中年好聲音3登峯之戰｜張與辰華麗戰衣成焦點 設計師Henry Lau發文盛讚合作

《中年好聲音3》亞軍張與辰於總決賽「登峯之戰」舞台上以兩套華麗造型驚艷全場，幕後功臣正是著名時裝設計師Henry Lau。Henry Lau在Instagram發帖，公開感謝張與辰給予機會設計決賽服裝，並盛讚對方天賦過人，舞台表現出色，值得所有榮譽與掌聲。

張與辰當晚身穿由Henry Lau親自設計的兩套舞台服。第一套為黑白色調的高訂西裝，配以閃石與立體剪裁細節，盡顯時尚感與舞台氣場。張與辰站於聚光燈下，神情自信，舉手投足間展現王者風範。

據張與辰受訪時透露，兩套造型靈感來自張國榮、梅艷芳等香港樂壇傳奇，設計結合經典與現代元素，既有華麗羽毛大褸的震撼，也有閃石西裝的細膩。張與辰更在比賽中挑戰高難度唱跳，配合高跟鞋與舞台服，展現出突破自我精神。

Henry Lau在帖文中寫道：「Thank you @victeo so much for giving us the opportunity to design two stunning outfits for your ‘登峰之戰’ performance. You are incredibly talented and looked absolutely fabulous on stage! We are so proud of you and your amazing success. Congratulations on winning three prizes! You truly deserve all the accolades and recognition.」言語間流露對張與辰的欣賞與驕傲。

Henry Lau親自設計的兩套舞台服手稿。IG圖片

Henry Lau親自設計的兩套舞台服手稿。IG圖片

張與辰於中年好聲音3決賽身穿Henry Lau設計的閃石西裝。IG圖片

張與辰於中年好聲音3決賽身穿Henry Lau設計的羽毛大褸。IG圖片

張與辰與設計師Henry Lau(右)合照。IG圖片

張與辰於中年好聲音3決賽身穿Henry Lau設計的西裝手稿。IG圖片

張與辰於《中年好聲音3》總決賽「登峯之戰」奪得亞軍。

「致敬詞聖盧國沾作品演唱會」昨晚 (6月7日) 於紅磡體育館圓滿完成，一眾表演嘉賓包括葉振棠、徐小明、羅嘉良、呂珊、李龍基、張德蘭、米雪、溫兆倫、 雷安娜、蔣志光、麥潔文、黃寶欣、羅敏莊、張與辰和劉洋聯同由麥家樂擔任指揮的寰宇交響樂團以沾Sir的經典金曲向他致敬。

歌手和盧國沾女兒盧葦蓁大合照。

米雪

羅嘉良

呂珊

打頭陣的張德蘭以一曲《相識也是緣份》為全晚演唱會揭開了序幕，之後她說 :「首先我要多謝大家嚟支持今晚演唱會，其實盧國沾先生真係寫咗好多令大家刻骨銘心嘅金曲，對我哋香港樂壇有好大嘅貢獻，盧國沾先生嘅作品係我哋 香港好寶貴嘅文化遺產，你哋話係唔係?所以我喺度希望大家用你哋最熱烈嘅 掌聲送俾盧國沾先生，好嘛?」此時全場掌聲雷動，德蘭續說:「我睇過盧生佢生前出嘅一本書，叫做《歌詞的背後》，我睇晒成本書，我發覺盧生原來好 鍾意大自然，所以如果你有留意盧生嘅歌詞，你會發覺佢係會有好多對大自然 嘅描寫，更加有好多佢嘅人生哲理喺裡面，咁我知道佢今晚佢嘅女女喺度，盧太亦都喺後台聽我哋唱歌，我想借呢個機會除咗多謝盧生，亦都要多謝盧太，因為佢一直都比好多支持同埋佢好愛盧生，我同佢哋真係相識咗好耐，咁呢個時候我唔阻大家咁多時間，我喺度送俾大家一首我好鍾意嘅歌，大家可以細味裡面嘅歌詞，呢首歌我比較少唱，但我今晚好想用心將佢唱俾大家聽，呢首歌就係《情若無花不結果》。」唱畢此曲後德蘭說:「真係好掛住佢，跟住我唱嘅歌可以話改變咗我嘅歌唱事業，因為呢首歌係盧生第一首寫俾我嘅電視劇插曲，《鮮花滿月樓》」接著的李龍基獻唱了《陸小鳳》和《浣花洗劍錄》;呂珊先唱出《每當變幻時》，珊姐說;「好多謝主辦單位邀請我嚟演繹沾Sir嘅歌，其實佢咁多首唔同類型嘅歌曲，喺我哋嘅成長過程都代表唔同嘅片段，佢嘅歌太精彩，隻隻歌我都想唱，大家平時應該好少見到我着晚裝，今晚可以同咁好嘅樂團一齊合作，跟住送俾大家嘅呢首歌都係由細唱到大，呢首就係《神鳳》。」

李龍基

徐小明

張與辰和劉洋

葉振棠出場先唱出《大內群英》，棠哥說:「多謝大家對盧Sir嘅支持，其實我自己當年好幸運，因為我加入麗的電視之後就一口氣可以唱咗六套劇嘅主題曲同插曲，呢啲主題曲同插曲都係盧Sir嘅作品，大家仲記唔記得《大內群英》、《浮生六劫》、《浴血太平山》、《大俠霍元甲》同埋《太極張三丰》嘅主題曲，仲有《浮生六劫》嘅插曲《戲劇人生》、《浴血太平山》嘅插曲《找不着藉口》、《大俠霍元甲》嘅插曲《誰知我心》，我非常非常多謝盧Sir對我嘅愛戴，但係大會同我講雖然我自己有咁多首盧Sir嘅靚歌，但我只可以揀兩首，不過我要唱三首，我問點解呢?佢哋話我要代表Michael Kwan向盧Sir致敬，各位朋友《天蠶變》」;久違的黃寶欣獻唱了《驟雨中的陽光》和她當年參加第四屆新秀歌唱比賽時的作品《我為你狂》。

張與辰

劉洋

蔣志光

張德蘭

麥潔文

羅嘉良從升降台出現在大家眼前唱出《秦始皇》，之後他說:「盧國沾先生寫 咗咁多膾炙人口嘅歌曲，令到我哋留下咗咁多美好嘅回憶，我喺1984年參加新秀歌唱比賽嗰陣認識盧生，當時佢第一次見到我，我亦都係第一次見到佢，眨吓眼已經41年，我非常多謝我嘅恩人盧國沾先生，因為如果冇佢就唔會有我羅嘉良，我相信大家都會永遠懷念盧生，我好開心成為佢嘅徒弟，跟住我要送俾大家盧生一首非常出名嘅歌曲，亦都係一首電視劇嘅主題曲，大家頭先開場嘅時候呢首歌就已經響起，送俾大家，《殘夢》」。接着雷安娜先後唱出《明日話今天》和《願君真愛不相欺》，她更找來蔣志光和她合唱《人在旅途灑淚時》，之後蔣志光再唱了《漁舟唱晚》及《大地恩情》。

黃寶欣

溫兆倫

葉振棠

雷安娜

中年好聲音3的張與辰先出場唱《決戰前夕》，劉洋緊接出場唱《雪中情》，之後他們兩人合唱《傲骨》。壓軸出場的溫兆倫先唱出《隨緣》，Derek說:「我 重新一次介紹自己，大家好，香港嘅朋友好耐冇見，我係溫兆倫，好榮幸可以 嚟到今晚紅館呢個舞台，我哋可以一齊向盧國沾先生致敬嘅同時，我哋唔可以 忘記一件事，一個成功男人嘅背後一定有一個好好嘅女人支持佢，同唔同意呀?所以大家要對老婆好啲，今晚我哋嘅掌聲除咗係送俾盧國沾先生，我哋更應該用更熱烈嘅掌聲鼓勵同埋送俾盧國沾夫人，盧太，多謝妳同沾叔睇住我入行，我都好幸運喺拍劇嘅期間遇到好多好嘅劇本，其中有一部劇我相信大家都有 睇過，叫做《今生無悔》，跟住落嚟送俾大家同名嘅歌。」Derek在唱畢《今生無悔》後，便聯同其他歌手大合唱《前程錦繡》，為「致敬詞聖盧國沾作品演唱會」畫上了圓滿句號。

羅敏莊

歌手大合唱《前程錦繡》。

丘亞葵和麥家樂擔任指揮的寰宇交響樂團。