溫碧霞番禺開騷獲天公造美 被熱情歌迷感染又唱又跳全身濕透

溫碧霞（Irene）前晚（5月17日）在廣州番禺大蓬車美食音樂大本營戶外場地舉行《2025溫碧霞火玫瑰巡迴演唱會廣州站》，當天下午一直滂沱大雨，開騷前天公造美由大雨變得天朗氣清，一再靈驗「太陽女神」稱號，因為由落雨瞬間轉睛，令到現場所有歌迷份外興奮。

溫碧霞前晚在廣州番禺大蓬車美食音樂大本營戶外場地舉行演唱會。

開騷前天公造美由大雨變得天朗氣清。

Irene首先以疫情時鼓勵大家微笑面對，而灌錄的歌曲《Make You Smile》開場。唱完之後，她感謝大家到來：「好開心，多謝 fans 多年以來都咁愛我，做演唱會要好有勇氣。」接著演唱《只是太愛你》、《一切也願意》、《刻在我心底的名字》。

Irene唱出多首歌曲。

演唱會上播出了Irene 43年來的電影及電視劇代表作片段，勾起大家不少回憶，包括，82年初出道的第一部電影《靚妹仔》、劉德華《停不了的愛》、任達華《驚變》、譚耀文《愛在深秋》、還有《地下情》、《中國最後一個太監》、《出埃及記》、《紮職》、《墮落花》、電視劇《火玫瑰》、《封神榜》、《施公奇案》、《反貪風暴》、《PTU 機動部隊》等。隨即唱出經典電視劇「火玫瑰」主題曲《海潮》，全場熱烈歡呼！

演唱會上又播出了Irene 43年來的電影及電視劇代表作片段。

Irene在台上多次感謝歌迷、影迷、同事、家人、朋友：「我用咗好多心思在呢個演唱會，每一首歌都好有意思。」她更特別感謝英皇老闆楊受成博士、霍汶希（Mani）、經理人Winnie Au等，全場歡呼拍掌。接著一口氣唱了多首經典金曲《明星》、《千言萬語》、《月半小夜曲》、《我真的受傷了》、《陪著你走》，唱完再度感謝說：「送俾身邊好愛我的人；同埋我好愛的人！多謝大家的愛及支持！」而當晚邀請了型男沈震軒擔任表演嘉賓，兩人合唱《小酒窩》及《停不了的愛》，沈震軒再獨唱 《愈難愈愛》，又自彈自唱國語歌《我真的很好》。

Irene邀請了型男沈震軒擔任表演嘉賓。

二人合唱《小酒窩》及《停不了的愛》。

演唱會尾聲，Irene換上迷你短裙及長袍外套，又跳又唱一連串燒跳舞歌《火美人》、《森巴嘉年華》、《灰色》、《跳舞街》，全場揮動螢光棒，大批歌迷走到台前跳舞，Irene也被全場歌迷熱情氣氛感染，「好熱呀！全身濕曬啦！」隨即脫下長袍，再唱陳百強的《有了你》、Beyond《喜歡你》、鄧麗君《月亮代表我的心》全場大合唱，非常感動！

Irene在演唱會尾聲換上迷你短裙及長袍外套。

又跳又唱。

唱到脫下長袍，

最後，Irene以《難得有情人》、《自由在我手》為演唱會圓滿落幕！而老公Kenny（何祖光）與經理人Winnie坐足全場欣賞！

為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。

英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。

昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。

女團VIVA

溫碧霞（Irene）亦有到場感受氣氛。

經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」

VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」

何佩瑜（Jeana）

Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」

周國賢（Endy）壓軸登場。

全場瘋狂high爆！

整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。