陳健安新歌拒被情勒而內耗亦不干涉他人事 MV遭狂鬧騷擾依然淡定

娛圈事

陳健安新歌拒被情勒而內耗亦不干涉他人事 MV遭狂鬧騷擾依然淡定

2026年05月13日 21:00

唱作歌手陳健安日前為新歌《課題分離》拍MV，為配合歌詞意思，導演Oscar安排十幾人飾演不同角色，連Van@Nowhere Boys的狗狗Poochie亦客串一角，他們從商場、街道、天橋、碼頭、隧道到街市，不斷重複出現在安仔身邊指摘他、騷擾他，而安仔則處之泰然，彈著結他自得其樂，氣場反差大，非常有趣。

新歌《課題分離》是安仔今年第二首派台歌，他本人作曲、Oscar填詞，老best兼拍檔賴映彤編曲，並與他一同監製。安仔表示歌名原自𠵍學家阿爾弗雷德·阿德勒（Alfred Adler，1870年－1937年）心理學的核心思想其中一項「課題分離」。安仔說：「人際關係嘅紛爭，好多時源於干涉別人的課題，又或者被別人干涉自己嘅課題。我依家呢個階段，要學習分清楚事件係自己還是別人嘅課題，有否過份干涉別人嘅課題呢？有啲人分唔清，甚至被情緒勒索而內耗。」

點擊看圖輯

陳健安推出新歌《課題分離》。

日前為新歌拍攝MV。

Van@Nowhere Boys的狗狗Poochie客串一角。

MV花絮

更多相片

陳健安推出新歌《課題分離》。

日前為新歌拍攝MV。

Van@Nowhere Boys的狗狗Poochie客串一角。

MV花絮

觀看相關影片按連結：https://youtu.be/e8GJ-W9ZZW8

安仔透露旋律早於2017年寫好，緣份到，事隔九年終於曝光。「每次做新project，我都會攞晒啲Demo出嚟重新聽，原本呢個Demo唔係呢個感覺，攞出嚟聽發現『幾啱feel喎』，然後我重新改咗啲編曲，配上呢個好似好認真嘅題材。曲風好chill、好輕鬆，但內容好認真，產生化學作用。」

今次MV導演，除了身兼填詞人的Oscar，還有安仔的足球隊拍檔Yatho一同執導。安仔說：「佢哋搵咗好多角色人物去煩我、滋擾我，佢哋好專業咁鬧我、騷擾我，辛苦佢哋走好多個場景，每次都要做相同嘅動作，然後剪接，呈現今次MV和主題。」安仔透露其中一個場景曾在《之後的一天》MV出現過，歡迎歌迷考古。

安仔之前的作品《梨子》講述父子關係，今次《課題分離》探討人際關係，安仔說：「每個人因為原生家庭，而有好多課題，點樣好好地同親人溝通？透過呢首歌同大分享，唔好框死在一個角色。」

往下看更多文章

陳健安《梨子（陪我遠征）》MV隱藏愛的密碼歌名到伴奏旋律呼應《好好掛住》

陳健安紀念已故父親創作新歌《梨子》，推出後感動人心，日前他為新版本《梨子（陪我遠征）》拍攝MV，一鏡到底的拍攝手法，正好呼應《梨子》歌詞中，安仔最懷念爸爸削梨子皮堅持一氣呵成的習慣。安仔更為新版本重新編曲和錄音，帶出不一樣的新鮮感。

觀看相關影片按連結：https://youtu.be/rHYXU7it-uE

安仔透露：「『陪我遠征』呢四個字，來自我另一首歌嘅歌詞，當中嘅口哨聲、和音嘅旋律都係來自另一首歌《好好掛住》。」《好好掛住》是2023年安仔的作品，是他悼念胞兄及安慰媽媽而創作的歌曲。今次《梨子（陪我遠征）》將兩首歌曲巧妙連結，將離別的傷痛化作鼓勵和正面能量。

觀看相關影片按連結：https://youtu.be/Qm7d43O8hQ4?list=RDQm7d43O8hQ4

之前《梨子》第一版MV是以動畫狀現，安仔說：「因為想大家專注歌詞，邀請寫字嘅artist寫歌詞字幕配合手繪動畫，感覺文藝和poetic（詩意）。而今次呢個版本，我覺得要有我份啦！」選在郊外拍攝，安仔說：「當我改編呢個版本時，彈住結他，有road trip、country和Folk song感覺，想搵一個有棵大樹嘅地方，好似去郊遊嘅感覺。而我未嚟過呢度，好似係首歌將我帶嚟呢度遠征。」