奇女子全身遮光搭地鐵引熱議 網笑：帝國白兵少婦軍？

雖然仍是五月天，但天氣有時熱到似夏日，不少女士都已出動防曬裝備；日前有網友在地鐵車廂遇到一位衣著打扮奇特的女子，她全身上下包括面部都被衣物遮到密不透風，令一班網民為之傻眼！

樓主以「她可以不用搽防曬⋯⋯啦」為題在社交平台上載相片。FB圖片

女子奇裝扮相全身包到密密實實

樓主以「她可以不用搽防曬⋯⋯啦」為題在社交平台上載相片，由相中所見，一位打扮奇特的女子正乘搭地鐵，她除了穿着連身長袖白裙及長褲，還頭戴一頂附有面罩的遮光帽，令人完全看不到她的樣貎。一身密不透風的裝扮令她看來非常異相。

有人就認為此女子如此獨特裝扮應另有原因，可能是「防蚊蠓」、「整完容要出街？」。FB圖片

網友傻眼：唔曬死都焗死啦

網民看見帖文都議論紛紛，有人認為此裝扮會「熱死」、「唔熱嘅咩？」、「生熱痱」、「唔曬死都焗死啦」、「熱死人，一身臭汗味」、「焗到酸餿臭唔怕生熱痱！焗都焗死」。

有人認為此裝扮會「熱死」、「唔熱嘅咩？」。FB圖片

猜另有原因：可能啱啱醫美完要防曬

有人就認為此女子如此獨特裝扮應另有原因，「防蚊蠓」、「整完容要出街？」、「整完容仲未消腫」、「應該係曬，防曬就得啦」、「可能啱啱醫美完要防曬」、「可能有紅斑狼瘡症，唔曬得太陽？」、「我猜呢個人肯定係做咗臉部激光清潔，唔得遇到強光，塵呢啲」、「紅斑狼瘡其中症狀係全身皮膚過敏。如果出外覆診就無奈要著成咁」。

有人想起經典電影《星球大戰》（Star Wars）中的白兵造形，問「帝國白兵少婦軍？」。網上圖片

網友搞笑：帝國白兵少婦軍？

有網民就開玩笑說可能是「大明星出場」，懷疑對方「是否特意避開啲眼仔（天眼），除咗可以分辨到男定女其他真係得個謎，私隱度極高，好方法」、「無人認到，做咩都得？」。

更有人搞笑咁話「想扮阿拉伯人又扮唔晒」；有人就想起「採蜂蜜裝」，甚至是經典電影《星球大戰》（Star Wars）中的白兵，問「帝國白兵少婦軍？」，有人就高呼「通知太空總署未？發現太空人迷路！」。

日前網上一宗「尋人啟事」引起網民熱議，事主指自己城門隧道轉車站候車時，終於接到應徵公司的錄取電話，惟傾談不足兩句，手機卻因沒電自動關機，幸獲身旁一名陌生女士借出「尿袋」解燃眉之急，最終成功接通電話並獲聘。事主事後在Threads發帖尋人，希望歸還充電器並親口道謝。

《愛回家》劇照。示意圖片

這則尋人帖文引來不少網民共鳴，眾人紛紛盛讚該女士的善心，直言「呢個舉手之勞並非人人做得到」。亦有網民認為，即使事主最終未能尋回恩人，只要日後繼續將這份善心傳揚開去，本身已是一種報答方式，「希望你可以將佢嘅無私同大愛傳承落去，因為我相信鍾意幫人嘅人，並唔係希望得到回報」。

threads圖片

事主以「今日想尋找一位好心人」為題在threads發帖，講述事發經過。事緣周三（8月12日）下午近4時，事主正在城門隧道轉車站候車，期間手機響起，來電者正是早前曾前往應徵的公司，內容關乎錄取邀請。事主直言「（呢個電話）真係等咗好耐，真係好重要」，未料雙方「傾咗唔夠兩句」，手機便因電量耗盡而自動關機。事主形容當刻「真係慌到個人呆咗，好驚就咁錯過咗呢個機會」。

《愛回家》劇照。示意圖片

眼見情況危急，事主瞥見身旁有一名短髮、戴眼鏡的女士，於是鼓起勇氣上前詢問對方有否攜帶外置充電器。對方二話不說願意借出，讓事主的手機得以充電重啟，最終成功接通電話並獲聘。
事主在帖文中向該熱心女士隔空喊話，「你可能覺得只係幫咗一個小忙，但對我嚟講，真係好大、好大嘅幫助」。由於對方當時趕着上車，事主未有機會詢問其聯絡方法。事主事後發現，該充電器價值約200多元，因此希望透過帖文尋人並將充電器物歸原主，「如果你咁啱（睇到）呢篇嘢，麻煩DM（私訊）我」。

網上圖片

帖文發布後，不少網民對該女士的善舉表示欣賞，留言包括「好人好事」、「呢個尿袋好靚喎，好彩遇到佢，真係幫咗個大忙」、「呢個舉手之勞並非人人做得到」、「香港其實好多善心人士，幫到人其實自己都會好開心，係一種得着」、「呢啲叫遇到貴人，希望（事主）有個好開始，之後一切順利」，以及「恭喜事主，祝新工作順利，同時祝借尿袋的好心女士手機永遠有電」。

事主其後再更新帖文，表示「當事人已聯絡我」，終於成功尋回借出「尿袋」的好心女士，更透露對方大方表示「唔使還」，令事主大為感激。事主又向協助轉發帖文的網民道謝，稱「都多謝大家幫手推post」。