蕭正楠黃翠如拍廣告借機拍拖 榮升父母後更關注養生

蕭正楠（阿蕭）與黃翠如一向是圈中的恩愛夫妻，自從去年3月誕下兒子「蕭哈哈」後，常常在社交平台分享三口子家庭生活照，令人艷羨非常。不過自從兒子到來，兩夫妻的生活都起了翻天覆地的變化，除戒掉不少壞習慣外，也比之前更注重健康。日前阿蕭及翠如為健康食品品牌善存拍攝全新廣告，就分享了不少為人父母後的改變。

夫妻檔拍廣告，借機拍拖。

阿蕭與翠如分別為「善存專業特選營養組合男士40+」及「善存專業特選營養組合女士40+」拍攝了兩段廣告片，過程中乘機放閃，真情流露甜蜜互動，今次夫妻檔合體搵奶粉錢，翠如透露過程很有趣：「客戶好放手俾我哋用返自己嘅默契去演繹，所以大家睇條片其實好多都係一shot落，過程好好玩，因為我哋而家身份轉換咗，好多時候習慣咗做爸爸媽媽，今次可以喺片裡面得返我哋兩個，算係一次小拍拖。」阿蕭亦不禁回想起兩人當初在劇集《師奶MADAM》初邂逅的情景：「就算我哋電視劇冇再合作，喺廣告再合作都係非常之開心！」

兩公婆不禁難得合體拍廣告，令蕭正楠回想起兩人當初在劇集《師奶MADAM》初邂逅的情景。

二人表現專業，跟導演何嘉華商討拍攝。

蕭哈哈遺傳唱歌天分

蕭哈哈雖然上月才剛滿一歲，但已十分有camera face，被問會否考慮跟兒子一齊拍廣告，翠如坦言：「暫時未諗住俾小朋友接觸呢個行業，因為其實BB參與拍攝係好辛苦，畢竟拍攝環境沙塵滾滾，亦有好多唔同聲音，對BB嚟講唔多習慣。」阿蕭就大爆兒子有唱歌天分：「我發現佢遺傳咗我，就係佢好鍾意唱歌，可能當時佢喺媽媽肚入面經常聽我唱歌，所以潛移默化。」

翠如透露暫未有計劃跟兒子合體拍廣告。

注重養生食supplement

自從成為父母後，二人都比以前注重養生，更戒掉夜瞓的壞習慣，翠如說：「每朝一早起身就會同BB開始搏鬥到佢夜晚瞓覺，所以好多時飯都未食完，忍唔住已經喺廳嗰度瞓著咗，所以而家變得好養生，好多時候都可以早睡早起。」阿蕭自言為了能陪伴BB成長也要努力養生：「運動方面加操咗，因為每日要抱住佢同佢玩，其實體能上都幾大消耗。同埋以前好鍾意飲冰水，而家我係每朝起身會先飲暖水，令到腸胃舒服啲。」

自從成為父母後，二人比以前注重養生，更戒掉夜瞓的壞習慣。

除此之外，阿蕭表示：「今次客戶介紹嘅產品，可以每日只係用一小包，就已經精準滿足到唔同年齡階段所需要嘅營養，其實真係幫到手，特別係我哋經常外出嘅人，真係好方便攜帶。」

蕭正楠黃翠如為親子關注養生。

不捨外出過夜工作

阿蕭與翠如每次要去開工都很掛念兒子，阿蕭透露兒子已開始懂性，知道父母出門會很失落：「而家仔仔知道我哋有時走咗去開工，佢會唔開心。有幾次同翠如一齊出咗去做嘢，走嗰時冇嘢，走咗之後，我哋聽到佢突然爆喊，跟住就指住個門口，意思係『點解走咗呀』，我哋真係好好好好唔捨得呀！同埋有時真係可能我哋出咗去做嘢，佢望見我嘅視頻，突然間係會笑得好high囉，同埋揸住我啲相喺度『爸爸、爸爸』，sweet到爆炸，搞到而家除咗真係必要嘅工作，盡可能都唔希望喺出面做過夜。」

兩公婆因為兒子不捨得外出過夜工作。

旅遊節目「黃金拍檔」洪永城（Tony）及黃翠如（Priscilla），日前正式飛往羅馬，為全新綜藝節目《走過歷史大地》正式展開首站拍攝行程！

翠如與洪永城（Tony）日前飛往羅馬，為全新綜藝節目《走過歷史大地》展開首站拍攝。

今日（4月20日），官方率先發布二人在羅馬的拍攝花絮。照片所見，雖然翠如與Tony遠赴羅馬，但依然相當受歡迎，根據官方發布照片，二人被數十名當地小學生重重包圍兼索取簽名、盛況空前！

二人品嚐當地甜品時，Tony一句「甜到癲呀」即令翠如笑到「破音」，歡喜冤家默契十足。

黃翠如

洪永城

黃翠如突變Pink Black
根據tvb.com發布的宣傳花絮搶先睇，翠如、Tony與當地小學生相處得樂也融融，翠如向眾人展示「雞手鴨腳」功夫招式、還問小朋友們想跟她還是Tony合照，當翠如聽到有小朋友指想跟她合照時，她即將Tony推埋一邊，場面搞笑。翠如向製作組透露全因Tony向當地小朋友聲稱自己是Hong Kong movie star兼動作明星，令到全部小朋友信以為真，才引發起哄。據知Tony除自稱是香港動作明星，還笑指翠如是K-Pop藝人「Pink Black」，認真跩豬。

官方另外還發布了二人品嚐當地馳名甜品的花絮，雖然只有短短數秒，但已看出翠如與Tony的另類默契。事緣Tony只說了四個字「甜到癲呀」，翠如即笑到「無法運作」，更「破音」著Tony食埋佢嗰份甜品，完全就是一對歡喜冤家。

二人雖遠赴意大利，依然深受當地人歡迎，被數十名小學生重重包圍索取簽名。

場面墟冚。