一對香港情侶近日打破傳統，選擇在火鍋放題店包場舉辦婚宴，更以唐記包點蒸飯換領券代替傳統餅卡，創意安排引發網民熱議！
人情實惠 食得開心
有出席賓客在Threads發文分享經歷，形容「位位自助任食，食得開心，新人支出又少啲」，更透露人情金額只需500元，較酒樓酒店中位數800至1000元實惠。
Threads截圖
唐記飯券獲長輩讚賞
該賓客表示，新人以唐記包點蒸飯券代替餅卡的做法出人意料，「無人鬧之餘，仲要班長老同親戚大讚實用啱食」。婚宴選址平日晚市客流較少的火鍋放題店，包場成本相對較低，新人更提供399元和牛餐選擇，被賓客形容「你自己食放題都唔會捨得食啦」。
Threads圖片
店員忙到甩轆 賓客自得其樂
雖然店員忙於應付大量賓客，「要幫客追單喎，寫十碟未到」，但現場氣氛輕鬆。有網民大讚安排：「正喎，可以著casual少少輕鬆食一餐」、「新人可以隨時坐低同朋友傾計，順手淥幾舊肥牛」。更有人笑言：「影相要熄爐啫！某程度嚟講係winwin雙贏。」
示意圖。設計圖片
網民兩極反應
部分網民認為做法「慳錢」、「cheap咗少少」，但更多人支持創新安排：「cheap唔cheap睇你個人點睇」、「成長片段根本無必要，睇完只會覺得尷尬」。婚宴平台數據顯示，傳統酒樓酒店人情中位數為800至1000元，今次500元的人情金額令不少網民表示「抵食」。
資料圖片
網傳影片，3位大媽在收銀台前上演激烈爭住埋單的場面，手機付款碼準備就緒，個個爭住叫「我嚟！我嚟！」。其中一位看似搶先成功付款，但之後卻有反轉，有眼利的網民更看出當中玄機。
目擊者在社交平台發帖
樓主在社交平台Threads上傳短片並發帖，留言指「真係誇X張，完全目中無人，直接喺我面前表演MMA。我企喺後面好似以為我有防護罩咁，真係呆Ｘ咗」。
大媽搶付藥油錢超激烈：我嚟
影片可見，3位大媽在收銀台前「爭位」，搶住為藥油付款，「得得得得得得」、「唔好唔好唔好」、「我嚟我嚟我嚟」、「呢度呢度」此起彼落。
大媽搶付藥油超激烈：我嚟！當事人帖文截圖圖片
搶先掃碼以為贏晒
然而，看似先掃碼成功的大媽，其實只付了最靠近收銀員的那1盒藥油，其餘5盒較遠的藥油，反被後上的大媽成功搶付。
看似先掃碼成功的師奶，其實只付了最靠近收銀員的那1盒藥油。當事人帖文截圖圖片
她在片中向店員說「唔係唔係，你掃我吖嘛真係」、「後面5支俾我」，最後成為爭埋單的最大贏家。
最後成為爭埋單的最大贏家。當事人帖文截圖圖片
網民看穿：假爭俾錢
不少網民對這種「MMA式」爭付行為感到反感，覺得「阻住後面客人」、「好擾民」，更直言「咁想俾錢，不如叫佢連你份一齊俾晒啦」。
不過眼尖網民則看穿這是「假爭俾錢」，直呼「扮嘢扮到爛」、「假到爆」、「其實個個都不想俾」。有網民一針見血，「十幾二十蚊就爭得要死，幾百蚊就即刻縮」、「小錢爭住俾，大錢就無影」、「試下幾千蚊睇下仲爭唔爭，純粹演戲！」。
眼尖網民則看穿這是「假爭俾錢」，直呼「扮嘢扮到爛」。當事人帖文截圖圖片
小額消費上刻意表現人情味？
有人分析，可能心裡想着「可能兩個都唔想俾之後食飯嗰餐」，於是在小額消費上刻意表現人情味，大額時卻自動退縮。
網民抨擊：其實為咗面子
不少網民抨擊這種文化，「超討厭呢種爭俾錢文化，明明係假慷慨，其實為咗面子！」、「收起嗰啲無謂面子啦」、「撞到樓主咁多下，換成我即刻開口鬧佢哋」、「叫佢哋閃開一邊慢慢打啦，後面好多人排隊」、「我之前試過被5個師奶圍住爭俾錢，爭住買一把指甲鉗，我企定定等佢哋完事」。
