家姐細佬迎來「熊」生初夏 消暑最佳節目：返屋企涼冷氣

不知不覺本港已踏入初夏，港產大熊貓「家姐細佬」亦迎來「熊」生第一個夏天，自帶一身「羽絨」的牠們，似乎天生就知道消暑的最佳妙方，就係返屋企涼冷氣！

今日「熊」生態度分享。IG圖片

據香港天文台資料，星期日（5月18日）本港最高溫度高達31度，港人早已習慣潮濕悶熱的天氣，不過對於大熊貓「家姐細佬」來講，香港的炎夏絕對是一大考驗。海洋公園就在社交網站最新公開「家姐細佬」夏日消暑小妙方：「熊」生態度分享，做熊貓就係要懶得剛剛好，唔係唔郁，不過剩係郁 2 步！

海洋公園小編笑言，「講真，呢幾日天氣咁熱。小編都好似家姐細佬咁，行 2 步就想返屋企攤唞吓！」原來，大熊貓場館內的溫度會維持在18°C至24°C，亦就是大熊貓們覺得最舒適的溫度，唔怪得「家姐細佬」出來行2步即刻止步，急不可待要返屋企涼冷氣！

做熊貓就係要懶得剛剛好，唔係唔郁，不過剩係郁 2 步。IG圖片

做熊貓就係要懶得剛剛好，唔係唔郁，不過剩係郁 2 步。IG圖片

有網民就大讚牠們識嘆：「我覺得我都應該住入大熊貓館，18-24度都係我理想嘅生存溫度」、「一齊行好可愛」、「細佬用隻腳仔擋住度門好搞笑，熊生真係寫意好羨慕～」、「姐弟並肩而行好可愛」。

太紫殿下開始嘗試輸入密碼。IG圖片

兩姐弟並肩而行。IG圖片

細佬用隻腳仔擋住度門好搞笑，熊生真係寫意好羨慕。IG圖片

星期日是一年一度的父親節，海洋公園的一眾動物爸爸們今日亦收到來自飼養員們的暖心祝福，而當中有最chill爸爸之稱的大熊貓「樂樂」亦坦言，「我雖然唔知咩係父親節，但我今日過得好快樂呀！」

IG圖片

海洋公園在社交平台公開園中多位動物爸爸收到的父親節祝福，其中大熊貓「樂樂」早上一瞓醒，就見到超多契爸契媽同動物朋友仔祝自己父親節快樂，不過向來不知自己早已成為爸爸的「樂樂」就全程都係十萬個黑人問號「？？？」

IG圖片

IG圖片

雖然同自己的一對寶貝子女家姐「加加」同細佬「德德」緣慳一面，心有靈犀的「樂樂」在父親節這天食得飽、瞓得冧已經無得輸，仲有兩姐弟隔空送上寫有「父親節快樂」的竹子，不怪得「樂樂」心滿意足「我決定唔問太多，照單全收」