陳健安《梨子》收錄亡父23年前珍貴錄音 動畫配手寫字MV添人性溫度

唱作歌手陳健安紀念逝世20年的爸爸創作歌曲《梨子》，早前在個人演唱會上首唱，真摯演繹，感動全場。MV日前上架，以動畫配手寫歌詞字幕，片尾一段陳爸爸溫柔地氹小朋友的聲音：「汽水、雪糕，好嘢，拎晒出嚟」更是觸動人心。為找出這段聲音，陳家總動員翻箱倒籠，究竟陳爸爸當年跟誰說話？安仔揭盅：「係家姐大女，爸爸嘅外孫女！」

陳健安紀念逝世20年的爸爸創作歌曲《梨子》，早前在個人演唱會上首唱。

《梨子》MV日前上架。

安仔說：「好記得爸爸鍾意批梨皮一條過唔斷，攞畀我哋睇，呢啲生活情趣。其實我有啲價值觀、行為、生活習慣都來自爸爸，希望可以用『梨子』做引子，分享我傳承自爸爸嘅嘢。」MV以動畫代替真人拍攝，他說：「我唔想太煽情，不如用Animation（動畫）表達。邀請咗DJ阿檸（薛晉寧）畫，佢擅長用木顏色，好靚。而因為歌詞好夠力量，希望焦點放喺文字上，用手寫歌詞，有手寫嘅溫度，我好喜歡！」

MV圖片

MV圖片

MV圖片

《梨子》由安仔作曲，創作旋律時未有題材，但Demo名和內容已有「平平凡凡」元素，去年決定寫爸爸就邀請許弘毅填詞，這是二人首度合作，他聽了安仔分享爸爸生活點滴後寫了《梨子》。安仔說：「佢寫出我講嘅所有故事，當中有爸爸生活哲學，好感動。歌詞看似簡單，但再消化吓就有幾個層次，尤其是Verse（主歌）部份每句七個字，有poetic（詩意）感覺。」

編曲由安仔老best賴映彤（小彤）操刀，並與安仔聯手監製，她說：「大家留意編曲上有遞進嘅感覺，尤其是同陳健安做歌特別著重氛圍。」安仔向小彤發出「3個P」要求：poetic（詩意）、piano（鋼琴）、post rock （後搖滾），及加入仿黑膠碟「炒豆聲」（Vinyl）增添復古感覺。

編曲由安仔老best賴映彤操刀。

至於爸爸的聲音，安仔說：「首歌差唔多做完嘅時候，我諗不如加啲爸爸以前嘅聲，就喺屋企群組問，原來家姐以前用DC（數碼相機）拍片再燒成碟收晒喺牀下底，佢摷晒出嚟逐隻睇，再記低幾分幾秒有爸爸把聲，我即晚去家姐屋企攞晒啲碟返嚟再揀。我諗爸爸估唔到自己把聲全世界都聽到，佢好鍾意威，依家好威！」

MV圖片

「嗰段聲係2002年，當時家姐拍緊自己個女，爸爸氹緊佢外孫女。」因為找爸爸的聲音，家族多了一個有趣的親子活動：睇舊碟。安仔說：「家姐嘅大女未睇過自己細個嘅片，細女更加未見過姐姐細個，原來咁得意。一家人睇片好開心，變咗親子活動。我家姐都有拍我中學參加歌唱比賽嘅片，將來可同大家慢慢分享。」

觀看相關影片按連結：https://youtu.be/h6P0rY0go_E

安仔在2023年專輯《Life afteR Life》收錄了媽媽噓寒問暖的WhatsApp 口訊，今次在新歌《梨子》MV尾段加入爸爸的聲音，問安仔未來可繼續為其他家人創作，製成家族系列？他笑說：「可能要出三隻碟，我有六兄弟姊妹，仲有外甥女、侄仔，十幾廿個人，都幾大家族，其實家姐阿哥都好鍾意唱歌，等我諗吓先！」

安仔與媽媽

安仔與媽媽

安仔透露：「我爸爸性格幾唔聽人講嘢、幾任性，我都係。（爸爸係咪浪漫派？）從媽媽口中『你阿爸以前好靚仔』，講嗰時個樣係沾沾自喜。爸爸口甜舌滑，好識氹人，多才多藝，識打功夫、踢波、寫毛筆字好靚，每年都會寫揮春。」他更爆料小時候有一次畫畫功課，爸爸技癢在其水彩畫「海洋世界」用毛筆畫了一隻水墨蝦，非常搞笑。

陳健安

一年一度「寰亞音樂」School Tour又開鑼了！今年主題為「MUSIC ON CALL」，吸引大批學校熱烈參與。今年由「仙氣女神」雲浩影（Cloud）率領首次參與School Tour的新人師弟藍奕持（Lester），穿梭港九新界的學校，為同學仔又唱又玩。第一天早上團隊先到屯門香港專業教育學院（IVE），下午轉戰港島區的聖類斯中學；第二日早上則抵達青衣IVE，下午移師沙田大圍五育中學，更邀得陳健安（安仔）加盟助陣，令現場氣氛更為高漲，同學仔玩遊戲非常投入。

寰亞音樂年度School Tour今年以「MUSIC ON CALL」為主題，由雲浩影（Cloud）率領首次參與的師弟藍奕持（Lester）穿梭港九新界學校，陳健安（安仔）亦加盟助陣。

這次的歌單滿滿心思，專為同仔度身打造。Cloud率先以人氣作品《回憶半分鐘》帶起全場氣氛，接著以《別畏高》鼓勵同學們勇敢向前衝。唱作歌手Lester以往多創作英文歌，加盟「寰亞音樂」後推出首支廣東歌溫馨小品《少甜》為活動暖場，隨後藉著新歌《純》寄語同學不忘初心、保存純真。兩人更合唱了Cloud的《我想和你虛度光陰》和大師兄馮允謙的作品《All That I Want》。台下同學們反應熱烈，Cloud和Lester更跑落與同學們握手和自拍，全場打成一片。

到了第二日下午安仔現身助陣，演唱《在錯誤的宇宙尋找愛》後，抽出同學仔上台玩「唱歌詞中有『如果』的歌曲」鬥多遊戲。台下同學仔紛紛熱烈「提水」，緊張刺激，最終由安仔隊勝出。安仔隨後獻唱新歌《仙女座事故》，並跑落台與同學仔零距離接觸，握手、簽名、合照，有求必應，更應現場同學點唱清唱《好好掛住》和演唱《戀愛腦之死》。

Cloud以《回憶半分鐘》及《別畏高》帶起氣氛。

Lester獻唱首支廣東歌《少甜》及《純》，寄語同學保存純真。

安仔在台上感性分享：「我中二、中三開始參加學校歌唱比賽，一直追自己好喜歡嘅嘢，唔覺唔覺唱咗差唔多20年，就係由學校禮堂開始，如果你哋有咩好想做，呢一刻就可以開始，堅持自己喜歡做嘅嘢一直走落去。」全場熱烈歡呼。特別是即將面對公開試的中六同學仔，安仔貼心打氣：「嚟緊你哋考DSE加油，如果溫書好攰就去聽歌、食嘢、瞓吓覺、耍吓廢！」活動尾聲，三人合唱《之後的一天》以歌聲鼓勵學生尋找專屬方式減壓。

首次參與School Tour的Lester心情興奮，說：「見到啲同學仔玩得開心我都好開心，仲有Cloud帶住我，多謝大家同我一齊玩！」Cloud和安仔則齊聲歡迎他加入，Cloud首次以「師姐」身份帶領Lester表演，坦言心情難免有點緊張，她笑言：「今次第一次做『大』，以往跟住啲大佬，今次更有責任感同埋使命感！」

安仔除獻唱新歌《仙女座事故》，又與同學玩遊戲兼分享追夢經歷，鼓勵大家堅持喜歡的事，並為DSE考生打氣。

安仔好奇問及兩人之前幾站與同學玩遊戲的戰績，Cloud透露自己贏了兩場，笑說：「唉，今朝輸咗，狀態唔係幾好。」而僅參加一場便獲勝的安仔被封為「遊戲王」，他則謙稱這全是同學仔的功勞。眾人表示，最開心的莫過於見到同學仔玩得盡興、投入，並期望接下來能到訪更多學校，將音樂正能量傳遞給每一位學生。

他們興奮表示「寰亞音樂」School Tour現正再度開放申請，歡迎全港各學校及同學仔踴躍參加，想讓歌手們帶着音樂和歡樂突襲校園，火速去Instagram DM「寰亞音樂」（@mediaasiamusic）查詢及報名！

三人最後合唱《之後的一天》作結，活動現再度開放學校申請。