張致恒老婆呻即將被逼搬遷雯雯：我已經接受現實

娛圈事

張致恒老婆呻即將被逼搬遷雯雯：我已經接受現實

2025年05月13日 17:00 最後更新：17:44

張致恒（Steven）與太太區燕雯（雯雯）一家六口長期經濟困難，雖然Steven已正正經經返工搵錢，但生活仍是入不敷支，老婆雯雯月初自爆無$15,000交租而被逼搬遷，但就揚言：「我哋齊上齊落一齊接受，亦不再強求人去幫。」母親節前一天（10日），雯雯在IG Story和網民玩「你問我答」，並表示：「既然冇路行，不如傾下計（偈）」。

雯雯於母親節（5月11日）當天連出逾30個Post，選出的問題內容都是圍繞她所面對的生活困難、健康情況等，亦有不少人給予鼓勵為她「加油」！有網民問到最迫切的「欠租」問題，雯雯透露已欠租一個半月，而業主更已限定她們一家要在「9日」後搬出。

點擊看圖輯

Steven一家六口

Steven曾在網上訪問中透露老婆心臟不太好。

雯雯早前自爆心臟有事，形容是生命多了個計時器。

踏入五月不久，雯雯又自爆無錢交租。

雯雯IG Story

有網民建議她求業主放寬期限「兩個月先補交租」，雯雯就回覆：「有，佢堅持要我哋走」、「搵都冇用，邊會有業主租比我哋，就算有呢個好用，我都邊度有呢舊錢」、「死路，冇人會租。有，我哋都冇幾萬蚊」，又連環出PO：「冇屋住亦租唔起」、「有冇人有紙皮箱或紅白藍袋可以幫下？」、「其實冇地方可以去，冇得交今個月租，又點會租到新屋」、「準備冇地方住」，在網民問：「今鋪堅要瞓街？」雯雯就說：「之前係有好心人，所以次次唔洗（使）發生，去到今次，我已經接受現實」。

當中，有網民留言，指有可以養狗的特平村屋可以以6000元租給他們一家，但雯雯卻半信半疑：「背（會）租比我？」並透露一直有社工跟進他們一家，但政府公屋排期需要很長時間，而她亦堅決不會棄養狗狗，「已經10年，佢係我家人，你會唔會放棄你家人？！」

至於雯雯的身體狀況，她透露：「呢兩日一邊眼突然腫痛，要好用力爭（睜）開眼，講嘢都痛困難。」她承認自己患有抑鬱情緒問題，還說了一個母親節「笑話」，「尋日話比200你明天睇醫生，今日話搵到咪話你知」，疑似暗示老公Steven搵唔到錢。此外，有網民叫可以再放code叫人幫忙，但就被雯雯拒絕，「冇咁多好人，只會比人玩，真係好攰」。

往下看更多文章

張致恒內地開騷唱《死性不改》網民拒撐BOYZ重組：不了！

藝人張致恒（Steven）近年因家庭經濟及債務問題備受外界關注，更曾被部分網民列入「香港四大廢男」名單。不過他近月明顯積極振作，多次被目擊努力開工賺錢養家，並有意重返樂壇，近期更頻頻現身內地不同Live House演出。

昨日（21日）有網民在社交平台上載Steven的演出片段，只見他與多位音樂人同台獻唱昔日組合BOYZ經典歌曲《死性不改》，演唱時相當投入，表情七情上面，整體狀態亦不俗，引來部分粉絲留言表示希望有朝一日能再次看到BOYZ合體。

不過，亦有自稱BOYZ忠實粉絲的網民公開發文，坦言支持Steven腳踏實地工作及重新踏足娛樂圈，但對於BOYZ重組則態度堅決：「我本人係絕對理解同埋尊重張致恒腳踏實地搵真銀，甚至係再次踏足娛樂圈，If this is what he wants 但係重組BOYZ？不了」

而Steven本人其後更親自現身留言，以簡單4字回覆：「我認同嘅」，疑似正式表態自己亦無意推動BOYZ重組，再次引發網民熱議。

View this post on Instagram

A post shared by 鼎豐盛 (@g.p.m_tvvvv)

你或有興趣的文章

張致恒老婆呻即將被逼搬遷 雯雯：我已經接受現實