫師幫fans畫畫

2025年04月18日 22:00 最後更新：22:10

女團VIVA的「跳舞擔當」張鈊貽（VALC）昨日（4月17日）21歲生日，一班fans精心策劃為她送上驚喜，fans們於一間珍珠奶茶店為偶像舉辦生日應援活動，場內貼滿VALC與VIVA隊友的靚相，氣氛溫馨。早前VALC親自到場打卡，跟粉絲近距離互動，更即席化身「街頭畫師」幫fans畫畫，場面搞笑又感人！

今次是VALC出道後首次獲fans為她慶祝生日，回想當日仍難掩興奮，「第一次同fans咁近距離互動咁耐，感覺好親切，真係感受到大家嘅支持！」VALC又指原本以為只是簡單見面，但fans粉絲的熱情令佢驚喜萬分，「見到咁多人支持，超級開心！當然都希望大家玩得開心。」期間最搞笑的一幕，莫過於VALC突然被粉絲「點畫」！她笑着分享，「有個fans叫我畫嚿燒賣，之後個個都開始叫我畫，『可唔可以幫我畫個外星人呀？』、『可唔可以幫我畫隻貓呀？』」雖然自嘲畫功一般，但VALC仍然耐心滿足粉絲要求，更說：「突然之間變咗街頭畫師，真係好搞笑！」

點擊看圖輯

VALC日前21歲生日，一班fans精心策劃為她送上驚喜。

VALC親自到應援店打卡。

期間VALC突然被粉絲「點畫」。

與粉絲合照。

VALC希望大一歲可以找回自己生活的平衡，更有效率分配時間。

更多相片

VALC日前21歲生日，一班fans精心策劃為她送上驚喜。

VALC親自到應援店打卡。

期間VALC突然被粉絲「點畫」。

與粉絲合照。

VALC希望大一歲可以找回自己生活的平衡，更有效率分配時間。

談到生日願望，VALC坦言現時生活節奏太緊湊，「要兼顧返學、跳舞表演、工作同私人時間，真係好唔平衡。」她希望大一歲可以找回自己生活的平衡，更有效率分配時間，「鞭策自己唔好偷懶，減少時間碰撞。」事業方面，VALC最希望跟VIVA一齊接多點工作，尤其係大型演出，同隊友一齊繼續進步。問到生日正日（昨日）如何渡過，VALC透露行程相當「精彩」，「而家喺屋企做緊功課，今晚同屋企人食餐飯，之後就要排舞排到好夜，哈哈！」

往下看更多文章

超越血緣深情十五年 Carina@VIVA為外傭姐姐下廚報答恩情

女團VIVA實況團綜《VIVA Medium Rare House S2》來到第八集，這集笑中帶淚，溫情又爆笑。今次主角是Carina，她邀請了在她家裏工作、照顧她足足十五年的外傭姐姐Janice到宿舍，更話要親自下廚煮大餐報答恩情。

觀看相關影片按連結：https://youtu.be/TxgETtwDbEI

Carina今次挑戰黑松露意粉、豬肋骨及甜品Crème Brûlée。等食期間，Ada告知Janice二人是Roommate，Janice即刻「呀」了一聲，然後露出神秘笑容，還拿出電話，「我俾佢屋企間房張相你睇。」然後追問：「佢有冇將你哋間房保持整齊？」Ada聽到即刻擰頭，Janice再直線抽擊，笑着說：「呀！it’s ok，佢冇變過。」之後Ada帶Janice參觀二人間房，又叫Janice猜哪一張床是Carina。Janice只看了一眼，便秒指一張被鋪凌亂的床，「呢張。」隨後，Ada指着枱面的書是Carina，怎料Janice即刻篤爆，「佢喺屋企瞓覺多過睇書。」Ada忍不住好奇問：「所以佢喺屋企唔睇書？」Janice不假思索，「我從來冇見過。」Ada聽到即刻失聲大笑！

說着說着，黑松露意粉順利完成，Carina坦言是第一次煮食給Janice食，Janice亦十分感動，「我永遠唔會忘記。」問到第一度菜值多少分？Janice想都不想便說滿分！更謂想打包返屋企給Carina媽咪及妹妹試，認真sweet！接着在製作第二道菜豬肋骨期間發生小意外，Carina開焗爐查看情況時，不小心燙到手，大叫一聲。在客廳的Janice一聽到，即刻衝到廚房門外，緊張說：「佢可能辣親。」但為免阻住Carina，Janice只好擔心地站在門外「眼甘甘」睇實，母愛滿瀉。豬肋骨成功出爐，Janice大讚以第一次來說講已經超水準，至於個甜品Crème Brûlée，就獲得VIVA三位成員一致推崇，封為當日MVP！

食飽飯，Carina跟Janice坐低大談心底話。Carina說雙方關係早就似家人，Janice會成日入房跟他傾偈、關心她。說着說着，Carina突然感觸哽咽，Janice便說：「我將佢哋視作我嘅仔女，我成日同佢哋講，我係佢哋嘅第二位母親。我哋之間有好多秘密。」Carina坦言近兩年忙於工作，已甚少時間跟Janice傾偈，想起當初入行不適應，因不想令媽咪擔心，所以只會跟Janice同妹妹傾訴，「佢未必會俾到好多解決方法我，但係佢喺度就係有一個好開心嘅energy。」聽到這裏，Janice都忍不住邊講邊喊，「我知道你已經開始踏上你嘅第一步，所以繼續努力、繼續行落去。無論發生乜嘢事，我都會為你感到驕傲。」場面感人。