洪嘉豪埋怨人工加得少，聯同Kiri T及Gordon Flanders一齊「轉工」？

恒生銀行（「恒生」）再一次邀請潮流教父葛民輝（阿葛）做代言人，夥拍新生代人氣創作歌手洪嘉豪（嘉豪）、Kiri T及Gordon Flanders，組成星級陣容拍攝全新恒生Preferred Banking廣告企劃。Carry全城打工仔，開恒生Preferred Banking轉用PayDay+ 出糧賺高達5%儲蓄年利率1,2，自己出手加⼈⼯，就係咁輕鬆。

恒生銀行（「恒生」）再一次邀請潮流教父葛民輝（阿葛）做代言人，夥拍新生代人氣創作歌手洪嘉豪（嘉豪）、Kiri T及Gordon Flanders

廣告一開始嘉豪驚訝自己嘅人工加得少少，與Kiri T同Gordon密斟轉去邊度有得加人工。「高層」阿葛趁機獻計「轉工大法」拉攏他們跳槽加人工，嘉豪調教阿葛：「想加人工，唔一定要轉工嘅，轉出糧戶口都得！」

嘉豪扭計人工加得少  阿葛出手挖角  嘉豪反爆「想加人工，唔使靠轉工嘅」

今次是嘉豪第二次與恒生合作，上一次孖住金牌司儀Do姐鄭裕玲拍廣告，面對口才了得又IQ高的Do姐，嘉豪順利過關；今次拍住出名腦筋轉得快兼無厘頭文化祖師的阿葛，嘉豪都招架得住。同樣是第二次跟恒生合作的阿葛，上一次學到只要好好部署，每一蚊的價值都可以無限放大；今次同嘉豪、Kiri T及Gordon擦出新火花，學到好好部署出糧戶口，就可以爆盡份糧每一蚊的價值。

被問到他們第一次收人工的經驗，嘉豪分享：「我第一份工係喺快餐店做暑期工，出糧戶口都係阿媽幫我搞。」至於他人生的第一份糧有幾多？嘉豪表示：「做咗差不多兩個月暑期工，份糧只得3千多元。」至於Kiri T爆自己：「我嘅第一份工係喺咖啡店工作，不過未過試用期就被炒，因為我太廢！記得做咗一星期左右，賺到幾百蚊。」雖然第一份工好短又只賺得幾百蚊，Kiri亦有將人生的第一份糧存入小時候媽媽幫她開的儲蓄戶口。出道大概兩年的Gordon表示：「我第一份人工就係幫嘉豪寫歌，一出糧就用嚟交租！而我用嚟出糧嘅銀行戶口，就係屋企樓下最近嘅銀行開嘅。」跟阿葛同樣是有家室之人的Gordon，坦言太太沒有管著他的錢，反而自己會經常留意銀行的優惠。三位年輕人均表示以前自己選擇出糧戶口較為被動，現在認識了恒生PayDay+，會主動去諗如何將份糧的每一蚊價值爆大。

嘉豪大爆第一份糧搵幾多  阿葛出術唔畀阿媽知自己搵幾錢人工

資歷最深的阿葛繼上一輯拍攝恒生廣告時分享考古有趣事，今次再重溫當年，表示初出來工作時，公司是用支票出糧，他打趣說：「以前出糧會盡量要求收支票，阿媽睇紅簿仔時就唔會知我真實有幾多人工，俾家用可以年年一樣。」被問到出糧的心情，阿葛再次發揮其搞笑又到位的一面，笑言：「我呢啲咁早成家立室嘅，太太會幫我plan好，一出糧已經分配好、安排好，我一早已經有個『人生嘅Preferred Banking』！」更笑言有恒生Preferred Banking用作出糧戶口就不同，可以爆盡份糧每一蚊！

作為藝人不是月月出糧，收入亦不穩定。當討論到有什麼方法加人工，Kiri T竟然大膽提出：「轉公司囉！」此言一出，即引來在場兩位同門師兄弟嘩然，嘉豪笑指：「上年公司幫妳做到咁好成績，你竟然話轉公司！」Kiri連忙耍手澄清：「唔係講我自己，係聽啲返朝9晚5嘅朋友講，可以試吓轉工，咁舊公司為咗留人或者新公司挖角都會加人工。其實，要加人工都不一定要轉公司，轉用恒生PayDay+出糧，就可以輕鬆幫自己加人工！」加入公司年資最淺的Gordon就最實際，直言幫公司每一位歌手都寫歌，多勞多得，希望續約時公司可以加人工，嘉豪笑指他用更多的努力換取更高人工，這不是真正加人工！前輩阿葛撐Gordon：「幫多啲不同歌手做多啲好歌，然後有好成績就可以加價了！」

Kiri T為加人工竟然嗌轉工  Gordon努力做歌相信多勞多得

至於老闆級的阿葛離開打工仔行列好一段日子，現在回想起自己當年亦是為加人工努力做出成績：「我正式返工嘅頭兩年人工低，當時十分勤力工作，唔怕蝕底、唔怕OT，幾乎每3個月就會升職加幾百蚊，跟底薪比例算高。之後轉工加入電台工作，冇主動爭取加人工，反而努力做其他瓣數，例如電影，令自己人工加少少！」

3位歌手拍攝銀行廣告「撈多瓣」搏加人工之餘理財技能亦「升呢」，學到「出糧戶口唔只用嚟出糧」。一向醒目的嘉豪就幫大家計數：「揀啱出糧戶口就可以賺到盡、慳到盡、玩到盡，儲蓄年利率仲高達5%1,2，輕鬆幫自己加咗人工！」慳妹性格的Kiri大讚：「揀出糧戶口梗係揀日常手機銀行服務係$0收費嘅3，可以幫我慳到盡！」最年輕的Gordon當然趁年青玩到盡，表示：「會留意多咗出糧戶口客戶嘅專享優惠，參加抽獎有額外機會，分分鐘贏機票免費去旅行，咁就可以玩到盡！」

嘉豪、Kiri T及Gordon拍廣告  理財技能「升呢」

FWD富衛保險呈獻，達摩工作室（Dharma Workshop）主辦，MakerVille及ECEC Entertainment協辦，改編自喜劇大師三谷幸喜同名作品的舞台劇《The Magic Hour 魔幻時刻》，將於今年6月5日起，一連20場，假香港演藝學院歌劇院隆重上演。是次演出集結嶄新演員組合，包括謝君豪、葛民輝、韋羅莎、江𤒹生、魯文傑及蔡曉童，一眾實力與人氣兼備的演員強強聯手，勢必為觀眾炮製連場爆笑、荒誕又動人的「魔幻時刻」！

謝君豪

謝君豪

謝君豪

葛民輝

葛民輝

韋羅莎

江𤒹生

魯文傑

蔡曉童

蔡曉童

星級陣容炮製爆笑舞台　荒誕騙局一發不可收拾

達摩工作室日前於W Hotel為舞台劇《The Magic Hour 魔幻時刻》舉行記者招待會，正式揭曉星級演員陣容，包括演技精湛的影帝謝君豪（豪哥）、搞笑實力兼備、去年勇奪香港舞台劇獎最佳男配角的葛民輝（阿葛）、舞台魅力十足的韋羅莎（Rosa）、去年初演舞台劇即大獲好評的江𤒹生（AK）、資深實力派「劇帝」魯文傑（Simon），以及充滿活力的新生代演員蔡曉童（童童），驚喜組合火花十足，令人眼前一亮，期待值爆燈。

故事講述三流演員李青峰（謝君豪 飾演），老臨替身樣樣做齊，撞上地痞酒店經理方文俊（AK 飾演）搭上果欄黑幫大佬情人Linda （韋羅莎 飾演），方文俊為求保命，承諾尋找傳說殺手「西門吹雪」。約定日子漸近卻毫無線索，靈機一觸找來李青峰扮演西門吹雪。誤以為是拍攝電影的李青峰熱烈表演著「殺手」竟然成功欺騙黑幫大佬（葛民輝 飾演）。方文俊以為成功之際，可惜李青峰對表演的熱情開始令事情一發不可收拾。

大合照

謝君豪回歸喜劇舞台　苦練體能應付戲中戲挑戰　自爆操肌致「周身酸痛」

豪哥今次回歸喜劇舞台，直言其實早於初出道時已經常演出喜劇角色，尤其加入香港話劇團後，更不乏搞怪演出，笑指：「唔知係咪近年靚仔咗，大家反而搵我做正劇小生。」不過豪哥坦言自己一直鍾情喜劇，甚至希望未來能參與更多喜劇作品。談到今次合作班底，他亦感到相當新鮮，除了十多年前曾與Simon和Rosa合作外，其他演員如阿葛、AK、童童等均是首次合作，令他對這次全新組合充滿期待。

至於角色挑戰，豪哥表示今次飾演的李青峰是一位人到中年、對演戲充滿熱誠但演技平平的三流演員，「可以話係熱誠一流，演技三九流」，角色層次豐富甚具挑戰。由於故事有戲中戲情節，他需遊走於演員與殺手兩個身份之間，為了應付動作場面要積極健身及拉筋，笑言練到「周身酸痛」。他又透露與AK有大量對手戲，戲中更會被對方「老點」，捲入荒誕騙局，劇情發展相當曲折，笑言要觀眾親自入場揭曉。

《The Magic Hour 魔幻時刻》海報

阿葛慘變終極苦主　AK自爆靠大話補鑊　Rosa童童雙雙被情所困

阿葛則苦笑表示，今次要飾演一名被眾人矇騙的果欄黑幫大佬，「會畀豪哥呃，亦都畀心愛嘅人呃，真係好陰公嘅苦主！」豪哥隨即笑住反駁，指自己同樣是受害者，「其實我都係畀AK呃！」AK聞言即「補鑊」解釋：「我都係唔小心滾到人，唯有滾啲大話出嚟去彌補過錯。」三人你一言我一語，互相「卸膊」，火花四濺。 AK亦分享，去年於《SUCK樂園》中需一人分飾多角，挑戰不小；今次新劇可以嘗試專心演繹單一角色，坦言希望在綵排過程中更加放開自己，向一眾前輩「偷師」學戲，提升演技。

Rosa笑言一收到劇本，得知與AK有感情戲便即時答應演出，更急不及待想投入排戲。她又透露今次飾演果欄黑幫大佬（阿葛）身邊的女人，因為搭上酒店經理（AK），被愛情沖昏頭腦，最終得罪大佬。童童將演繹電影版中綾瀨遙一角，更被笑稱為「港版綾瀨遙」。她指角色同樣「被情所困」，更會一步步誤墮騙局深淵，「最後仲會變成超級大騙子，連自己都呃埋！」她又表示今次有幸與一眾前輩同台演出，直言抱住「追星心態」參與，「可以同前輩們有對手戲，有一句對白交流，我已經好開心！」盡顯興奮之情。

豪哥解構《The Magic Hour》笑中有淚　憶起女兒畢業奪獎的魔幻時刻

豪哥指《The Magic Hour 魔幻時刻》雖然是喜劇，但並非單純喜鬧劇，「唔係淨係令人笑，笑完之後其實會帶少少傷感」，如何拿捏悲喜之間的平衡正是演出難度所在。他亦希望觀眾在笑聲過後，仍能細味劇中的情感與細節。另外，他更透露舞台上將有不少爆破場面，如何呈現亦令他十分期待。

對於「Magic Hour」的理解，豪哥形容那是一段日落後短暫而美麗的時刻，既真實又夢幻，就如人生中的高光瞬間。他分享自己最難忘的「Magic Hour」，是女兒修讀Fine Art畢業時，在展覽現場得知她獲獎的一刻，「嗰一刻好真實，又好夢幻，好美麗」，至今仍記憶猶新。

他亦感性表示，其實每一晚的舞台演出本身就是一個「Magic Hour」，站在台上面對漆黑觀眾席，如夢似幻；雖然劇情是虛構，但演員之間的交流卻無比真實，這種矛盾正是舞台的魅力所在。「就算今晚做得唔好，聽日可以再嚟過」，他笑言一直以此鼓勵自己。正如劇中所說，「Magic Hour」過後或許是黑夜，但只要繼續等待，下一個屬於自己的魔幻時刻終會再次出現。

改編三谷幸喜經典作品　悲喜之間尋找希望

《The Magic Hour 魔幻時刻》改編自三谷幸喜同名電影，原作透過荒誕幽默的情節，鼓勵失意之人即使未知道高光時刻何時出現，也不應輕言放棄，而是繼續努力，等待屬於自己的「Magic Hour」。讓我們一起期待由阮韻珊、陳小東改編的版本，如何把這場戲中戲搬上舞台，在爆笑中勉勵觀眾。