蕭正楠母親節感嘆母愛偉大 自言攞出「父乳」換奶粉錢惹黃翠如反白眼

黃翠如與蕭正楠於3月迎來愛情結晶「簫哈哈」，組成幸福的三口之家。今日（5月11日）是翠如成為媽媽後的第一個母親節，蕭正楠就在社交平台發文感謝老婆、外母和媽媽，感嘆母親的偉大！

一家三口

兩公婆早前分工合作為囝囝剪頭髮。

蕭正楠晒出翠如抱着囝囝的照片，並留言：「母親節快樂，我要感謝我的媽生了我，我要感謝外母生了翠如，我要感謝翠如生了哈哈，一路上看着懷孕到出世的過程，才深深知道做媽媽是一點也不容易，就算是餵哺母乳時的痛楚，你也忍耐亦表現得很好。」

蕭正楠感嘆完母親的偉大後不忘搞笑，他貼出自己的半裸泳照，續言：「作為父親。我係時候要攞出『父乳』，換奶粉錢好好照顧哈哈，大家有咩想法可以留言，哈媽你今日好好享受，最後祝全天下母親節日快樂！」搞到翠如忍不住反白眼，並留言：「好好地一個母親節，唔知點解有啲咩父乳」，兩公婆的互動搞笑又有愛！

翠如都忍不住反白眼。

藝人蕭正楠與黃翠如於今年3月迎來愛情結晶「簫哈哈」，兩公婆自此不時在社交平台分享湊仔日常，更曾在活動中表示除了工作外，其餘時間都會留來陪仔仔，完全是廿四孝父母！

兩公婆不時在社交平台分享湊仔日常。

兩公婆除了工作外，其餘時間都會留來陪仔仔。

蕭正楠最近成為全職奶爸。

蕭正楠近日在IG分享自己的近況，「最近成為全職奶爸，湊住哈哈，真係體力同睇力都唔可以少，下個月仲要馬拉松，唔keep唔得，希望去到40歲，都keep住而家嘅精神！」從他分享的練跑照中可見，蕭正楠雖然已經48歲，但身形依然好Fit，不少網民都大讚他好有型，亦有人發現他疑似寫錯年齡，「奶爸要全力操Fit，身體強壯先可以全力照顧好哈哈，不過個40係邊個嘅40？」

圖片來源：IG@edwinsiu

圖片來源：IG@edwinsiu