陳健安兩場戶外演唱會圓滿結束爆喊謝幕 首唱《梨子》紀念爸爸 感激歌迷愛與包容

一連兩場「陳健安時的狀態演唱會2026」，昨晚（1月11日）於西九文化區竹翠公園圓滿舉行，陳健安（安仔）謝幕時感動又激動，哭成淚人！

一連兩場「陳健安時的狀態演唱會2026」圓滿結束。

安仔哭成淚人。

安仔哭成淚人。

安仔哭成淚人。

安仔首次個人戶外演唱會，兩晚演出座無虛席，台下捧場嘉賓亦非常熱鬧，頭場有樂隊Nowhere Boys主音Van、江𤒹生（AK）、艾粒的少爺占與阿奴、903DJ Vani、蔡浩然（Scott）、連家穎（Vian）和小肥等。而尾場有安仔今次演唱會主打歌《伊甸有歌》MV女主角楊愛瑾（Miki）、《沒有時間》MV女主張惠雅（Regen）、鍾雪瑩、黃淑蔓（Feanna）、雲浩影（Cloud）、梁仲恆、陳蕾、陳栢宇、Day和Marf @COLLAR、林家熙（Locker）和林子峰（Stone）等。

陳蕾

黃淑蔓

林家熙、Day、Marf

陳栢宇

林子峰

安仔以快歌《以青春之名》和《唔明你講乜》為演唱會揭序幕，全場觀眾起身跳舞。極少公開跳舞的他，演唱《創作者的派對》和《伊甸有歌》時勁舞，全場哄動跳舞，尤其他表演Locking其中動作「落7」，類似半一字馬落地再彈起身，觀眾驚喜尖叫與掌聲。安仔之前在網上遊戲節目《墨魚遊戲2》與Stone猜包剪揼後掀起熱潮，昨晚Stone在觀眾席向安仔挑機，台上台下對戰，結果Stone二比零贏安仔，場面搞笑。

陳健安

陳健安

陳健安

陳健安

陳健安

安仔表示：「今年係爸爸離開咗我20年，我之前諗起啲畫面，佢好鍾意比梨一條過唔斷，呢個係佢生活情趣，我細個睇佢被潛而默化模仿佢，所以今年做咗首新歌，今日希望做呢首歌掛住佢，呢首歌叫《梨子》！」全場即以掌聲為他打氣！接著，安仔對著觀眾席上的媽媽，唱另一首舊歌、為媽媽而創作的歌《愛的一種練習》，他笑說：「唱完阿爸唱阿媽！」唱畢他向台下飛吻。

陳健安

陳健安

陳健安

陳健安

陳媽媽

陳媽媽聽得好入迷。

開騷前，安仔呼籲觀眾帶心愛公仔入場，演唱會大合照時，他叫全場高舉公仔，Feanna亦聽話帶埋公仔一齊玩，非常有趣。演唱會尾聲，安仔講心事，他坦言飲食和做運動都很自律，卻懷疑因天氣轉變生病，對於首場失準，回家感到內疚而哭，但看到歌迷在網上留言的鼓勵他，令他好感動，非常有愛，期間他強忍淚水，繼續演唱。

安仔呼籲觀眾帶心愛公仔入場，很多粉絲聽話帶埋公仔一齊玩。

陳健安

演唱會結束觀眾大叫encore，安仔折返舞台，應觀眾點唱《如果世外見》、《煉獄健身室》和《重生》，全場大合唱，令安仔更加感動，他與樂手和舞者台上鞠躬後，終於爆喊，他說：「唱完啦，可以喊啦！多謝你哋（觀眾）！」事後他表示被觀眾的愛感動。

陳健安

陳健安

陳健安

陳健安

陳健安

唱作歌手陳健安紀念逝世20年的爸爸創作歌曲《梨子》，早前在個人演唱會上首唱，真摯演繹，感動全場。MV日前上架，以動畫配手寫歌詞字幕，片尾一段陳爸爸溫柔地氹小朋友的聲音：「汽水、雪糕，好嘢，拎晒出嚟」更是觸動人心。為找出這段聲音，陳家總動員翻箱倒籠，究竟陳爸爸當年跟誰說話？安仔揭盅：「係家姐大女，爸爸嘅外孫女！」

陳健安紀念逝世20年的爸爸創作歌曲《梨子》，早前在個人演唱會上首唱。

《梨子》MV日前上架。

安仔說：「好記得爸爸鍾意批梨皮一條過唔斷，攞畀我哋睇，呢啲生活情趣。其實我有啲價值觀、行為、生活習慣都來自爸爸，希望可以用『梨子』做引子，分享我傳承自爸爸嘅嘢。」MV以動畫代替真人拍攝，他說：「我唔想太煽情，不如用Animation（動畫）表達。邀請咗DJ阿檸（薛晉寧）畫，佢擅長用木顏色，好靚。而因為歌詞好夠力量，希望焦點放喺文字上，用手寫歌詞，有手寫嘅溫度，我好喜歡！」

MV圖片

MV圖片

MV圖片

《梨子》由安仔作曲，創作旋律時未有題材，但Demo名和內容已有「平平凡凡」元素，去年決定寫爸爸就邀請許弘毅填詞，這是二人首度合作，他聽了安仔分享爸爸生活點滴後寫了《梨子》。安仔說：「佢寫出我講嘅所有故事，當中有爸爸生活哲學，好感動。歌詞看似簡單，但再消化吓就有幾個層次，尤其是Verse（主歌）部份每句七個字，有poetic（詩意）感覺。」

編曲由安仔老best賴映彤（小彤）操刀，並與安仔聯手監製，她說：「大家留意編曲上有遞進嘅感覺，尤其是同陳健安做歌特別著重氛圍。」安仔向小彤發出「3個P」要求：poetic（詩意）、piano（鋼琴）、post rock （後搖滾），及加入仿黑膠碟「炒豆聲」（Vinyl）增添復古感覺。

編曲由安仔老best賴映彤操刀。

至於爸爸的聲音，安仔說：「首歌差唔多做完嘅時候，我諗不如加啲爸爸以前嘅聲，就喺屋企群組問，原來家姐以前用DC（數碼相機）拍片再燒成碟收晒喺牀下底，佢摷晒出嚟逐隻睇，再記低幾分幾秒有爸爸把聲，我即晚去家姐屋企攞晒啲碟返嚟再揀。我諗爸爸估唔到自己把聲全世界都聽到，佢好鍾意威，依家好威！」

MV圖片

「嗰段聲係2002年，當時家姐拍緊自己個女，爸爸氹緊佢外孫女。」因為找爸爸的聲音，家族多了一個有趣的親子活動：睇舊碟。安仔說：「家姐嘅大女未睇過自己細個嘅片，細女更加未見過姐姐細個，原來咁得意。一家人睇片好開心，變咗親子活動。我家姐都有拍我中學參加歌唱比賽嘅片，將來可同大家慢慢分享。」

觀看相關影片按連結：https://youtu.be/h6P0rY0go_E

安仔在2023年專輯《Life afteR Life》收錄了媽媽噓寒問暖的WhatsApp 口訊，今次在新歌《梨子》MV尾段加入爸爸的聲音，問安仔未來可繼續為其他家人創作，製成家族系列？他笑說：「可能要出三隻碟，我有六兄弟姊妹，仲有外甥女、侄仔，十幾廿個人，都幾大家族，其實家姐阿哥都好鍾意唱歌，等我諗吓先！」

安仔與媽媽

安仔與媽媽

安仔透露：「我爸爸性格幾唔聽人講嘢、幾任性，我都係。（爸爸係咪浪漫派？）從媽媽口中『你阿爸以前好靚仔』，講嗰時個樣係沾沾自喜。爸爸口甜舌滑，好識氹人，多才多藝，識打功夫、踢波、寫毛筆字好靚，每年都會寫揮春。」他更爆料小時候有一次畫畫功課，爸爸技癢在其水彩畫「海洋世界」用毛筆畫了一隻水墨蝦，非常搞笑。

陳健安