陳健安簽唱會4小時to簽逾300專輯 歎忘演唱會成功幫歌迷出pool

唱作歌手陳健安月初剛完成兩場個人戶外演唱會後，日前在將軍澳MCP新都城中心舉辦「MCP x 陳健安《時間感【遲】》簽唱會」，近千人圍觀。除了唱歌，安仔與Fans玩遊戲，台上雞手鴨腳，台下看得肉緊，非常熱鬧。壓軸簽名環節，安仔花了約4個小時，為獲得活動及歌迷會發放簽名證約320位Fans逐一to 簽專輯，當中有不少新臉孔和大量BB粉，更有Fans表示在其演唱會上認識了男朋友，有Fans被他的歌啟發重返校園。安仔感動大家一同成長，互相見證重要時刻。

陳健安日前舉辦「MCP x 陳健安《時間感【遲】》簽唱會」。

安仔風騷出場，他帶埋影專輯時道具上台，一張弧形膠片放在臉上變成哈哈鏡，逗得全場大笑。他在台上分享了完成了首次個人戶外演唱會的心情，以及創作新專輯的點滴之後開始玩遊戲，首先是加強版的「額頭有字2.0」，Fans做動作由安仔估額頭上的字詞。然後是「伊甸有舞」，由安仔口述動作Fans跟指示跳舞，安仔越講越混亂，台下Fans肉緊提水，全場笑聲。

安仔帶埋影專輯時道具上台。

一張弧形膠片放在臉上變成哈哈鏡。

之後安仔演唱新專輯作品《如果世外見》和《額頭有字》，並與全場大合照後開始簽名環節，不少Fans帶埋大小「螢螢」來給安仔摸摸加持、有Fans與他猜包剪揼、有Fans專程由澳門、上海和四川來港追星、有Fans帶另一半來「見家長」，甚至抱埋BB捧場，場面熱鬧又溫馨。而Fans送上的禮物，幾乎清一色是安仔最喜愛的Chiikawa。期間收到一張收藏卡後興奮大叫，原來他獨欠這張，終於如願以償，集齊整套！

陳健安

陳健安

簽唱會後，安仔表示好開心，「今日十分快樂，因為大家用真金白銀買我嘅第五張概念專輯《時間感【遲】》。差唔多有一半人係第一次嚟我簽唱會，大部份都好i （內斂形），咁i 都肯出嚟特別珍貴，感謝佢哋。」花了約4個小時完成簽名環節，他說：「可能我又寫上款、畫吓嘢。好開心，見到有外地Fans專程飛嚟睇我兩場演唱會和簽唱會，多謝佢哋特登嚟支持我。」最令安他難忘是間接幫Fans出pool，他說：「有Fans話喺我演唱會度識到男朋友！亦有Fans之前陀住BB，今次抱埋BB嚟，好開心見住佢哋成長，互相見證重要嘅日子，好感動 。」

陳健安

陳健安與粉絲

早前演唱會期間抱恙，安仔坦言至今仍未痊愈，笑言歌聲有點性感，感謝Fans包容。完騷後他即飛澳洲出席好朋友陳穎欣（Yanny）與音樂人陳考威（Gareth）婚禮，未能如以往騷後寫感言，但細閱了Fans的千字文。他說：「我頭場病咗唱得唔夠好，可能我將事情放到好大，好唔開心。最深刻唱《好好掛住》中間，我覺得自己把聲唱唔到，講咗句『可唔可以一齊唱』，然後變成全場大合唱，變成好感動嘅時刻，大家好想畀力量我，完成咗一個無得encore嘅live。」

陳健安與粉絲

陳健安與粉絲

安仔用自己的歌形容感受，「對於我嚟講，呢兩日經歷咗好似《重生》歌詞『轉身看 怎會只得嗟嘆』、《未知道》歌詞『一路走著 一路走在生命之中 一直失望 一樣不斷希望之中』、《繼續繼續》歌詞『死半次 又再勇敢 於内在 融合再生』同埋『歷練視作指引』，唱出嚟特別有感覺，呢兩日係我好重要嘅據點。」他表示希望年初開演唱會，為2026年開個靚頭，全年可以慢慢「享用」在其演唱會得到的能量！

陳健安與粉絲

陳健安與粉絲

陳健安與粉絲

唱作歌手陳健安於本月15日生日踏入40歲，日前其歌迷會「本原族」為他舉行「Funny Forty Birthday Party」。其中「Funny Forty」倒轉剛好是他新歌《課題分離》諧音，相當有心思。生日會除了玩遊戲、抽獎、單對單合照外，安仔更盲抽解答Fans疑問，最多人問的包括：「轉字頭」心情？幾時開紅館個唱？

陳健安於本月15日生日踏入40歲。

歌迷會「本原族」日逾為他舉行「Funny Forty Birthday Party」。

安仔揚言年齡只是數字，「轉字頭」沒大感覺，最緊要活得自在，他說：「希望我嘅『自在』感染到人，大家都自在、快樂地生活！可能今年做嘅題材，例如《課題分離》等等，講緊點樣令自己更快樂、更自在，希望大家都可以。」

陳健安

「本原族」成立4周年，亦是第4年為安仔辦生日會。全場玩了一個好複雜的熱身遊戲：Fans根據抽到的相片、文字或歌名，與其他Fans結合成安仔曾演出的場合和表演內容。全場百幾人走來走去湊答案，非常熱鬧。而安仔就帶了十幾個私伙公仔和禮物抽獎送禮，他更在神秘的位置簽名搞驚喜。最搞笑是他帶了一個變聲器的咪高峰，用怪異的聲音唱歌和講說話，全場笑不攏嘴。

陳健安

陳健安

與粉絲大玩遊戲。

與粉絲大玩遊戲。

對於Fans悉心籌備生日會，安仔表示感恩和期待，甚至緊張到失眠，說：「因為搞一個生日會係好複雜，又要諗遊戲、布置、設計、整人型立牌、搵地方、出邀請，每年嘅生日蛋糕都好靚，真係好多謝佢哋！」據說AI指「本原族」不按理出牌，辦的生日會亦好crazy ，安仔笑說：「啱呀，好符合我嘅狀態。其實因為佢哋（Fans）令我好有安全感，可以做自己，喺佢哋面前可以好即興，諗到乜就做乜，講乜都得。我份人好跳，主持人又好跳，大家夾咗幾年好熟，成個生日會都好跳，我好鍾意咁混亂、無章法嘅氣氛。AI咁都知，犀利！」

陳健安

陳健安

Fans問他「轉字頭」感想，安仔說：「唔好俾年齡數字限制行為，唔好規定呢個年齡要做乜，或者唔可以做乜？應該著咩衫？最緊要做自己喜歡嘅事、快樂同埋開心，歲數只係一個紀錄。」今年初舉行的演唱會反應熱烈，Fans追問幾時在紅館開個唱？安仔坦言：「今年內唔會咁快再開大型演唱會，想再儲多啲歌。紅館、亞博都想，細啲嘅場亦都好想試，希望Fans無論咩場都嚟支持。」

與粉絲合照。

粉絲男女老幼都有。

粉絲男女老幼都有。

粉絲男女老幼都有。

生日會尾聲，安仔感性地說：「歡迎第一次嚟，或者啱啱加入嘅族人，一切都係緣份，無論幾時認識我，我都好珍惜。如果你哋覺『太遲』認識，我係好開心，因為代表『正』囉！好早之前嘅，無論由CAllStar開始又好，我都好珍惜、感恩，咁長時間嘅支持並唔簡單，唔係理所當然，多謝大家！」

陳健安

陳健安

安仔承諾繼續做好作品，揚言「幾多貨」，Fan聞言歡呼。他又笑言：「多謝來自世界各地族人，我會國際化，但仍然會好『地』！」而Fans知道安仔愛看千字文，送他很多厚厚的信，甚至輯成書本，他好感動，揚言統統帶回家慢慢細閱。

陳健安

陳健安

陳健安