香港一代女神溫碧霞（Irene）與台灣男神禾浩辰（Bruce）！在新片《謊島美人魚》中疑幻似真的童話式戀愛，復活節已正式在銀幕發放。這對似真又似假的「情侶」繼續努力宣傳造勢，特登飛到台灣在影樓拍攝「情侶照」，照片中兩人跟電影一樣專業地交足戲，Bruce孭起Irene，而Irene又作狀扭他的耳仔，儼如一對甜蜜情侶；其中Irene更穿上白色長裙，Bruce穿上白恤衫，十足「結婚照」，似是為《謊島美人魚》來個美麗的結局。
溫碧霞與禾浩辰為新片《謊島美人魚》拍攝甜蜜情侶照。
今晚（4月23日）Irene憑《謊島美人魚》將出席澳門首屆「亞洲藝術電影節」，問到可有信心獲奬？Irene以一貫的從容表示：「一切隨緣吧！已經努力了，獎項就順其自然！無論有沒有獎項，我都一定支持電影頒獎禮。」
點擊看圖輯
溫碧霞與禾浩辰為新片《謊島美人魚》拍攝甜蜜情侶照。
兩人特登飛到台灣在影樓拍攝「情侶照」。
儼如一對甜蜜情侶！
再問到知不知道《謊島美人魚》票房？Irene同樣淡然說：「沒有刻意問，但知道復活節期間好多人外遊，平常心吧！無論幕前幕後每位演員及工作人員都已經付出一百分努力及專業，我已經好感謝及尊敬各位，知道口碑好好，已經好開心喇，正計劃在台灣及馬來西亞上映。」
《謊島美人魚》已正式在銀幕發放。
為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。
英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。
昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。
女團VIVA
溫碧霞（Irene）亦有到場感受氣氛。
經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」
VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」
何佩瑜（Jeana）
Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」
周國賢（Endy）壓軸登場。
全場瘋狂high爆！
整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。
