2025年影壇盛事《第43屆香港電影金像獎》，電影《九龍城寨之圍城》獨攬「最佳電影」、「最佳導演」、「最佳攝影」、「最佳剪接」、「最佳美術指導」、「最佳動作設計」、「最佳音響效果」、「最佳視覺效果」和「最佳服裝造型設計」共9個獎項成大贏家！並宣布好消息，《九龍城寨之圍城》上映一周年，載譽歸來，5月1日「城門再開」於香港戲院再度上映！
星光熠熠，非常熱鬧。
星光熠熠，非常熱鬧。
《九龍城寨之圍城》監製莊澄、導演鄭保瑞與「龍捲風」古天樂、「城寨四子」林峯、劉俊謙、張文傑和胡子彤、「王九」伍允龍、「Tiger哥」黃德斌、「魚蛋妹」王尹菁，以及蔡思韵、喬靖夫和廖子妤等台前幕後團隊，到中環舉行「LIGHT CAMERA CHEERS」慶功party。同場還有盧慧敏（Amy Lo）、導演李志偉和何英毅、袁富華和黃美芬等《得寵先生》團隊，以及鍾雪瑩和游學修等《看我今天怎麼說》團隊，星光熠熠，非常熱鬧。
《九龍城寨之圍城》橫掃9個獎項，古天樂坦言好開心，說：「我好開心，真係攞好多獎！起碼證明呢部戲可以行出海外，去到日本、去到康城，我哋嘅努力冇白費。」導演鄭保瑞稱在現場一直替台前幕後角逐的獎項而緊張，他表示對續集更有信心。古天樂坦言受大環境影響，會更考慮成本問題。至於《尋秦記》是否都市傳說？古天樂說：「阿峯，你話畀人聽！」林峯：「呢部戲今年會出街。」古天樂強調：「唔係傳說，好快會見！」之後張文傑、伍允龍、胡子彤及台前幕後，一齊品嚐「城寨叉燒飯」，津津有味。
合照
合照
合照
星光熠熠
《九龍城寨之圍城》由寰亞電影、無限動力、天下一電影、銀都機構、聯瑞影業、橫店影視出品，莊澄、葉偉信監製，鄭保瑞執導，鄭兆強攝影，張嘉輝剪接，谷垣健治任動作指導。歐健兒、陳大利、岑君茜、黎俊編劇，改編自余兒原著小說《九龍城寨》，滲入司徒劍僑《九龍城寨》漫畫式動作意念。余家安和葉嘉茵擔任服裝造型設計；林駿宇、馬肇富、林嘉樂和余國亮擔任視覺效果；姚俊軒、張文愷和杜本立擔任音響效果；麥國強和周世鴻擔任美術指導。由古天樂、林峯、劉俊謙、伍允龍、胡子彤、張文傑領銜主演，任賢齊、黃德斌、廖子妤、朱栢康及蔡思韵主演，洪金寶友情主演，郭富城特邀友情演出。
九龍城寨4子
古天樂
林峯
娛樂訪談節目《星展豐盛理財保險策劃呈獻：一周星星》，逢周日晚10點翡翠台播映。節目每集將瞄準影視圈及歌壇等焦點人物進行訪談，並由區永權、許文軒、王鎮泉、潘盈慧輪流主持，本周日晚（28日）播出的第四集，嘉賓是還未正式上映已熱爆全港的電影《尋秦記》四位主演古天樂、宣萱、林峯及朱鑑然，主持則是區永權。
呢個白眼，係咪正先？
你哋唔好以為係扮打，宣萱真係「啪」一聲打落去古仔度。
今集《一周星星》絕對可以「笑聲笑聲滿載溫馨」形容，單是古仔與宣萱的爆笑互動，已值回票價！先說「本尊Fact Check」環節，區永權求證古仔是否如傳聞所指「唔畀人趷得」，現場即時變得儼如聯歡會般熱鬧。古仔先是很大反應：「你講咩呀？（馬上指著宣萱）佢嗰日唔趷過我唔開心。」區永權聞言接招追問宣萱：「傳聞呢個世上，得你一個可以對住鏡頭趷佢（古仔）。」古仔聞言又「搶答」：「我澄清番先，佢唔對住鏡頭都係趷架喇。」不過宣萱對二人一唱一和卻大力抗議，並指區永權都會寸古仔，古仔聞言再搞笑謂：「我好記仇嘅，你死緊喇今次！」
當年呢條NG片熱爆網。
古仔想再篤宣萱，但宣萱好精靈咁避開咗。
古仔暗示畀宣萱趷到冇晒感覺
此時林峯加入戰團，不過卻並非為宣萱護航：「我喺度諗緊邊一日你係冇趷佢嘅，又好似冇…」、「我未見過有其他人趷佢」。被圍攻的宣萱，即強調「開工我冇趷佢嘅」，豈料古仔依然反對：「你咁都夠膽講嘅？！」由於戰況太過混亂，區永權嘗試作出精闢分析打圓場：「你（指宣萱）會唔會趷佢（指古仔）趷到趷咗都唔覺得趷緊佢呢？」宣萱聞言竟哈哈大笑：「咁我真係唔知。」眼見「沉冤得雪」，古仔加多兩錢肉緊謂：「咪係咯！（點解你畀佢趷？）咁我都唔知吖嘛，我都慣咗喇嘛，你估我想架？！」宣萱在節目中，還會大方分享成功「趷古仔」秘訣，萬勿錯過。
宣萱同古仔嘅互動真係好甜蜜。
古仔成日叫宣萱「等等先」。
古仔笑宣萱「成日郁手郁腳」
其實宣萱除了把口唔放過古仔，連「雙眼」及「雙手」亦對古仔「零客氣」。事緣其中一Part，宣萱詳談拍攝電影版《尋秦記》時，與當年的當家花旦郭羨妮再𢇽聚首「仲啱傾過以前」時，古仔因一句「即係以前唔啱傾」口多多搭嗲，被宣萱「反白眼」攻擊兼被負評「搞屎棍」；之後宣萱提到重遇歐瑞偉（角色陶總管）時感覺很強烈，並指很快便能投入與對方的感情戲時，古仔又再口多多：「即係你同陶總管有感情線，你意思係。」宣萱聞言嬲到狂打古仔，古仔只能無奈回應：「成日郁手郁腳。」之後宣萱應區永權要求向古仔表達謝意，熱情的她即作勢送上「熊抱」，古仔見狀即閘住：「唔好郁手郁腳呀喂」、「唔好摸呀！」最後連環慘食檸檬的宣萱竟出拳狂打古仔，十分搞笑。
至於宣萱，梗係成日忍唔住爆笑啦。
宣萱模仿古仔喺片場嘅眼神。
呢吓小學雞鬥扁嘴大賽真係笑死。
妙談當年「篤到狂笑」NG網紅片
古仔和宣萱還大方談及了劇集《尋秦記》廣傳至今的網紅NG片，談到其中一條古仔因大力篤宣萱心口、篤到宣萱忍不住爆笑的NG片時，宣萱時隔多年依然覺得搞笑又委屈：「我睇親都笑，我估我睇三十、甚至一百次都會笑」、「佢冇當我女人咯，總之係…可能對佢嚟講（力度）四架啫，但對我嚟講已經係七、八架喇。」古仔聞言只能回應：「篤本身唔大力唔係叫做篤嘅，叫做撩！」隨即應區永權要求即場示範向宣萱「撩穴」，宣萱見狀即靈活閃避：「唔好撩我！」
宣萱想攬古仔表達謝意，但古仔似乎想謝絕好意。
宣萱呢吓又係打得好激動。
淨係睇宣萱表情包，都值回票價啦。
古仔爆宣萱愛說話：佢平時一定會同我講嘢，我病嗰日我先唔應佢架咋
玩了一大輪，古仔才正式為當年力度過猛解畫，期間他除會大爆宣萱「唔記得對白瘀事」，還笑言宣萱一分鐘都不能停下嘴巴，古仔：「你叫佢現場唔講嘢一分鐘係冇可能嘅事嚟，呢個係真事。」、「佢平時一定會同我講嘢架，除咗我病嗰日我先唔應佢架咋。」面對古仔連環強攻，宣萱一度使出「搞笑扁嘴樣」無聲抗議，豈料古仔照辦煮碗扁嘴「反擊」，想親眼直擊兩位大細路更多爆笑互動，密切留意今晚播出的一集《一周星星》。
