生日正日屋企做功課 VALC@VIVA化身街頭畫師幫fans畫畫

女團VIVA的「跳舞擔當」張鈊貽（VALC）昨日（4月17日）21歲生日，一班fans精心策劃為她送上驚喜，fans們於一間珍珠奶茶店為偶像舉辦生日應援活動，場內貼滿VALC與VIVA隊友的靚相，氣氛溫馨。早前VALC親自到場打卡，跟粉絲近距離互動，更即席化身「街頭畫師」幫fans畫畫，場面搞笑又感人！

VALC日前21歲生日，一班fans精心策劃為她送上驚喜。

今次是VALC出道後首次獲fans為她慶祝生日，回想當日仍難掩興奮，「第一次同fans咁近距離互動咁耐，感覺好親切，真係感受到大家嘅支持！」VALC又指原本以為只是簡單見面，但fans粉絲的熱情令佢驚喜萬分，「見到咁多人支持，超級開心！當然都希望大家玩得開心。」期間最搞笑的一幕，莫過於VALC突然被粉絲「點畫」！她笑着分享，「有個fans叫我畫嚿燒賣，之後個個都開始叫我畫，『可唔可以幫我畫個外星人呀？』、『可唔可以幫我畫隻貓呀？』」雖然自嘲畫功一般，但VALC仍然耐心滿足粉絲要求，更說：「突然之間變咗街頭畫師，真係好搞笑！」

VALC親自到應援店打卡。

期間VALC突然被粉絲「點畫」。

與粉絲合照。

談到生日願望，VALC坦言現時生活節奏太緊湊，「要兼顧返學、跳舞表演、工作同私人時間，真係好唔平衡。」她希望大一歲可以找回自己生活的平衡，更有效率分配時間，「鞭策自己唔好偷懶，減少時間碰撞。」事業方面，VALC最希望跟VIVA一齊接多點工作，尤其係大型演出，同隊友一齊繼續進步。問到生日正日（昨日）如何渡過，VALC透露行程相當「精彩」，「而家喺屋企做緊功課，今晚同屋企人食餐飯，之後就要排舞排到好夜，哈哈！」

VALC希望大一歲可以找回自己生活的平衡，更有效率分配時間。

女團VIVA四位成員各有特色，今次隊長Carina率先跑出，推出首支個人單曲《讓路》，將於4月30日正式上架。這次除了是她首次單飛出歌，整個宣傳企劃更是由Carina主動提議並親自主理，叫大家讓路自己一腳踢，認真大膽！

Carina將於4月30日推出首支個人單曲《讓路》。

其實Carina一向都是團內的「橋王」，這次她主動向公司爭取做一個月的期間限定「Markter」。首先她特意約齊公司各部門的同事開會，自己present她的promotion plan，最後成功落實執行。由度橋、拎budget計數、寫計劃書，到親自設計及印製宣傳單張、海報，甚至訂製宣傳用的「路牌」行電台、電視台宣傳，全部自己親力親為一腳踢。

昨晚（4月26日），Carina於自己Instagram 出post「Solo Dairy EP1」，為新歌預熱。她於IG寫道：「真心respect所有做marketing嘅人！今次首新歌solo我忽然有個大膽想法，就係要自己solo做晒所有嘢，同公司爭取咗做一個月限定Markter。唔係講玩，自己度橋計數寫好一個宣傳plan，然後present俾公司approve（當然啲idea唔會全數approve但我係唔會咁易被擊倒><），再自己design攞去print整好哂launch。」

Carina透露這段時間要兼顧藝人正職，同時排練公司的演唱會、處理女團事務、錄音、拍攝、排舞及舞台劇，絕對是成就解鎖。不過她亦感慨，「雖然就算做得多都唔係一定成功，但好似個過程已經賺咗！」更笑說：「希望大家讓路俾條生路嚟行吓，密切留意4月30日『讓路』。」

影片截圖

影片截圖

影片截圖

而在製作宣傳企劃過程中最有趣的一幕，就是Carina親自去印刷舖提取一千張宣傳單張時，店內的叔叔見到得她一個女仔拿着整疊傳單，忍不住問：「淨係得你自己派呀？陰公！」就連街外人都覺得這位女團成員真的搏到盡。想知Carina搞笑又熱血的宣傳，密切留意她IG的「Solo Dairy」後續。

影片截圖

影片截圖