有街坊在社交平台群組「馬鞍山之友」發帖，投訴在港鐵烏溪沙站一間兩餸飯店，以35元購買的兩餸飯，餸菜份量與價錢不成正比，並表明「以後都唔會再幫襯！」。從帖文附上的照片可見，飯盒內僅有3隻滷水雞翼，配以數件西蘭花和1條炒紅蘿蔔絲。
資料圖片
網批要求過高：你覺得應該要幾多？
帖文隨即引發網民熱議，意見呈現兩極。有網民認為樓主要求過高，留言指「$35我覺得算係咁，而家物價成本全部都貴，求其$35一餐無要求，如果覺得唔抵應該要返屋企自己煮」，更有人揶揄「你覺得應該要幾多？」、「你想要11隻雞翼？」、「30幾蚊仲想點？留喺屋企食公仔麵啦」。
網民以35元購買的兩餸飯，餸菜份量與價錢不成正比，直斥離譜。FB圖片
然而，亦有街坊認同投訴，認為以該價錢和份量而言確實「唔抵食」，並指該店質素下降，「開頭好好㗎，而家又難食，份量又少，無幫親好耐」、「上次我買個飯仲要畀好少飯餸又少，啲餸好淡無味」。
資料圖片。(不是涉事兩餸飯店)
街坊推薦同區其他選擇
部分網民更分享同區其他兩餸飯店的選擇，認為性價比更高，例如「利安嗰間$28，勁多餸，仲可以多飯添」，或建議「去新港城街巿買夠大份」，為追求「抵食」的街坊提供其他覓食方向。
近日一名顧客在社交平台Threads發文表示，「最近經歷咗非常得人驚嘅外賣事件」，他透過Keeta外賣平台訂購炒飯及煎蛋，打開包裝時卻發現食物表面及包裝蓋上沾有大量不明毛髮。幸好他尚未食用，否則後果不堪設想。
樓主在社交平台Threads發文。Threads截圖
即時聯絡餐廳 獲退款與重新配送
顧客隨即聯絡餐廳，餐廳初步懷疑事件可能發生在配送過程中，懷疑遭人惡作劇，已即時安排全額退款並重新配送一份新的炒飯。顧客對餐廳積極跟進的態度表示感謝。
樓主透過Keeta外賣平台訂購炒飯及煎蛋，卻發現食物表面沾有大量不明毛髮。Threads截圖
顧客報警並向平台投訴
事主除了向餐廳反映外，也立即向Keeta平台投訴、報警，並聯絡食物環境衛生署。由於事件性質嚴重，他認為可能涉及惡意行為或刑事責任，明言會保留一切法律追究權利。
網民震驚 懷疑外賣員蓄意惡作劇
事件曝光後，網民紛紛留言表示驚恐：「勁驚，會有陰影，好恐怖」、「1條都當佢唔小心，咁多條好明顯係蓄意喎」、「咁幼仲要咁攣，都幾肯定係體毛」。多數網民認為最可能是外賣員惡意將毛髮放入食物，批評「擺明特登搣落去」。
包裝蓋上亦沾有不明毛髮，Threads截圖
網民呼籲加強封條
網民則呼籲餐廳應普遍使用封口貼紙或密封袋，以確保外賣安全，並提醒大家「外賣安全，請大家唔好即刻食，先望清楚再食」。
網民呼籲加強封條。Threads截圖
對Keeta僅贈優惠券感失望
樓主指，「一直幫襯咗Keeta好耐，之前都好地地未試過咁，真係好失望，等咗3日都未有人畀合理答覆我」，到終於有回覆時，Keeta表示「跟進緊叫我等，同時offer一張$50優惠券當作賠償」，但他拒絕，批評「你當我乞兒？件事咁嚴重，唔該你哋正視，搵出件事嘅真相並畀個交代我」。
Keeta：已積極跟進調查
Keeta平台回應表示已積極跟進調查，該訂單已全額退款並提供額外補償，同時強調會對涉事送遞員採取嚴厲措施，包括可能終止服務協議。
