鄭秀文澳門演唱會第四場 點唱洪嘉豪《黑玻璃》

天后鄭秀文（Sammi)5月16日於威尼斯人綜藝館舉行第四場「You & Mi鄭秀文澳門演唱會2025」，全場爆滿，來自世界各地歌迷捧場，Sammi表示感動。特別嘉賓洪嘉豪坦言收到Sammi邀請，加上被點唱《黑玻璃》時，感到受寵若驚。不過最大驚喜可說是有歌迷掟出一個紅色bra上台，Sammi高舉笑言太大。

天后鄭秀文（Sammi)昨晚（16日）舉行第四場「You & Mi鄭秀文澳門演唱會2025」。

洪嘉豪擔任特別嘉賓。

Sammi說：「今次我邀請嘅嘉賓都比較包羅萬有，有啲熟悉嘅面孔，有啲來自樂壇比較新嘅歌手。我覺得我年紀大咗，喺舞台上除咗自己嘅表演之外，仲有一份使命感，希望能夠將咁大嘅舞台，同一啲比較新晉嘅歌手，或者我自己覺得好欣賞嘅歌手，分享呢個舞台。」然後唱出《不要驚動愛情》，嘉賓洪嘉豪升上舞台，手拖手合唱，觀眾驚喜尖叫。

兩人合唱《黑玻璃》。

之後，Sammi坦言私心想聽洪嘉豪現場演唱《黑玻璃》，洪嘉豪說：「當我收到Sammi嘅邀請，最驚訝係Sammi識我？有聽我嘅歌？仲要指定要唱呢隻歌？我哋呢輩嘅歌手有時都會迷惘，收到Sammi邀請，覺得係一個肯定和榮幸。」Sammi說：「絕對係一個肯定，洪嘉豪係一位相當有實力嘅歌手，你去年首歌咁高點擊率、咁多人鍾意，一定有佢嘅道理，你唱都相當出色。」

洪嘉豪坦言收到Sammi邀請，感到受寵若驚。

歌迷掟出一個紅色bra上台。

昨晚現場眾非常熱情，Sammi與24HERBS和Matt Force演繹《愛是》、《愛是2.0》和《罪與罰》，以及與Rapper KALAI演唱《信者得愛》時，觀眾湧到台前，吶喊和跳舞，氣氛高漲。

Sammi高舉笑言太大！

演唱會尾聲，全場大叫Encore，Sammi化身「DJMi」一邊打碟一邊唱《煞科》，全場high爆！之後繞場邊唱《我們都是這樣在大的》，歌迷紛紛送她毛公仔和花，期間有人從觀眾席掟了一個紅色Bra上台，上面更繡了一對「Mi」字，全場0咀！Sammi見狀執起並高舉大笑，說：「呢個杯好大喎！」一邊唱歌一邊將Bra拼上身，又笑說：「你係咪想潤我呀？買個咁大嘅。」她還將它當眼罩，非常搞笑。最後Sammi說：「呢首歌充滿正能量，歌名好適合送畀每一位，送畀你哋《終身美麗》。」全場大合唱，澳門演唱會第四場圓滿結束。

全場爆滿。

許志安

為慶祝香港樂壇搖籃「華星唱片」成立55周年，大型音樂企劃「星塵55」正式啟動。透過Remaster（重新製作）經典作品推出黑膠唱片及深情專訪，讓樂迷重新認識「華星」的音樂歷史與文化遺產。深情專訪頭炮，由16歲參加「第七屆新秀歌唱大賽」，贏得銅獎的天后鄭秀文（Sammi）揭開序幕。

Sammi接受「星塵55」專訪。

今年7月10-12日，Sammi將於啟德主場館舉行一連三場「You & Mi 鄭秀文演唱會2026亞洲巡迴終點站」，在這特別的好日子，「華星」推出「Sammi 初」黑膠唱片，當中Side A的《不來的季節》及Side B的《Chotto等等》都是Remastered，提升音色質素，讓這些珍貴的音樂以最好的狀態重現，非常值得珍藏。

鄭秀文Sammi

Sammi說：「對於我個人同埋『華星』呢個label，都係一件好有意義嘅事。參加『新秀』係我人生好重要嘅一步，好細個嘅時候，大約10歲11歲左右，我已經決定當夠年紀16歲就要去參加新秀，其實我好細個內心已有呢個plan。踏出呢個里程碑，參加呢個比賽入咗行，係我音樂旅程一個非常重要嘅起點。」

鄭秀文Sammi

當時年紀輕輕的Sammi表現淡定，她笑笑說：「我而家睇返都覺得自己當時幾淡定，屋企人俾我好大嘅支持到，我爸爸嘅參與度好高，佢幫我揀歌，佢比我好大嘅自由度，喺我背後支持我。」勝出後，Sammi一口答應與「華星」簽8年合約：「當時我計數，8年後都係20幾歲啫！有啲同學為咗未來諗緊點算嘅時候，但我冇壓力，考完會考即刻有份工，前面有條路等我去行，而且係我自己去揀。」

鄭秀文Sammi

「華星」黑膠碟收錄了Sammi人生第一首派台歌《思念》、第一次三台冠軍《不來的季節》，還有經典作品《娃娃看天下》。她說：「《娃娃看天下》當時唔係大Hit作品，但對我嚟講係一個timeless 作品。我以前唱呢首歌真係『娃娃』，依家用大人嘅視覺去睇呢個世界嘅成功、失望、挫折。」長大後越來越難感到興奮？Sammi否定：「唔會。有時諗到啲點子或者接到一啲好有趣嘅job，我就會好興奮。源於呢個Passion，嚟到而家呢個年紀仲可以繼續run。」

鄭秀文Sammi

永不言休？Sammi坦言有幻想過退休，但不會設立時間點：「如果天父要我停就停，做就做。我自己內心知道，好多嘢令我會澎湃，尤其是舞台上嘅創作，一諗到啲好玩嘅嘢就會好興奮。喺演唱會上，我會傾向藝術成份較高，例如《裸體早餐》嘗試結合藝術元素放喺演唱會。又例如去年『拉闊音樂』《浮雕》嗰part藝術成份好高，我覺得啲觀眾好接受。我好鍾意呢啲嘢，好想介紹畀觀眾，嚟緊傾向藝術性高啲嘅表演方式。」

觀看相關影片按連結：https://youtu.be/751vdCXUKjw