黃淑蔓為DSEr打氣LIVE 邀馮允謙陳健安任壓軸嘉賓

「寰亞孻女」黃淑蔓（Feanna）在DSE考試月，一連五個星期於寰亞音樂MediaAsia Music與KK Box聯手「DSE 一定要得！」網上節目，為考生唱歌和傾偈打氣。隨著考試結束，最後一集邀請馮允謙（Jay）和陳健安擔任壓軸嘉賓，由商台DJ阿酸主持，現場更有二十多位應屆考生觀眾。大合唱節目主題曲《一定要得》，現場觀眾一同吶喊應援，氣氛高漲。

黃淑蔓（Feanna）為DSEr打氣LIVE。

馮允謙（Jay）與陳健安任壓軸嘉賓。

Feanna繼上一集與嘉賓麗英合唱多首動漫歌曲後，意猶未盡，今集再選唱動漫《火影忍者疾風傳》日語歌《青鳥》（Blue Bird）。她說：「呢首《青鳥》好勵志，希望可以畀到力量考生，好似歌詞咁講，努力追夢，飛到高高嘅天空。」安仔大讚她的歌聲很適合唱日語歌和聲優。而Jay試著跟英文拼音歌詞唱了幾句，Feanna和安仔都讚他唱得可愛。

安仔唱到氣咳當特別版。

安仔除了演唱新歌《不遲不早》之外，還有《煉獄健身室》，但唱到中間不慎被口水濁到咳，Jay立即遞上水樽，而安仔一邊忍笑一邊繼續唱。事後安仔笑言：「我從來未試過唱唱吓歌濁襯，呢首叫做《煉獄自修室（特別版）》，大家要好好珍惜，唔會再有第二次，祝各位考生1 take pass，唔使再考第二次。」

Jay考完試即作曲放輕鬆！

而Jay在節目中第一次公開演唱《然之後》和英文歌《She Don’t Love Me Anymore》兩首新歌。在加拿大讀書的他揚言多謝哥哥鞭策，順利考試有好成績，他說：「我哥哥讀書好叻，考試前幫我補習，做佢以前嘅試卷，點知真係考返嗰啲題目，結果我攞滿分。」他又表示考完試即作曲放鬆心情，說：「作曲令我減壓，我會孭埋結他去旅行，因為輕鬆嘅時候特別有靈感。」Feanna乘機追歌，她說：「Jay真係好勤力作歌，但係我由佢加入寰亞開始邀歌，成日追問佢，到依家仲未收到。」Jay解釋原本寫了一首，但感覺可以更好，所以還在修正，答應她盡快找數。節目最後，大合唱Jay的《在最好的時間做最好的你》寓意考生們有最好的成績。

現場觀眾氣氛高漲！

Feanna今集再選唱動漫《火影忍者疾風傳》日語歌《青鳥》。

「寰亞孻女」黃淑蔓（Feanna）愛惜小動物，關心流浪毛孩，得知「大樹下善待動物庇護站」面臨資金告急，需要大眾捐款維持日常營運與緊急救援，日前她與Fans帶著貓狗糧食，以及公司同事集資的利是錢，到「大樹下」做義工。呼籲領養代替購買、一次過捐款、每月捐款或助養計劃等，集腋成裘，幫助「大樹下」營運，改善毛孩生活。

「寰亞孻女」黃淑蔓（Feanna）日前與粉絲帶同貓狗糧食及利是錢，到「大樹下善待動物庇護站」做義工。

Feanna說：「今日好有意義，我同Fans一齊到『大樹下』做動物義工，呢度照顧超過一百隻貓狗，每日嘅食物和醫療開支都好大。透過義工Joey，我哋了解每隻狗狗嘅故事。」Feanna與Fans替狗狗梳毛和餵食，期間被熱情的狗狗「抱抱」索吻，笑言：「無諗過我嘅螢幕初吻係畀咗狗仔，佢嘅熱情同埋衝擊，殺我一個措手不及，佢真係好可愛。」

她坦言自小已想養狗，但強調領養是一生一世的責任，呼籲大眾有錢出錢、有力出力，幫助「大樹下」繼續營運，改善逾百隻毛孩的生活。

之後Feanna與Fans帶著零食去「貓舍」，當她坐在梳化上，貓貓立即湧上前討抱，其中一隻成功伏在她大腿上的貓咪，更出手打其他貓要獨霸Feanna，Feanna立即控制場面，左擁右抱。她笑言有少少「出軌」的感覺，說：「唔知返到屋企兩隻貓聞到我身上有其他貓狗味道，會唔會好嬲？剛才入到貓舍，感覺嗰度就係屬於我嘅地方，一入去坐低，啲貓貓就衝晒埋嚟，要我哋摸摸同埋拍Pat Pat，其實貓狗都好需要人陪伴。」之後她在衣服上發現一條貓鬚，說：「聽講對住執到嘅貓鬚許願好靈驗，我希望所有貓狗都可以幸福健康！」

Feanna與粉絲替狗狗梳毛餵食期間，被熱情狗狗「抱抱」索吻。

Feanna早前因為嚮往貓咪無拘無束的性格，而創作新歌《喵！》，問她會為狗狗寫歌嗎？她說：「如果我要寫一首關於狗狗嘅歌，可能要等我真係養咗狗先。其實我由細到大都好想養狗，但要做個有責任嘅主人，每日帶佢落街散步、居住嘅地方，同埋經濟狀況穩定，我先至可以再養多一隻新嘅動物，領養前三思，係一生一世嘅責任，諗清楚先至帶佢哋返屋企。」

她笑言：「無諗過我嘅螢幕初吻係畀咗狗仔。」

雖然未必每個人都可以在家裏養貓狗，Feanna建議可參加「助養計劃」，她說：「每一隻狗仔都有佢嘅身世故事、身體狀況，『大樹下』好需要大家支持和捐款，至可以繼續營運落去。有養寵物都知道醫療費用真係好龐大，希望大家有錢出錢，有力出力。」

其後轉到貓舍，她甫坐下即有貓貓湧上大腿討抱，其中一隻更出手打其他貓要獨霸Feanna，場面搞笑。