近日有港媽在社交平台Threads發帖，大呻子女學校供應的33元「英倫鮮茄豆蓉蛋堡粟米飯」質素差劣。
家長試食直言心痛
該名港媽透露，當日因忘記取消訂飯，孩子將學校飯盒帶回家。從照片所見，飯盒內只有一件扁平蛋堡、零星粟米飯和少量白烚菜，所謂「鮮茄豆蓉」被形容為「溝淡版茄汁豆」。
Threads圖片
Threads圖片
她親自試味後批評：「個汁係溝稀咗嘅茄汁豆，菜係白烚冇味」，坦言見子女要食這種飯盒感到心痛。她又指去年飯商收費30元，今年轉公司加價至33元，但質素未見改善。
網民齊轟：33蚊不如食兩餸飯
帖文引發熱議，不少網民看過照片後大感震驚：「33蚊畀啲咁嘅垃圾」、「成本有冇6蚊？」、「33蚊不如食兩餸飯」。有家長感同身受：「我個女日日返嚟都話難食」、「學校唔畀出去食，可以點？」。亦有人建議自備飯盒：「幾攰都要畀小朋友帶飯」。
unsplash示意圖
支持派：健康飲食無可厚非
不過亦有網民為飯商辯護：「學生餐要健康，低鹽低油低糖」、「二三十蚊有個飯，仲想點？」。有人解釋成本問題：「要專人監察、用靚外賣盒、送上課室，全部係成本」。但多數家長仍認為，33元定價應提供更合理質素，甚至有家長無奈表示：「其實好多家長唔介意畀貴少少，但奈何價低者得」。
unsplash示意圖
一位孝順女在社交平台發文，大呻雖然自己每月都「嘔15k家用」，但父母仍不滿足，當阿妹提出分擔部份家用時，父母更發爛渣，批評她「俾得幾個錢施捨」。
示意圖。愛回家劇照
樓主：羡慕父母對子女0經濟回報期望
女網友發帖第一句寫到「好羡慕啲屋企父母對子女0經濟回報期望」，她提到自18歲起已沒問屋企拿錢，學費全靠政府資助，做兼職搵生活費之餘，還要每月給父母$2000家用。時至今日她出來社會工作，月入$35000，但每月仍要給逾四成人工即是$15000當家用。
示意圖。愛回家劇照
妹妹提出與姐姐分擔家用即觸怒父母
父母還反對她去旅行，認為「日日出街洗曬啲錢，仲不如俾黎做家用」，還埋怨她給的家用不夠，認為她應該儲多些錢，留給父母養老。當她的妹妹提到想與姐姐分擔一半家用，認為姐姐以後搬出去住都需要有錢旁身，怎料卻觸動了父母的神經，罵到「搬出去唔洗俾伙食養我地？」「仲不如宜家我地退休 劃掂都冇人理我地」、「你係咪以為俾得幾個錢拖捨俾我地？」、「咁姐係逼我地冇人理做乞丐靠政府」令事主感到崩潰。
示意圖。愛回家劇照
父母有兼職「每人都有月入起碼14k」
她坦言父母的說話「唔會令我想俾多啲錢」「只會覺得更加堅定有能力就搬出去住」事主還透露其實父母親都有固定的兼職，「每人都有月入起碼14k」，但依然覺得女兒給的家用不夠。雖然事主曾提出只負責家中租、水、電、煤等開支，卻要求她要連買餸、日用品等費用都「負責埋」。她大感不惑，點解「你哋人工就唔洗拎出嚟完全係自用就得？邊到合理㗎」。
示意圖。愛回家劇照
網友怒批父母行為如「當子女ATM」
帖文一出，網民都為樓主感不值，紛紛留言力撐，更批評她的父母，如「當子女ATM」網民怒斥「四肢健全行得做得pt仲要問個女攞15k真係cls」、「即係你屋企人依家仲返緊工仲要食你萬$5家用？」「佢2個既人工做零用架，咁爽？」「自己有職業，仲虎視眈眈你啲錢」
「養兒防老」觀念已過時
亦有網民覺得舊時老一輩「養兒防老」觀念已過時，坦言「養兒防老係以前農業社會觀念」「窮人+傳統思想父母先會咁」、「好藍領父母feel」。有網民指「呢類上一代知識差距過大導致溝通唔到真係好常見」。
