中一生李佳暖場獻唱《上海灘》感觸 勉三甲勿忘初心

TVB人氣選秀節目《中年好聲音3》「登峯之戰」於周日晚在啟德體藝館圓滿結束，吸引全城關注。「中一」師姊李佳賽後於Instagram發文，感謝所有參賽者及支持者，並分享作為暖場嘉賓獻唱《上海灘》的感受，直言「好多回憶返曬來」，更勉勵三甲選手勿忘初心，繼續在星路上發光發亮。

經過連場激烈對決，最終由黃博奪得冠軍，張與辰獲亞軍，劉洋則成季軍。三位選手實力備受肯定，賽果一出即成熱話。李佳在帖文中特別恭喜所有七強選手，形容「真係唔容易」，並表示三甲「實至名歸」，希望他們日後星途順利，「星路從此開始……勿忘初心，越行越好」。

作為《中年好聲音1》亞軍，李佳今次以暖場嘉賓身份登台，演繹經典金曲《上海灘》，並坦言這首歌正是當年讓她贏得MVP的代表作。能夠在更大舞台上再度演出，令她感觸良多，「好多回憶返曬來」，並感謝「中年好聲音」獲得大眾認可及熱烈關注，為中年歌手提供追夢平台。

決賽當晚，除四位固定評審外，葉蒨文、張智霖及羅志祥亦以嘉賓評審身份現身，更聯同一眾歌手合唱《第一次》作開場，氣氛熱烈。比賽前更有歷屆參賽者及藝人步上紅地氈，為盛事增添星光。

隨著《中年好聲音3》圓滿落幕，TVB高層曾志偉亦即場宣布《中年好聲音4》現已接受報名，歡迎35歲或以上、熱愛音樂的朋友挑戰自我，踏上屬於自己的高光時刻。

李佳中年好聲音3啟德體藝館獻唱上海灘。IG圖片

李佳中年好聲音3啟德體藝館獻唱上海灘。IG圖片

李佳中年好聲音3啟德體藝館獻唱上海灘。IG圖片

中年好聲音大家庭後台合照。IG圖片

中年好聲音大家庭慶功。IG圖片

大師姊李佳與「中三冠軍」黃博面貼面合影。IG圖片

大師姊李佳與「中三季軍」劉洋合影。IG圖片

大師姊李佳與「中三畢業生」李金凱合影。IG圖片

宣明會一直關注身處飢餓的兒童及群體，多年來與全球各地多個社區和伙伴合作，全力回應因氣候變化、衝突及貧窮等因素引致的飢餓問題。除了推行各類緊急糧食援助工作，亦致力協助受影響的家庭改善糧食供應及營養情況，為飢餓孩子帶來希望。今年3月至6月期間，宣明會「糧家村」故事系列更首度伙拍英國經典童書Mr. Men Little Miss及羚邦集團（2230.HK）舉行一連串籌款活動，以可愛、親民的漫畫分享更多飢餓及營養不良問題。

世界宣明會「我要世界走飢餓」籌款活動

世界宣明會「我要世界走飢餓」籌款活動

為讓更多人聽見世界飢餓的聲音，宣明會將於4月25及26日假荷里活廣場舉行「我要世界走飢餓- Go & Seek！」活動，更邀得暖男爸爸黎諾懿及細心好媽李佳帶同她的兒子親身到場，分享他們對飢餓的親身體驗和看法，藉此呼籲更多市民齊齊為踢走飢餓出力！

黎諾懿過往多次與宣明會合作，他大讚機構為很多貧瘠地區的人出力，亦希望將來有機會與仔仔一同與宣明會到不同地方探訪，親身了解世界飢餓問題。而首次與宣明會合作的李佳，機緣巧合下於去年與兩位仔仔成為了親子助養者。她去年在網上見到宣明會的助養計劃，立刻打電話去，然後就成為了助養者：「我一直都有留意飢餓問題，因為細個嗰陣，媽媽帶我去雲南一個比較貧瘠嘅地區參觀，當時有好多小朋友伸隻手出嚟跟住我哋架車跑，我就將自己手上嗰包朱古力畀咗佢哋食，呢個畫面好難忘。而家小朋友都好幸福，所以希望通過呢件事（成為助養者）畀佢哋知道，其實世界上仲有好多地方嘅小朋友係好艱難無地方住。而且我用仔仔名義去助養，過兩年當佢哋自己可以對零用錢有自主權，到時佢哋就會知道，有責任要幫助小朋友。」

暖男爸爸黎諾懿

對於食物，兩位家長同樣注重教育兒子們要好好珍惜，黎諾懿經常教導「小春雞」黎峰睿及「小冬牛」黎奕辰不可以浪費食物：「去餐廳食嘢，一定要食得到先好嗌。的而且確，香港嘅小朋友係好幸福，無論係物資定食物都好富裕，差唔多佢哋想要嘅嘢都有，正正因為咁，我哋更加要教識佢哋，有好多小朋友都唔係咁，所以我會帶佢哋睇多啲，希望教識佢哋知足。有機會，我都想畀佢哋感受飢餓，亦都想同佢哋去做探訪。」

圖片來源：黎諾懿IG

李佳指雖然未曾感受過飢餓，但記得疫情隔離期間，為兒子們準備兩餸飯：「佢哋食一餐都可以，但係食幾餐就好唔願意，嗰陣細仔唔肯食，情願自己餓住都唔食，我就同佢講好多小朋友冇嘢食，你幾幸福，佢最後都食咗幾啖，所以有機會嘅話，我都想帶佢哋去外地探訪，畀佢哋親身感受吓。」

雖然兩人都認為香港小朋友物質充裕，但要面對讀書的壓力。早前曾提出「讀書冇用」的黎諾懿，希望能以活動教學的形式，讓小朋友開心成長：「香港小朋友好多都（被）要求分數，又要去補習班、興趣班，填到好滿，我希望我嘅小朋友喺身心有個平衡。其實，關於『讀書冇用』呢件事係一個美麗嘅誤會，我係話『讀死書係冇用』，而家AI嘅年代，對比起傳統嘅學習，我哋需要去協調，我仲要澄清返唔係話乘數表冇用，我係話如果佢唔係做科學家，去背啲科學物理表，對小朋友冇咩用。最重要係跟住小朋友自己嘅才能發展，因為每個小朋友都唔一樣，唔可以用同一種方法去教。」

細心好媽李佳

李佳教育兒子們一向比較嚴謹：「我老公初初同我都有唔同意見，但係我兩個仔都喺香港本地小學讀書，中國教育同外地真係唔同，好似午飯咁，有好長嘅時間佢哋係唔食或者食得好少，佢哋成日問我可唔可以帶飯，但係我會問『點解人人都食，係你哋唔食得？』真係餓就會去試食少少㗎啦。」

細心好媽李佳與仔仔

至於馬年的工作大計，黎諾懿將到馬來西亞開工：「大部分時間暫時都喺馬來西亞，希望香港都可以有多啲節目拍攝，可以同大家見面啦。」而李佳稍後亦會推出新歌，屆時希望讓大家看到不一樣的佳佳。

宣明會「我要世界走飢餓 – Go & Seek！」活動將於4月25及26日假荷里活廣場舉行，除了有黎諾懿及李佳擔任嘉賓，屆時亦有親子互動遊戲、藝術工作坊，更有多款糧家村聯乘Mr. Men Little Miss的期間限定紀念品。另外，4月指定期間惠顧大家樂特定套餐系列可獲贈糧家村聯乘Mr. Men Little Miss的期間限定透明打卡相框及限量版立牌等 (見附表)；而山崎麵飽和鴻福堂亦會於指定期間設捐款箱，讓市民一同以行動支持這項既有趣又有意義的活動！詳情請瀏覽本會網站：https://www.worldvision.org.hk/hungry