《破·地獄》奪意大利烏甸尼遠東電影節兩大獎出爐影后衛詩雅夥陳茂賢留港謝票

娛圈事

《破·地獄》奪意大利烏甸尼遠東電影節兩大獎出爐影后衛詩雅夥陳茂賢留港謝票

2025年05月04日 15:00 最後更新：15:02

英皇電影《破·地獄》由陳茂賢執導，黃子華、許冠文（Michael）及衛詩雅（Michelle）攜手主演，朱栢康、周家怡、秦沛、金燕玲、韋羅莎、梁雍婷、白只及鍾雪瑩聯合演出。

截至5月2日，電影最新港澳累積票房數字高達一億六千九百二十一萬，邁向1億7千萬。而上周香港電影金像獎更榮獲五項殊榮，包括最佳編劇（陳茂賢、鄭緯機）、最佳女主角（衛詩雅）、最佳男配角（朱栢康）、最佳原創電影音樂（朱芸編）及最佳原創電影歌曲（《普渡眾生》）。

點擊看圖輯

《破·地獄》劇照

衛詩雅、陳茂賢留港謝票

出爐影后衛詩雅

幾位得獎人包括出爐影后衛詩雅、導演陳茂賢、鄭緯機及朱芸編於金像獎過後繼續走訪戲院答謝觀眾支持，Michelle於謝票環節中娓娓道來，感謝觀眾一直以來支持：「參與《破·地獄》嘅整個歷程，觀眾朋友嘅力量佔咗好重要嘅一個位置，大家都同我地團隊分享自己嘅故事，讓電影同每一個角色更加有重量，所以我好開心可以親身到戲院多謝每一位一直同我地同行嘅朋友。」

而電影團隊今早更從意大利收到好消息，第27屆意大利烏甸尼遠東電影節（Far East Film Festival）於香港時間早上進行頒獎典禮，其中晉身競賽單元的《破·地獄》加長版成為本屆唯一得獎港片，獲頒先後奪得觀眾票選銀桑獎 (Silver Mulberry Audience Award) 及觀眾票選黑龍大獎（Black Dragon Award），成為本屆大贏家。對於同時獲得觀眾及影評人的認可，導演及編劇陳茂賢透過文字表達謝意：「感謝烏甸尼遠東電影節的觀眾與及專業評審對《破·地獄》的愛與肯定，感恩《破·地獄》這趟神奇的旅程又再收集多一道美麗的風景。」至於Michelle得知消息後，心情亦為之興奮：「好感恩《破·地獄》團隊喺意大利得到肯定，多謝當地觀眾嘅喜愛，讓電影走得更遠。」《破·地獄》加長版現正持續熱映，片長為139分鐘，多達12分鐘從未曝光片段呈現觀眾眼前。

往下看更多文章

衛詩雅有感做父母責任大對生B持開放態度陳凱琳盛讚鄭嘉穎是親力親為好爸爸

影后衛詩雅（Michelle）及KOL吸金女王陳凱琳（Grace）盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓，Michelle表示非常慶幸有個醫美醫生老公周祉安（Kenley），可以隨時請教護膚貼士，但同時亦大感壓力：「人哋談情時會好情深望住對方眼睛，但我老公嘅視線就游走喺自己塊面，一時話多條紋、一時話有斑，搞到我有無形壓力，好多時唯有問佢點樣做！」Michelle笑言，最不滿意自己的高度，如果需要微調的話，她一定選擇增高。

前日（24號）是Michelle的生日，收到姪仔「You Still Young」訊息而心花怒放，去年Kenley送上帽子作生日禮物，並不合Michelle心意，今年壽星女學精了，自己買下綠松石首飾，然後把賬單交給首次以老公身份相伴過生日的Kenley，Michelle難忘踏入重要一刻的搞笑情景：「佢（凌晨）十二點就熄燈，叫我扮唔知、扮驚喜，但個蛋糕根本就係我同佢一齊買！」

對於生日願望，正為新戲開工的Michelle希望拍攝順利、身體健康及世界和平，可有計劃生BB？Michelle回應：「我覺得做父母需要考牌，都有問自己，咁大責任，可唔可以教育一個人仔？我就未有資格，做媽媽太難，同埋而家我哋兩個生活好正，如果有小朋友，想去旅行都要諗過。」Michelle指老公對生育持開放態度，只在乎她的感受，兼且雙方家長都沒有給予壓力，即使領養也可以。

同樣性感登場的陳凱琳，透露早前趁有三天假期，帶六歲大仔飛往三亞旅行，老公鄭嘉穎則留在香港照顧兩個細仔，Grace說：「開學前爸爸帶咗大仔去新加坡玩，今次就輪到我，大仔鍾意食，好easy going，好聽話唔難湊。」在三亞的最後一晚，兩母子躺在酒店牀上傾心事，剛升讀小一的大仔，自揭仍想繼續留在傳統學校讀書，並表示很喜歡中文科的鄭老師，Grace笑道：「阿仔有爸爸同老師兩個鄭Sir，老師知道佢從小講英文多，所以鼓勵佢可以試吓用中文發問。」大仔嘗試後即獲讚賞，他亦看到自己中文有進步，加上認識到不少新朋友仔，覺得在這間學校讀書很開心。

問到兩位弟弟有否投訴媽咪「大細超」？Grace自言相當公平，已跟兩個細仔約定明年由爸爸鄭嘉穎帶他們一起旅行，Grace大讚老公：「佢係好親力親為嘅爸爸，我好感恩身邊有個咁錫小朋友嘅爸爸，呢段時間小朋友好需要家長陪伴，我就轉咗型，喺屋企都可以拍到視頻，多咗好多時間陪佢哋。」Grace 變身KOL相當成功，有沒有考慮與嘉穎以夫妻檔上陣？她說：「佢唔得，做戲對佢嚟講最有滿足感，所以我唔會逼佢做唔鍾意嘅嘢，佢亦好支持我嘅工作。」

你或有興趣的文章

《破·地獄》奪意大利烏甸尼遠東電影節兩大獎出爐影后衛詩雅夥陳茂賢留港謝票

娛圈事