的士司機揸車「一眼關七」睇美女直播仲打賞 乘客大驚：仲敢唔敢搭？

近日網上瘋傳一段短片，揭露一名香港的士司機在駕駛期間，竟然同時擺放多部手機，全神貫注觀看美女博主直播，甚至疑似互動打賞，令乘客大感震驚，直呼「仲敢唔敢搭？」。

司機「一眼關七」狂刷直播　乘客錄低驚險一幕

影片所見，該名的士司機座位前方擺放至少7部手機，全部播放同一名美女博主的直播內容。司機不僅戴著耳機「口郁郁」跟唱，更不時伸手滑動屏幕，疑似留言或打賞。期間，車內更傳出一把女聲，提醒「支付寶都可以，一定係自己個名喎，聯名戶口唔得㗎喎」，令人猜測司機是否正進行充值或打賞。

Threads圖片

網民熱議：榜一大哥揸的士？

影片曝光後，隨即引來網民熱烈討論。有人嘲諷司機「好專心呀」，揸車都要「太有生活」；亦有人直言「我落車算」，寧願提早下車保平安。不過，更多網民關注司機疑似是直播間的「榜一大哥」（即打賞金額最高的粉絲），紛紛留言：「6部手機睇同一條女，擺明係榜一啦！」、「刷火箭嘅榜一大哥？」、「非常正宗嘅fans刷流量！」

資料圖片

同類事件非首次　網民分享「恐怖經歷」

有網民驚訝表示「咁都比你遇到」，但原來類似情況並非首次發生。有網民分享：「我遇過，上次係6部機睇同一條女！」、「我friend返學都見到呢個司機，嗰時仲誇張，睇緊靚女直播跳舞，架車仲要勁污糟兼除鞋揸車！」甚至有人稱：「我妹遇過個司機係睇韓劇㗎！」

unsplash示意圖

危險駕駛惹憂慮　網民促舉報

雖然部分網民笑稱司機「真係好鍾意呢個女主播」，但更多人擔心此舉已屬危險駕駛，質疑：「咁樣揸車，仲邊有心機望路？」有人反問拍攝者：「點解你唔等佢開緊車先拍呢？」亦有謹慎網民提供「交通諮詢委員會 - 交通投訴組」的連結，呼籲事主正式投訴。

交通諮詢委員會網頁截圖

青衣長康邨凌晨上演街頭鬧劇，一名情緒激動女子在便利店外追打黑衣中年男子，期間不斷爆粗怒吼「叫你老婆落嚟囉！」場面混亂引來街坊圍觀，全程被目擊網民拍下上傳社交平台。

女子當街追打 大叔急避走​​

事發凌晨時分，涉事女子在便利店門前與黑衣大叔爆發肢體衝突。影片顯示，女子多次推撞大叔並高聲叫罵：「嚟啊！嚟啊！」大叔全程沉默躲避，試圖快步離開，但女子緊追不捨，更從後猛推對方。

IG截圖

IG截圖

​​途人勸交反被搭膊頭​​

兩名路過大叔上前調解時，女子突然轉移目標，伸手搭著其中一名勸交者肩膀熱聊。拍攝者在現場不時加插「花生友」式旁白評論，當見到女子搭著另一大叔膊頭時，即笑說：「嘩，仲同另一個阿叔攬頭攬頸，唉，自己都唔係專一嘅人，就唔好對對方咁多要求......」

IG截圖

IG截圖

黑衣大叔趁機逃離現場，女子隨即爆粗怒吼：「聽日唔好亂落嚟！死Ｘ街！」

​​網民食花生熱議​​

影片上傳後引發熱議，留言區充斥戲謔：「河馬口音？河馬細妹？」、「勁喎，阿叔咁年紀都有市場！」亦有網民質疑事件本質：「開頭以為係男男出軌，原來係家庭糾紛。」拍攝者自稱「單身狗」的發言更被指「酸味濃過維他檸檬茶」。